السلام عليكم

انا بكره متوهقه بسوي شاورما دجاج لاختي عشان تاخذها الجامعه بس اذا سويته يجي الدجاج ناشف حتى لو ابقي فيه شوي مويه مايجي طري وناعم مدري فهمتو علي

كيف يجي الدجاج طري ويتاكل بسرعه بدون ماينمضغ ساعه ونص

وكمان وش احلى تتبيله لدجاج

وفدييييييييييتك م

شوفي في طريقه مررررره حلوه ولا تاخذ جهد منك والطعم وربي روعه معتمدتها دايما

تحطي في الخلاط
ملعقه زبادي
ملعقه كاتشاب
ملعقه زيت
3 فصوص توم
ملح وفلفل
بعد ما تخلطيها حطيها على صدور الدجاج المقطه بالطول
بعدين في صينيه وقصدريها وحطيها في الفرن من تحت على نار متوسطه نص ساعه
بعدين افتحي القصدير وحمريها شوي من فوق الين تصير ذهبيه
واحشيها في الخبز مع البطاطس المقلي والمايونيز والكاتشب والشطه

على فكر المقادير تكفي صحن دجاج واحد
مرضات ربي يا يمه ثم مرضاتك
هذي علومي فديت دعاءك وعلومك

يا جعل ربي يحقق كل دعواتك
الا دعاتك جعل يومي قبل يومك
مشكوووووووووووو ره

بس تطلع لينه ولا قاسيه؟؟
[SIZE="5"]شوفي ياختي قطعي الدجاج وحطيه في مقلااايه مع نصف بيالة زيت واحمسي اللين يذبل بعدين حطي بصل وطماطم ومقطع نصف حلقاات وثوووم مفروووم بس لالاتكثرين وحطيه على الدجاج واحمسي اللين يذبل الطاطم علشان ينزل مويه وبعدين حطي الملح والفلفل الاحمر المطحون والبهااارات وقصري على الناار بس انتي لاتخلينها تنشف واخر شي حطي الفلفل الرومي بس لايطول على النارر حتى مايصير طعمه مر وضبطيها في السندويتشاات مع الخس والبطاطس وبالعاافيه ادعيلي الله يسر لي طلب العلم امييين[/size]
يارب إني أكون أول وحده ترد عليك ..

المهم حيبتي أنا بعطيك طريقتنا بالشاورما .. وتراها مررره حلللوه وماتصير ناشفه ولا شي
وبإذن الله بيعجبك طعمها

أول حاجه صدور دجاج تقعينها وتتبلينها ب ( طبعـآ بالخلاط ثوم + زبادي + ملح + بهارات + نص برتقاله + خردل < إذا متوفر عندك )

وبعدين تحطينها بصينيهفيها زيت وتدخلينها الفرن من جوا وبعد ماتستوي تعطينها تحميو خفيف

وإذا طلعتيها من الفرن حطي عليها كل شي >> ( البطاطس المقلي + مايونيز + كاتشب بس لاتكثرين + خردل )

وأخلطيها وأحشي اللي تبينه فيها ..

ياارب أنك فهمتي ,, وأي إستفسار أنا جاهزه : )

* بس أهم شي لما تحطين الصينيه اللي فيها الدجاج المتبل بالفرن لا تخلينها تنشف مرره خلي فيها شوية رطوبه ..

~
"استغفر الله العظيم وأتوب إليه"


الساعة الآن 05:21 .