السلام عليكم..
شكراً أختي كاتي لتجاوبك ويا ليت نصف القائدات بس يصيرون زيك وزي أخلاقك ونشاطك وإخلاصك ما شاء الله عليك.. فأنت بكل صدق مكسب للشركة.. والشركة صراحة جيدة ومنتجاتها واضح أنها جيدة وجميلة لكن النقد الذي نقوله هو فقط للتطوير بإذن الله ..

وخليني أقول لك الأشياء اللي المفروض الشركة تطبقها علشان تتطور:

1. تعطي كل مندوبة 4 كتالوجات على الأقل.. شدعوا؟ الكتالوج سعر طباعته ما يتعدى ريالين أو ثلاثة بالكثير (أنا فاهمة زييييييييين في شغلات المطابع) وحنا دافعين 100 ريال بدون ما نحصل على أي مقابل لا عينات ولا شي.. فعلى الأقل كتالوجات علشان نقدر نوري الزبونات..

2. تعطينا شنطة صغيرة زي اللي آفون تعطي مندوباتها فيها أصابع روج صغيرة لو بعدد 3 بس.. ومجموعة شدو صغيرة..

3. تسوي العروض بشكل يوافق كل الأهواء يعني ما أقول للعضوة لازم تشترين 550 ريال وبعدين أعطيك المنتج الفلاني بعينه.. لأ.. أقول لها خذي أي منتج "روج" مثلاً.. أو أي طقم استحمام تختارينه.. وهذه الطريقة تجذب الزبونات أكثر.. لأن الكثير يقولون ما نبي شنطة اكسسوارات ولا مراية.. فما يغريهم العرض.. لكن لما أقول لهم اختاروا أي روج أو أي طقم استحمام مثلاُ يكون أروع..
ويا ليت تكون هناك عروض أصغر.. خاصة أن الشركة في بداياتها.. مثلاُ اللي تشتري بمبلغ 100 ريال تحصل على هدية قميتها 10 ريال (مثلاً شامبو أو كريم قدم أو غيره)..

الشيء الهام هو أنه من الصعب جداً أن نقارن العطور بعطور قزاز فرق شاسع.. ولو على الأٌقل بالشهرة العالمية.. وأتمنى أن تنتج الشركة عطور أفضل وأكثر أنثوية.. وبعلب مميزة.. وأسعار مميزة.. لأن أسعار العطور صراحة تقارب أسعار عطور كريستيان ديور مع الفارق بين الإيطالي والفرنسي..

وفي النهاية الله يعطيك العافية.. ويوفقك.. صراحةأنا عاجزة عن شكرك وأرجو أن تعذريني فأنا بالفعل ودي أشتغل وأكون فعالة.. ومتحمسسة جداً.. لكن عدم وجود أي عينة يحرجني جداً أمام الآخرين خاصة أني أنسانة أحب الصدق وما أحب أتكلم عن شيء لما أكون شفته بنفسي..


إيوه صح.. سمعت من وحدة من المندوبات بالصدفة.. أن أول طلبية لازم تكون 270 ريال على الأقل.. هل هذا صحيح؟؟ وإذا لم يكن صحيحاً فما هو أقل مبلغ للشراء..؟

وهل من الممكن أن أكون تابعة لك يا أختي؟ لأني أرغب بذلك بصدق.. وشككككككككككككك ككراً لك أختي الحبيبة..
على فكرة.. إذا صار أي اجتماع قادم.. أرجو أن تبلغيني.. وشكراً..
بالفعل اختي رسيل ذكرتيني بالحد الادني لطلب الطلبية صراحة شيء يقهر يعني لازم اقل شيء 200 ريال من وين اجيب حريم بيشترون بهذه الكمية وصراحة المنتوجات قليلة والاسعار نار
فاز من بحياته إنجاز
اخواتي الحبيبات
السلام عليكم ورحمة الله وبركاته:اشكركم جدا على تفاعلكم مع الموضوع وإن شاء الله إختلاف الآراء لا يفسد للود قضية وإن شاء الله كلنا هدفنا واحد وهو التطوير وتحسين الآداء وتحسين الوضع بالنسبة لنا وللشركة وبإذن الله هذه المشاكل كلها بتنحل ورايحة ارفع كل مقترحاتكم للشركة وما راح اترك ولا شئ وأنا متأكدة إن الوضع بيتحسن مع مرور الوقت لأن زي ما قلت لكم إن كل شركة في بداية حياتها ومشوارها لابد ما تمر بصعوبات وممكن تكون صعوبات بالغة وعويصة مثلا يعني بضاعة للشركة قد ايش كثرها قاعدة في الجمارك تنتظر من يفرج عنها وذلك بسبب أخطاء بسيطة في المواصفات وبضاعة من الإكسسوارات منتظرة دورها في خط الإنتاج بسبب الماركات العالمية الكبيرة او لأنها شركة جديدة توها نازلة بالسوق أو حاجات كثيرة وخلى الطابق على قولتهم مستور
المهم يا حبيايبي إحنا لازم نكون متعاونين مع بعض في حل هذه المشاكل صحيح مو في ايدنا إن نوفر البضاعة ولا في ايدنا نمشي امور الشركة لكن لازم نكون متعاونين بالصبر على كل الأخطاء الواردة وعلىكل المشاكل البسيطة اللى بتواجهنا ( بالنسبة للمشاكل اللى بتواجهها الشركة) واللي يشفع لنا في كلامي هذا جودة المنتج وروعته ودقة صنعه أنا الآن ما اراح ادافع عن بعض الأخطاء او ابررها لكن حقيقة انا اتكلم عن جودة المنتج سواء الإكسسوار او المكياج او كريمات العناية بالبشرة
اعتقد إن كثير منكم يضحك على ويقولي إنتي ليه متمسكة بهذه الشركة وأقولكم برضه جودة المنتج وحلاوته أنا جربت منتجات كثير وشركات كثيرة ومرت على تجارب كثير لكن في هذه الشركة لقيت ضالتي لقيت المعاملة الكويسة ولقيت الوفاء بالوعود ولقيت كل الحاجات الثانية اللى افتقدتها في شركات كثير صدقوني إني ما اقول كدة عشان ابرر الأخطاء لكن باتكلم من واقع تجربتي وبشوية صبر إن شاء الله راح تتخطى الشركة كل هذه العقبات وتكون معاكم أول بأول
يعني البنات اللى اشتغلوا في شركة فريدريك إم( ايام عالم الثقة) وأكيد مروا بالمشاكل اللى كانت تصير فيها واليوم نسمع إن ما شاء الله الشركة ماشية ومبيعاتها اللهم لا حسد هذول كيف صاروا كذه طبعا مو بين يوم وليله لكن بالصبر والإستمرارية في الطلبيات صحيح في أخطاء أحيانا تكون فادحة لكن ممكن تنحل وومكن تزول والى أن تزول هذه الأخطاء لازم نكون متكاتفين ويدنا في يد بعض لأننا أولا وأخيرا بنشتري ناس وبنتعرف على بعض وبنتعلم من هذه الحياة حاجات تعطينا الدافع والإستمرارية لمتابعة الحياة وتراني صرت فيلسوفة بكلامي وإن شاء الله ما اكون ثقلت عليكم بالكلام لكن إن اردت الإصلاح ما ستطعت وما توفيقي إلا بالله
الأخت برية 5 ترى الشركة تعمل ترجيع وتبديل لأ ي غرض جاكي بالغلط أو جاكي تالف أو خربان لكن لازم يكون الترجيع أو التبديل في خلال 24 ساعة يعني بعد ما توصلك الطلبية وطبعا تكون القائدة و المندوبة هي المسئوله عن هذا الشئ أما إذا أتاخر الترجيع فالشركة ترفض إنها ترجعه لأنه بيعمل ربكة في الحسابات يعني لازم تنتبهي لهذه النقطة
أختي الحبيبة دريم 22 بالنسبة للمنتج التالف بيترجع وحتاخذي بداله لكن ما ذكرتيني فيه أنا فاكرة إنك قلتيلي على الموضوع لكن ما تابعتيني فيه وعموما لما نتفاهم عليه بالتلفون ولما يجيكي المندوب مرة ثانية يا ليتك تعطينه التالف أما بالنسبة للعينات وشنط العينات فهذا مع الأسف التاخير مو بإرادة الشركة ولا بيدها الشغلة كلها في الجمارك والبضاعة متوقفة في المينا مع الأسف وأدعيلنا ربنا يفرج عنها
الأخت رسيل مشكورة حبيبتي على كلامك وأرحب فيكي من كل قلبي ويا ترى إنتي مشتركة بعضوية ولا لسه وإذا تحبي تشتركي ممكن ترسلي رساله على الخاص وبعدين نتفاهم
أما بالنسبة للطلبية فهي فقط في الطلبية الأولى لازم تكون 275 ريال أما بعد كده تكون 200 ريال أدنى حد لها عشان تاخذي الخصم 25%وحالنا الحمد لله افضل من شركات كثير اللى ادنى حد للطلب يكون 250 أو 400 ريال وترى إحنا عندنا في الشركة خصم 15 % للطلبية اللي أقل من 200 ريال بقليل وبرضه أفضل من إنك ما تاخذي ولا شئ
أما بالنسبة لباقي الإقتراحات فبإذن الله راح ارفعها للشركة على أمل حلها وعالجتها في القريب العاجل
شاكرة لكم تعاونكم معناوإن شاء الله تشوفوا الأفضل من الشركة والله الموفق
[center][size="6"][color="Red"]
( ان لم تستطع الاقلاع عن الذنوب فزاحمها باالطاعات )







اضغطي على الصوره لمعرفة لماذا حذف توقيعك .
انا مندوبة جديدة و عندي سؤال ..
مالمفروض انو يوصلني مقابل اللي دفعته .. 100 ريال ..

في الإعلان عن الشركة مكتوب 50 للإشتراك و 50 لشنطة العينات !!!!
طيب .. مما تتكون شنطة العينات ؟؟؟

هل يحق لي المطالبة بشنطة العينات لما تتوفر عندكم ؟؟

هاذا وبلإضافة لتعليقات الأخوات بالنسبة للإخراج الصور في كاتالوج المكياج .. سيء
وانا من المدينة .. كتالوج سامبار وصلني ورق مصور !!!!!!!!!!!!!!!!!!!!!!!!!

كنت زمان اشتري من أفون لأن صورهم في الكاتالوج جذابة ومغرية جداً .. واسعارهم وعروضهم مشجعة ..
ولكن ماشتركت عندهم وعجبتني كولايا لأنها سعودية ..

وكتالوج الإكسسوار .. لا تعليق عليه .. غااااااية في الروعة

وأخيراً ... ياريت نبدأمن حيث انتهى الآخرون
اللهم آ تنا في الدنيا حسنه وفي الآخرة حسنه وقنا عذاب النار

****************************** ****************************** ***********


الساعة الآن 05:58 .