Analysis Services
بسم الله الرحمن الرحيم
أخواتي عضوات المنتدى عامة
والاخت (( الهامي)) خاصة
أتقدام باعتذااري الشديد لج يا الغالية واطلب السماح منج وياليت تقبلين اعتذاري

الاخت طلبت مني طلبية وما قصرت حولت الفلوس لي قبل ما ارسل الطلبية وبعدها طلع رقم الحساب اللي عطيتها خطأ وما وصلني شي ..وطبعا لها الحق انها تزعل وتستفسر ....

الحين البنك يقول ما تم التحويل مرة يقول عطينا رقم الحوالة ومرة يقول رجعناها مرة ثانية مادام الرقم غير مطابق الاسم والاخت الهامي ضاعت معاي

بس صدقيني اختي والله يشهد علي اني ما استلمت فلس واحد وجميع الاخوات اللي في المنتدى تعاملوا معاي ولا مرة صارت معاي الا هذي المرة وانا منحرجة منج أشدالاحراج

اذا تريدين انا مستعدة ارسل لج فلوسج اللي ضاعت واعوضج اياها

وهذي آخر مرة اعرض في المنتدى وسامحوني اذا بدر مني شي عليكم يا بنات المنتدى

اعتذار لجميع بنات المنتدى عامة والاخت الهامي خاصة
استودعكم الله
29-03-1426 هـ, 07:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الغالية صدى الأشجان

لا تقولين هالكلام (وهذي آخر مرة اعرض في المنتدى وسامحوني اذا بدر مني شي عليكم يا بنات المنتدى )

أنا تعاملت معاج وما شاء الله عليج بينت خيرة وحبوبة.. واللي صار مع الأخت (الهامي) يمكن خطأ مثل ما قلتي في رقم الحساب أو غيره


لكن مش معناته إنه توقفين ؟؟!!

إن شاء الله تنحل هالسالفة وكل وحدة تاخذ حقها وما يصير إلى كل خير

لكن نحن مالنا غنى عنج في المنتدى
29-03-1426 هـ, 07:41 مساءً
 
ليش يا صدى؟؟ المشكله مب فيج المشكله في البنك..لأن المفروض يطابق الأسم مع رقم الحساب مب يحول الفلوس وبس.. وبعدين واااايد بنات ينتظرن منج كل جديد..ونترقّب وأنا مرتين متعامله معاج والحمدلله ما صار أي إشكاااال وأكيد باقي البنات نفس الشي علشان جذيه مب لازم تجمعين وبعدين طبيعي تحصل ها الإشكاليات مع كل التاجراااات والمفروض البنك ملزوم يرجع الفلوس مب إنتي اذا الأخت طرشتهن ....
وأتمنى أنج ترجعين قرارج وتستمريييين معانا...
29-03-1426 هـ, 07:41 مساءً
 
جزاك الله خير على هالمبادرة اختي

إن اكرمكم عند الله اتقاكم
29-03-1426 هـ, 07:42 مساءً
 
السلام عليكم ورحمة الله وبركاته



افا والله يا صدى الاشجان ..

ليش هالكلام ..؟

انا تعاملت وياج وماشفت منج الا كل خير وطيب التعامل ورقي الاسلوب ..

والله انج فنانه ..


ان شاءالله الاخت بتعذرج
ومابيصير الا كل الخير ..

اتمنى انج تستمرين وما تنسحبين ..
29-03-1426 هـ, 07:46 مساءً
 


الساعة الآن 04:21 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏