شوفي يا اختي هذي الطريقه الاصليه لعمل الهريس
اولا جهزي اللحم الي تبغينه ويكون مغسول زين وجهزي الحب الهريس ويكون مغسول زين
الحين حطي اللحم يطبخ في جدر الضغط مع الماء واتكون كمية الماي اتغطي اللحم لمدة نص ساعه وبعدين سكري النار وانتظري لين يطلع البخار من الجدر ثم فتحيه وضيفي الحب للحم ورجعيه على النار وخليه لمدة ساعه والافضل انج تحطين تاوه تحت الجدر عشان ما يحترق الحب
بعدين سكري الناروانتظري البخار لما يطلع كامل من الصفاره وبعدين فتحيه
ملاحظه لا تشيلين الصفاره والبخار يطلع لان الماي مال الهريس راح يطلع مع البخار وراح تتلقلقين وتخسرين الماي
الحين شيلي اللحم مع الحب وحطيه بجدر الهريس العادي واضيفي الملح الي تبينه وخليه على الرسايه والنار خفيفه لمدة ساعه بعد حتي يهتري اللحم مع الحب
وبعدين ضربيه بالمضرب العادي او الكهرباء وبالعافيه
ملاحظه لا تستخدمين ماي الحنفيه في طبخ اللحم او الحب او حتى البقوليات دائما استعملي ما الشرب
02-04-1426 هـ, 11:06 مساءً
 
جزاكم الله خير يا بنات حواء
هذا العشم فيكم والله ... واشكر كل من ردة علي حتى
لو ماعطتني المقادير .. لأني عمري ماطبخت الهريس ...
وحابه اجربه ..


واوصل شكري الخاص للعزيزه نسرينه 1
على شرحها الوافي والكافي .. والله يعطيك العافيه يارب
03-04-1426 هـ, 02:01 مساءً
 
جزاك الله خير يانسرينه1 شكله حلو انا دائما اسمع ان ناس يسوون الهريس فى قدر الضغط
بس ماأعرف واللى قالوا مايصلح غلطانين
03-04-1426 هـ, 02:06 مساءً
 
عزيزاتي

والله انا اموت في الهريس واعمله كل اسبوع في قدر الضغط ، اولا لذيذ، ثانيا فوائد القمح لا تعد ولا تحصى ، مفيد للجهاز الهضمي ولبشرة الوجه ولكل حاجة .. انا مغربية واعمله كل اسبوع ... انصح الكل يعمله ما فيه احلى منه
اختكم فاتحة
03-04-1426 هـ, 05:39 مساءً
 


الساعة الآن 10:52 .