6-التخفيض الاخير في الاكسسور هو10.\. و 15.\. التخفيظ قليل جدا وعلى فكرة تراني انصدمت لما رأيت التخفيض وفكرت اترك اشركه وانا مندوبه جديدة
7-الكتالوجات قليلة حيث لو اعطيته زبونه بقى عندها الكتالوج يومان او ثلاثة
8-عاى فكرة الكتالوجات ما تجي الا بعد انتهاء عروضها
للأسف نسيت الموعد ولا كنت ناويه أروح

catycat
عظم الله أجركم في الوالد وغفر له.. والله يصبركم ويخلفكم خير.
عظم الله أجرك يا أختي.. وغفر لوالدك وأسكنه فسيح جناتك..
وشكرررررررررررر راً جزيلاً لاهتمامك بتطوير الوضع في الشركة..


وبالنسبة للاجتماع:
1. ما درينا عنه (هذي أول شكوى ) ليش؟
2. ما عندنا أي نماذج أو عينات للمكياج أو الكريمات تماماً.. وما فيه أحد رضا يشتري ولا شي لما يسألني عن رأيي الشخصي وأنا ما جربت ولا شي لا روج ولا شدو.. ولا شفت الاكسسوارات بعيني.. وما أقدر أكذب.. فبالتأكيد الكل يخاف من المغامرة خاصة أن الأسعار غالية ومساوية لأسعار ماركات السوق المعروفة..

3. الاكسسوارات غالية جداً.. وحجمها غير معروف.. يعني كثير ناس يقولون أخاف يطلع الطقم صغييييير في الحقيقة ونتورط..

4. العطور أيضاً غالية وروائحها متشابهة وقريبة من الرجالي (ما فيها رائحة ورود، فواكه،..)

5. ما فيه أي كتاالوجات معي غير واحد والناس ودها تشوف على راحتها.. يعني كان ودي أعطي البعض يورون خواتهم وزميلاتهم.. لكن صعبة أخاف يضيع الكتالوج الوحيد اليتيم.

6. ما فيه أي تواصل مع المندوبات. (بالنسبة لي)

7. فيه أشياء كثيرة توحي بانخفاض مستوى الماركة مثل (تصميم الكتالوج وإخراجة عموماً يحرجني، الأكياس التي يتم فيها تسليم الطلبيات نفس أكياس المحلات الرخيصة.. الي عليها أهلاً وسهلاً) مما يجعلني لا أعرضها على الناس الراقين بصراحة علشان ما أنحرج..

8. ما فيه عروض عامة يعني عند الشراء بمبلغ كذا تحصلين على كذا..أو عند شراء اكسسوار تحصلين على روج.. لا.. أغلب العروض على أشياء محددة فقط.. وغير مرغوبة..


الاقتراحات:
1. تطوير إخراج الكتالوج تماماً.
2. اعطاء كل مندوبة حقيبة كاملة للعينات مقابل مبلغ الاشتراك الذي دفعته أو بمبلغ رمزي..
بحيث تحملها أينما ذهبت.
3. الاتصال بشكل دوري بالمندوبات.
4. تصميم أكياس خاصة بالشركة بشكل راقي
5. دراسة تخفيض الأسعار بشكل جدي.
6.تصميم عروض جديدة ومنوعة.
صحيح انا اتفق مع البنات في كلامهم

اليوم وحدة تقول لي بصراحة عجبني اشياء واجد بس كلها غالية
ولا في عينات حق اتاكد من درجة اللون
يعني اروح السوق واخذ لي ماركة بنفس السعر مع تجربتي له قبل ما اشترية

يوم قالت كذا انا قلت في نفسي ليش اشتركت بصراحة جلست اهلوس وقول ياليت اني ما اشتركت
أخواتي الحبيبات
السلام عليكم ورحمة الله وبركاته
جزاكم الله كل الخير وأنا سعيدة جدا لمشاركتكم وتفاعلكم والصراحة أنا حبيت أعرف مشاكل عضواتي والصعوبات اللى يواجهوها فكان لازم نعرف المشكلة ونتعاون على الحلول لكن الغريبة والملاحظة إن ولا واحدة من الأخوات ما أتكلمت عن الإيجابيات اللي في الشركة ( طبعا مو عشان ما فيها إيجابيات لا لكن عادتنا إحنا بنات حواء نتكلم عن السلبي وما نشوف الإيجابي وأنا متأكدة إن لو كل وحدة راجعت نفسها ولاحظت الإيجابيات راح تلقي السلبيات أختفت صح ولا لأ)
طبعا عارفين إن كل شركة في بداية مشوارها تواجه بعض الصعوبات لكن هذا مو معناه إنها فاشلة ( لازم نحط هذا الشئ في بالنا) بالذات في أكبر الشركات العالمية المشهورة والمعروفة ودحين رايحة أرد على كل أخت وبدون ذكر أسماء لأني حاتكلم في الموضوع عامة
بسم الله الرحمن الرحيم
1- الإكسسوار وإتهامه بانه غالي ( أنا أسألك لو كان الإكسسوار ماركة كريستيان ديور وقلت لك إنه بالمبلغ الفلاني حتوافقي على سعره ولا لأ؟؟ ... طيب أنا بقولك الإكسسوار ماركة سوارفسكي_ البجعه _ وشركة كولايا هي الوحيدة التي تملك حق التصنيع لهذه الماركة - بنات الرياض والشرقية يعرفوا منتجات سوارفسكي عندهم عروضه وأسعاره ومميزاته وأكيد بيعرفوا أهمية هذه الإكسسوارات تصنيع فرنسي نمساوي وليس تصنيع صيني أو كوري أو من محلات أبو ريالين منتجات راقية ومميزة وما عليها أي خلاف والغالي ثمنه منه وفيه ولك وللزمن والذهب موضته تقدم أما منتجاتنا حاجات مميزة ما تروح موضتها أبدا وبعدين الذهب لما تشتريه الشئ الفخم والمميز بالشئ الفلاني وسعره غالي وهذه الأيام نار وما يقارن بمجموعة كولايا من ناحية الأسعار ( إنتي جربي تاخذي ذهب أصلي وخذي من كولايا سواء ذهب ابيض أو اصفر وحطي الإثنين جنب بعض وشوفي الفرق إذا قدرتي تميزي بينهم تعالي وقوليلي)أما وقت البيع فالذهب اللي بفصوص ما يجيب لك شئ راح تبيعيه بأقل من نص سعره الأصلي
أما بالنسبة للتخفيض فعروض الإكسسوار 10 و15 % للزباين غير25% للعضوة يعني 35% تخفيض يعني في كل 1000 ريال لك مكسب 350 ريال فكيف النسبه قليله أو التخفيض قليل ؟؟
أما بالنسبه للصور تبع الإكسسوار فهي نفسها الموجودة في الكتلوج ويمكن تكون أكبر في بعض الحالات يعني ما تخافي من هذه الناحية وتشتري وإنتي مطمنة وفي بطنك بطيخة صيفي وعشان كده أنا أشدد على أهمية حضور الإجتماعات بالنسبة لعضواتي وجميع عضوات الشركة لأنه هناك يكون في عرض كامل للمنتجات وبالحجم الطبيعي سواء كان إكسسوار أو مكياج أو عطور كمان بالنسبه للعضوات ممكن تكلمي قائدتك أو مديرة منطقتك ووتاخذي منها بعض المنتجات كعهدة عندك ولفترة محدودة متفق عليها بينكم عشان يشوفوها زباينك ويتعرفوا على المنتجات وأكيد القائدة أو المديرة ما راح تقصر معاكي وبالنسبة لعينات الإكسسوار فهذي أعتقد إنها صعبة شوية لأن الشركة راح تفلس إذا أعطت عينات إكسسوار لكل عضوة من العضوات أما إذا كنتي قائدة فالشركة بترسلك هدايا عينية من الإكسسوار تقدري تخلي عضواتك وزباينك يشوفوها وزي ما قلت بالنسبة للعضوة ممكن تتفق مع قائدتها عشان تشوف المنتجات
2-العطورات معضمها شرقية داخل فيها دهن العود والمسك والعنبر وفي بعض منها برائحة الفواكه واستغرب من اللي تقول إن رائحتها خفيفة فإذا كانت عطور كولايا خفيفة فما هي العطور المركزة والثقيلة أما بالنسبه لسعرها فأنا أجدها معقوله جدا بالنسبه لعطورات قزاز ولا تنسي إن معظم عطورات قزاز 50 مل بينما عطورات كولايا 100 مل وتعتبر عبوة إقتصادية كما إنه يوجد عرض على بعض العطور تصل الى 40% مثل عطر رينيه 100 مل وسعر العطر للعميلة 189 ريال أما السعر للعضوة فهو 119 ريال صافي يعني ربحك حيكون 70 ريال كما يوجد له عرض آخر وهو تشتري خمس حبات من نفس العطر سعة 100 مل وتحصلي على السادس مجانا وينزل السعر الصافي للعميلة 109 ريال أما بالنسبة لباقي العطور فلكي فيها خصم 25%
وفي عرض ثاني على العطور (ثلاثة عطور سعة كل منها 100 مل + الشال العنابي الكشميري + طقم عقد مع أقراطه + كريم ترطيب وشد الجسم + شامبو الجسم - مجانا-)هذا العرض قبل الخصم 1086 ريال توفري فيه 400 ريال ليكون بعد الخصم للزبونة 686 ريال ويكون لك بعد الخصم 514 ريال صافي وهذه أنا نزلت العرض تبعها في موضوع الصفحة الثالثة من كولايا فيعني إيش أكثر من كده تخفيض ؟؟؟
3- بالنسبة لعروض الماكياج العرض اللي نزلته في موضوع شووفي عروض كولايا هو خاص بظل العيون ستار باودر عشان كده حاطينه في مجموعات يعني مثلا وحدة تجي تقولي أبغى من ستار باودر أقولها ما تقدري تاخذيه إلا عبر المجموعة لكن ممكن تاخذي روج أو محدد أو أحمر خدود أو أي منتج ثاني من المكياج لوحده بدون أي مجموعة حتى في عروض للمنتجات كل وحدة لوحدهامثلا روج كلر آب تاخذي روج والثاني مجانا - -- ظل العيون الرباعي سبايس آي شادو تاخذي واحد والثاني مجانا -- شاور جل الإستحمام تاخذي واحد والثاني بنصف السعر ... وهكذا
كما إن الشركة منزلة عروض مثلا إذا أشتريتي منتجات بمبلغ 550 ريال راح تاخذي مجموعة شنط للماكياج من الساتان حتى نفاذ الكمية وعرض ثاني إذا اشتريتي بقيمة 250 ريال من منتجات الجسم تحصلي على مراية للجدار مجانا حتى نفاذ الكمية
كما يوجد عرض إذا أخذتي من مجموعة المكياج تبع ستار باودر راح يجيكي مع كل مجموعة مزيل مكياج العيون+ مرطب بحبيبات ملمعه كما في العروض
4-بالنسبه للكتالوجات كل مندوبة يجيها كتالوجات أساسية لها وإذا أحتاجت من الشركة تعطيها الشركة زيادة بالنسبة لكتلوج المكياج أما بالنسبة لكتلوج الإكسسوار فهي مكلفة للشركة من حيث تصويرها وطباعتها فعشان كده الشركة تاخذ عليها رسوم أما العروض فهذه مسئولية كل قائدة ومديرة الشركة منزلة عروض كثيرة لكن على قائدتك مسئولية إبلاغك عن مواعيد الإجتماعات ووقت نزول العروض وشرح العروض ومميزاتها والخصومات وكل ما يتعلق بالشركة ومنتجاتها وهذه أمانه تسألون عنها يوم القيامة لأن الشركة بتدفع نسبه للقائدات وبتدفع رواتب للمديرات ولما القائدة أو المديرة تترك عضوتها من غير ما تشرح لها أي شئ فهذا ماهو ذنب الشركة ولكن ذنبها اللي راح تسأل عنه أمام الله
5- بالنسبة للطلبيات اللي تجي للعضوة فهي تجيها إما في كرتون أبيض مغلف بلصق وفوقه الفاتورة أو في أكياس متينة شفافة عليها شعار الشركة إذا كانت الطلبية قليل
وفي الفترة الأخيرة صحيح بعض الطلبيات كانوا يحطوها في أكياس متينة محكمة بسبب توقف شحنة من بضاعة الشركة في الجمارك لأسباب خارجة عن إرادة الشركة بسبب دقة الإجرءآت والتشديد في الجمارك وهذه أسباب تأخر شنط عينات الأرواج بالرغم من وجودها في المملكة إلا أنها متوقفة في الجمارك لأسباب خارجة عن إرادة الشركة وفي إنتظار تسهيلات الجمارك مع دعواتكم
وفي الأخير أشكركم جميعا لتواصلكم وتفاعلكم مع الموضوع وصدقوني أنا سعيدة جدا بهذا التواصل وأي وحدة سواء كانت من عضواتي أو من غير عضواتي عندها أي ملاحظة أو إستفسار تتصل فيني وما تتردد وما راح أبخل عليها بالرد بالعكس راح أكون على أتم الإستعداد وعلى الرحب والسعة
وأشكر كل من عزتني في وفاة الوالد الله يرحمه ويغفر له ويجعل مثواه الجنة يارب والله يجزاكم بالخير
والسلام عليكم ورحمة الله وبركاته
[center][size="6"][color="Red"]
( ان لم تستطع الاقلاع عن الذنوب فزاحمها باالطاعات )







اضغطي على الصوره لمعرفة لماذا حذف توقيعك .


الساعة الآن 08:14 .