كوبونات الراقية تسجيل الدخول

خفايــــا روح

زوجي المراهق ...

الأسرة والمجتمع •



السلام عليكم ورحمه الله


اولا الحمدالله احمده واشكره على نعمه التي لاتعد ولاتحصى .. وانا مو بمصيبه ولا كارثه امام مشاكل الكثير ومصائبهم .. رفع الله عنهم وحمانا مما ابتلاهم ..


لكن يظل الواحد يحب يفضفض و الحبسه بالصدر تضيقه ..


زوجي ولله الحمد (ماشاء الله ) لايدخن ولا يسكر ولا يكلم بنات .. ولا هو بخيل
ابدا دام معه يعطي وبأسراف بعد .. يوديني للمكان اللي ابيه بدون اي اعتراض ..

لكن مشكللته يتصرف زي المراهق ولا هو راضي يقتنع انه تزوج وعنده مسؤليات وابناء يحتاجون تربيه وزوجه هو وحده مسؤول عنها .. وان كل تصرفاته محسوبه عليه مو مثل قبل لايتزوج ..

يعني مثلا اذا تعب احد من عياله ماحسه يخاف عليهم من قلب ممكن مايوديهم للمستشفى الا اذا قلت . احيانا يسافر وهم تعبانين ولا يكلم يسأل عنهم .. مايكرهم بس مايهتم فيهم ..

يتلفظ قدامهم بألفاظ المفروض مايقولها .. لادخل علينا يمسك هذا ويرفع هذا ويضرب هذا ويصارخ حتى لما يلاعبهم زي معاملته لعيال اخوانه قبل لا يجينا عيال .. ومايتحمل منهم شي اذا طفشوه طلع برى .. ماعنده اي استعداد يتكلم معهم بهدوء او يتصرف معهم بشكل تربوي ابد .. تصرفاته تلقائيه مره ..


اذا طلع معهم بالشارع يتركهم يمشون وراه .. مايقول اخاف عليهم من السيارات .. عجزت وانا اقوله :44:

يعطيهم الجوال يلعبون به ومايهمه احد يتصل وهو بفم واحد منهم .. مايعترف بالمخاطر هذي ابد ..


اما معاي انا حدث ولا حرج .. قمه سعاده انو يطلع مع اصدقاءه او اشغل له شمعتين بمجرد مانخلص ينسى كل شي اويسافر برى او يلعب بلوت او يعزم على عشاء ..

انا معلمه وهو بعيد عمره ماقال ياخفايا ودي نستقر ونجتمع ببيت واحد ونربي عيالنا زين .. مو اكبر همه هذا .. حتى بالاجازات ماعنده مانع اقول بقعد عند اهلي مو برايحه معك ..

اصدقائه كثيييييير بس يكلم هذا ويترك هذا ويطف بهذا ويسحب على هذا .. ماشوف له صديق معين .. يعني بشكل عام ملول وماعنده اسلوب الناس ماتحرص على صداقته ..


ماعنده اي خصوصيات .. عادي يمشي ويتكلم عن اسرارنا ..

مايعترف بالعتاب او الحساب ويكرهم لاجيت احاسبه او اعاتبه يتهرب اما بتغيير السالفه او يطنشني او يطلع برى .. واذا زعل مني زعله مايدوم ينسى بسرعه .. احيانا اقوله كلام قوى بس احسه يدخل من هنا ويطلع من هنا ..

مع ذلك عصبي وماعنده اسلوب بالكلام لاعصب ينسى نفسه ويهاوشني قدام اللي يسوى واللي مايسوى بس سرعااان ماينسى ..


الفارق الاجتماعي بيننا كبييير اهو اجتماعي بزياه ولا يحلى له الجو الا بجمعه بعكسي انا تربيت بيت هادى وبوسط ناس ماتحب الطلعات .. يعني بيتوتيه واجد سعادتي ببيتي اللي ماشوفه موقع السعاده لزوجي ..


الفارق التعليمي بيننا برضوه كبيييير انا جامعيه ومعلمه وهو بالعله اخذ الثانوي وعسكري ..


وبس .. الحين ارتحت وحسيت اني طلعت اللي بخاطري من خمس سنوات ..




كل الحب والود لكن ..
24
3K

يلزم عليك تسجيل الدخول أولًا لكتابة تعليق.

تسجيل دخول

قمره خجوله
قمره خجوله •
حبيبتي مل دري شاقووولك
لو بقووولك سوي مثله يمكن يحس العيال شو ذنب
انصحك قومي بواجباتك على اكمل وجه

مصيره يجي يوم ويحس ****لله
لميس.
لميس. •
الله يهديه...
دلع الحلا
دلع الحلا •
أختي أنتبهي لزوجك أكثر لان نفس زوجي قبل أول سنتين وبعدين أنكشف على حقيقته أنا ماخوفك لكن أدعي له وغير كذا أقرى صفات الرجل الشمالي والشرقي والغربي والجنوبي سوي بحث بقوقل يمكن تفيدك معزوجك وفهم شخصيته وتأخذ حذرك في أشياء في صفاته
اكتم العبرة
اكتم العبرة •
اللهم يامثبت القلوب ثبتنا والله يصبرك وتقدري تغيري فية لكن لزمك شوي صبر ويصبرنا وياك على ازواجنا الي في الزمن هذا صارة المراءة كل شي هي الزوجة والزوج وبعد يبغونا نسوق علشان الرجل يفض ويلعب كل يوم في بنات الناس متزوج هذ ومطلق كل شي في هذا الوقت ضد المراءة وسلمتي على هذا الموضوع ......
*nescafe*
*nescafe* •
يمكن اتزوج وعمره صغير مو عارف حجم المسؤؤليه اللي حملها ..
خليكي انتي قايمه ببيتك مادامه كويس وماله بالبنات والحركات البايخه .. شوي شوي بيعقل وبيهدى .. الله يكون بعونك يارب