الحرب الجديده بين الحوائيات > فيه خراب ولا مافيه ؟؟؟ تجربتي للتوضيح

بسم الله الرحمن الرحيم

كثر الحديث خواتي في هذا المنتدى وكثر الاقوال وكلن يدلي بدلوه فقلت ليه مادلي وانا وش وراي :hahaha:

الزبده هل فيه خراب ولا هذا المصطلح من بنات افكار الحوائيات كما يشاع ؟؟؟


هل اهتمام الانثى الزائد بالاعشاب تحول الى هوس ام لا ؟؟؟


ماهو الفرق بين العنايه وبين الاهمال كلن يراه حسب مجتمعه وطبيعته يعني على قولة المثل مايمدح السوق الا من ربح فيه ؟

خواتي خلونا هنا نحط تجارب لبنات ماهتمو بانفسهم وانا اولكم ونشوف صار فيه خراب ولا لا > ولا وش رايكم نغير هالمطلح نقول صار فيه ضرر ولا لا افضل وارقى شوي ..

خواتي انا قبل ماتزوج كنت اقول الاعشاب هذي خبال وغباء وهوس لما اشوف خواتي يشربون ويهتمون ويلبسون شالات على روسهم وشرابات اقول لا اله الا الله وش هالحرص كل هذا عشان الرجال ؟؟؟ يعني هالاعشاب تبي تسوي شي الا خرافات وخبال واسرفت حيل بالفكره هذي والله ثم والله ان ايام الدوره وانتم بكرامه ماتفرق عن الايام العاديه عندي اسكريم وغازيات وامشي على السيراميك وامي الله يطول بعميرها تلحقني بالادويه وانا اتهجج اقول لا كرم الله النعمه ومو زين طعمه وريحه ومن هالكلام ..؟ وكانت تقولي بكره لاتزوجتي غير تندمين واذكرك ؟؟ ويوم تزوجت عرفت ان الله حق وعرفت اني ارتكبت ذنب بنفسي وبزوجي وبراحته معي انا الان بالسنه الاولى للزواج والحمدلله من فضل ربي علي حملت لكن المشكله الكبرى وين ان اهمالي اول طلع علي الان بصورة ماتشتكي منها الا اللي انجبت اكثر من طفل معروف ان البكريه ع الاقل ماتتوسع الا بعد اول طفل انا لا زوجي لاحظ الشي هذا من بعد مرور كم شهر ؟؟؟ وصار يقول ليتك ترجعين زي شهر العسل وهذا الشي صدمني وخلاني اقول صدقتي يايمه

وهذا انا الان ابحث بكل مكان عن الاشياء اللي ترجع لي ثقتي بنفسي وراحة زوجي معاي ولاتجيني وحده تقول اذا الزوج مايبيني الا عشان النقطه ذيك بقلعته ومدري ووش ؟ لانضحك على بعض النقطه هذي اساسيه عند الرجل وبعدين تعالي اليست طاعة الزوج وراحته واجبه يعني اذا انتي بحثتي عن راحة زوجك معاك باكثر شي يحبه واحتسبتي الاجر اتظنين ان الله سيحرمك الاجر ؟؟؟؟

ومع هذا اقول الاعتدال واجب يعني لاافراط ولاتفريط ولا استعمال لاعشاب غير مجربه يعني انا نفاسي قريب ان شاء الله وقبل ماحط نظامي جلست اسال عن كل كبيره وصغيره ونقطه ثانيه لازم تعرفين اثر اعشابك على الرضيع اذا انتي ترضعين يعني كوني باحثه لاتكونين مقلده مو اي شي نسمعه نجربه بدون مانناكد من كذا مصدر ومصدر عشان مانغلط اي غلطه والاهم مراعاة الحاله الصحيه يعني انا وحده مثلا عندي قولون او مشاكل بالمعده ؟؟؟ مو معقوله استعمل حوار على عماها ؟؟ زي الفلفل الابيض مايناسب هذه النوعيه ولا يناسب المرضع لازم نتاكد عشان نستعمل العشبه الاستعمال الصحيح ونقطه ثانيه التخزين مو ناخذ اعشاب عند العطارمخزنه من سنين واجي انا اكمل الباقي ارميها بدرجي كم سنه بالحر والرطوبه هذا يضر ماينفع ... يعني انا مع استعمال الاعشاب ولكن بعد دراسه وتمحيص واعتدال ومراعاه لحالتي الصحيه مايناسبني ليس بالضروره يناسب غيري والخراب الناتج عن الاهمال حقيقه ولا يحس بالنار الا واطيها على قولتهم


والله ينفع الجميع وانصحكم قبل استعمال اي شي قولو بسم الله الذي لايضر مع اسمه شئ في الارض ولا في السماء وهو السميع العليم

هذا الموضوع لتجاربكم حتى نعرف هل صحيح فيه شي اسمه ضرر من الاهمال ام لا ؟؟