اقتباس مشاركة  (غايتي رظى ربي)
الله يسعدكم ويوفقكم واللي تحتاج مساعدة تراسلني ع الخاص وتبشر بالخير واللي تسأل عن لوما او تجمع صاحبات المشاغل تراسلني وبفيدها ع الخاااص ياسيدتي والفهيمة تفهم
اي والله الله يذكر لوما بالخير مع انه مالي علاقه فيها بس كنت متاااابعتها
الله يحفظها وين ماتكون ويسر امورها وان شاء الله ترجع ونشوفها ..
السلام عليكم

حبيت انظم لتجمعنا الجديد (الثالث ) والاصح المفروض المشرفات يعدلون العنوان
(تجمع صاحبات المشاغل الثالث )

لوما فاتحه تجمع ثاني في منتدى ثاني قريب من هنا ماهوب بعيد ... يا سيدتي .

اللي فاتحه مشغل في البيت ومرتاحه ....... نصيحه لوجه الله لا تفتحين مشغل خليك بالبيت احسن لك دعوة محبة للخير لاخواتي المسلمات . اولاً أجراءات وعباله روتين وبيروقراطية عجيبة لي اكثر من 7 شهور فاتحه للحين ما خلصت اوراق المحل و العماله وغيره .

ركزي على شغلك و تطويره في البيت ..... كثار خياطات يشتغلن عندنا بالقصيم في بيوتهن وشغلهن اغلى من المشاغل
اعملي لك كروت ووزعيها على محلات الاقمشة يوزعون لك على الحريم .
لما تفضى خياطتك ما تكون مشغولة خليها تفصل لك وانتي البسي واعرضي في التجمعات ... اقوى دعاية ملبوسك انتي .
اعملي جلابيات وتصاميم من ابتكارك انتي ... واعرضيها بالنت الكل ان شاء الله بيجيك .

بالنسبة للي تسأل عن التراخيص ...
احنا في السعودية ترخيص المشغل اسمه مشغل خياطة ولكن يشمل على التجميل ايضاً والكوفي شوب و حتى صالة رياضية ممكن تعملينهن جميع بنفس الرخصة في نفس المكان
ولكن بعض المدن والمحافظات بدت تغير النظام و تفرض رسوم على مخالفات الرخصة و مازالت هناك مطالبات من سيدات الاعمال صاحبات المشاغل بالشمولية


حبيباتي اللي كوفيرة وتبي تشتغل صح
اعلني بالوسيلة او في الانترنت وحطي صور لشغلك ...
وحطي اسعار في متناول الجميع
واطلبي من بعض المشاغل تكوني متعاونه معاهم لما تجيهم طلبات خارجيه او حجوزات فوق طاقتهم ينادونك بالنسبة ...


بالنسبة للاستقدام من اندونيسا والفلبين .......... من اندونيسيا متوقف يبدا الايقاف بامر رئاسي من رئيس الوزراء الاندونيسي .

وهنا لي موضوع بخصوص الاستقدام وتغيير الوجهه

http://forum.hawaaworld.com/showthread.php?p=65217166#post 65217166

وان شاء الله اني افدتكم وان شاءالله انه يكون هالتجمع فاتحه خير على الجميع
سبحان الله وبحمده

سبحان الله العظيم
موفقين يارب
بنسبه للاخوات الي يسلوا كيف ينعرفوا
انا اعرف وحده سودانيه مشاء الله عليها
طبعت لها كرووت وتوزع في الافراح والزوجات
وتتعاون مع المشاغل وقت والزحمه تفزع لهم وتاخد المقسوووم
لواطلب منها خدمه لازم امسك سرا ويالله تفضى خاصتا في الصيفيه


امي فتحت مشغل بس يادوب لقيت عامله وحده للمكياج والتسريحات لكن للأسف مالقيناغيرها .. واغلبهم يبغون راتب 3000 وتعرفون المشغل توه يعني صعبه تعطي كل وحده 3000 .. والشي الثاني متمسكه في الخياطه ومالقينا خياطه مناسبه وتعبت نفسيتها مرره فياليت اللي تعرف احد في الطايف تساعدنا او تدلنا ...
جولنار .. مشكوره حبوبة

افدتينا

عجبتني فكرة الكروت اللي نوزعها عند محلات الاقمشة .. ان شاء الله بطبقها

بنات اشرايكم .. انا عندي خياط رجل .. اكمل و احط معاه واحد ثاني .. و لا احط عمالة نسائية افضل؟؟؟


يعني مهما كان الرجل ما اخذ راحتي معاه .. في حدود و حواجز .. يعني ما اقدر افتح جدامه اي كتالوج .. لازم اختار الصور المحتشمة .. و القياس لازم اعطيه قطعه يفصل عليها .. ما اقدر اخليه ياخذ القياس علي و لا على الزباين !! و في المقابل العمالة النسائية قالولي ان مشاكلها كثيرة .. و ماني عارفة منو اصدق !!!!!


مع هذا احس ان العمالة النسائية اريح .. عطوني تجاربكم .. و بشنو تنصحوني؟؟
حسبي الله لا اله الا هو عليه توكلت و هو رب العرش العظيم



الساعة الآن 10:14 .