اذا تبين شقق نضيفة ورخيصة ( بيتك ) مافي ارخص منها بس
غرفه صغيرة , فبها حمام الله يكرمك وسرير واحد وثلاجه
اما الفنادق ما ادري اذا تبين الفخمة منها , هيلتون في الصيفية الليلة بألف
اما الايام العادية , ما ادري .
فيه الشيرتون و ماريوت هذي كلها فخمة وتهد الحيل يبيلها ناس هوامير
وفيه متوسط السعر ويطل على البحر على ما اعتقد اسمه ( فندق المدينة )
وفيه اسعار مقبولة وقت رمضان والاضحى مثل فندق العطاس والكعكي
العطاس من رايي حلو ونظيف وسعره في الايام العادية 190 ريال
ما ادري وقت الصيفية .
الكعكي شرح ويفتح النفس في الصيفية 300 ريال
بالنسبة لشقق بيتك في الايام العادية 120 ريال
فندق الدار البيضاء 300 ريال وللامانة ما شفته من داخل بس من
برى يفتح النفس .
هذا اللي عندي الحين اذا تذكرت زدتك معلومات , على العموم رحلة
سعيدة وانشاء الله تتهنو يارب , الا اقول وش رايكم تأخذوني معاكم امسك
العيال وانتو تاخذو راحتكم وبالمرة اغير جو من زمان عن السفرات :30:
هاااااااااااه حلوة الفكرة ..................دارية بتقولين غثة .

أهلين أختي .... اذا تبغين شقق فانصحك ب<أبراج ساره> بس خذي اللي تكون مطله على البحر
موقعها حلو على الكورنيش .وحتى لو هذاك اليوم ماطلعتي يكفيك المنظر اللي تطلين عليه بس اختاري دور عالي عشان يكون المنظر حلو .
بالنسبه للأماكن :
1-كنز أبحر مطعم مكشوف على البحر جدا حلو .
2-جزيرة الشراع , مسابح للأطفال ومطعم.
3-فيه أوتيل جده ويستن يعمل يوم الجمعه بوفيه غدا يجننننننننننننننننننننننن.
4-مطعم الجزيره الخضراء روووووووووووووووعه بشكل أكواخ جوا البحر موقعه تقريبا تقريبا مقابل للشيراتون.
5-الأسواق عندك التحليه مول ,جده مول وغيرها والله نسيتها
طولت عليك بس أتمنى أكون أفدتك .

حبيبتي الفنادق الي جربتها واعجبتني وانا ما يعجبني العجب
(هيلتون جده) روعه وماعليه كلام يكفي مسبح الاطفال وفيه ثلاث مسابح ( ويستن جده)
حلو بصراحه الاسعار الهيلتون ب900 الليله بس ممكن يسوون تخفيض ويصير ب650 و الويستن ب650 تقريبا اما الشقق فعندك شقق (المانع) ممتازه نظام فنادق حتى مفارشهم نظيفه وبصراحه انصحك فيها اما الترفيه للأطفال تشكي تشيز على البحر مره حلو كله العاب وفيه مطاعم اذا تحبين الاسماك انصحك بالمحطات الي على طريق المدينه (العريسه ) والي على طريق مكه بين جده ومكه (الدانه) ممتاز السمك عندهم على فكره تراها موراقيه زي المطاعم بس السمك لا يفوتك خصوصا الناجل سوق محمود سعيد ولا تنسين تاكين من البيك وتذكريني لاني احبه الله يهنيكم في سفرتكم وتنبسطون ان شالله .

ماعليكي الا بالهيلتون شي خراااااااااااااااافة حتى لوماكنتي رومنسية راح تصيرين رومنسية من الروعة اللي فيه.. انا رحته وماودي اطلع منه.........واساسا يسموه التايتانك لانه شكله زيها تقريبا..........وبجد لايفوتك حتى لو بس تروحيه زيارة ..روحي واتفرجي ياختي

هلا بالغاليات

عزيزتي UMmonah
أول ماقريت مشاركتك قلت هذي وشفيها علي ليش تبغاني أقعد في بيتي ويوم كملت قعدت أضحك فهمت وش قصدك بالنسبة للفكرة أعجبتني لكن أخلي إعيالي عندك أوفر لنا ولك ..

ريحة الصبح ماقصرتي جذبني مطعم الجزيرة الخضراء من كلامك وتحمست له..

لهلوبة بالنسبة للبيك ماعمري رحت الغربية إلا أكل منه لدرجة أخاف يكون غداي وعشاي من كثر مايهذري فيه زوجي ..

أم يزونة القمر وش سالفتكم والهليتون رايحتله رايحتله الله لايعوق بالشر بس ما اظن أسكنه أخاف أتحسف أطلع منه أحلل الدراهم اسكن فيه 24 ساعة ..

عزيزاتي ربما لاأستطيع الرد في الأيام القادمة لآني مشغولة في التجهيز لسفر
لاأوصيكم لاينزل الموضوع لصفحة الثانية إذا جيت أدوره يدوخ راسي