السلام عليكم ورحمة الله وبركاته
من فترة وانا اشوف كتير من البنات يسألو عن الدلكة وعن طرق تحضيرها
طبعا الدلكة انواع كتيييرة انا حبيت اقدم لكم اسهل وحده عشان الكل
يقدر يسويها
ومكوناتها جدا بسيطة ومتوفرة في كل بيت
المقادير
كوب عدس
كوب رز
كوب شوفان
قشر برتقالة ناشف
قشر تفاح ناشف (ممكن تستغني عنو)
فنجان قهوة زيت زيتون
ماء للعجن
جزرة كبيرة مسلوقة
بطاطس حبة كبيرة مسلوقة
التحضير
راح نطحن كل المكونات في طحانة القهوة
وبعدين نحطها في طاسة كبيرة
زي كدى
Swr2545
بعدين نبشر الجزر والبطاطا ونضيفو لو
زي كدى
Swr2549
دحين نبدا بالعجن بإضافة الماء حتى نحصل على عجينة متماسكة
زي كدى
Swr2550
وهنا عبيتها في علبة زجاج وعلى طول على الثلاجة ولمن تأخدي منها تخرجيها قبل وقت وتأخدي منها بالملعقة وبما إنها طبيعية ماراح تجلس اكتر من اسبوع
Swr2551
نجي دحين لطريقة استخدامها
عندك طريقتين اختاري اللي يناسبك
1& بعد ماتأخدي حمامك تأخدي منها اللي يكفيك وتفركي بيها جسمك تمام وبعدها بس تشطفي جسمك بالمويه
او
2& تفرديها على جسمك وهو ناشف وتنتظري لين ماتنشف وتحطي بيدك زيت زيتون وتفركي جسمك مزبوط ونفس الشيء تدخلي تشطفي جسمك بالمويه بس
ولاتنسو اهم نقطة الترطيب لانو لو مارطبتي جسمك ماراح يستفيد من الدلكة
عندك زبدة الكاكاو جدا رائعه
واتمنى اكون افدتكم
اختكم
سموحه ذوووووووق
!سموحه ذوووووووق! @smohh_thoooooook
محررة فضية
يلزم عليك تسجيل الدخول أولًا لكتابة تعليق.
liela
•
مشكورة حبيبتي
ربي ينور دربك وجزاك ربي كل خير ".. من فتره وانا ابيهآآ ".. يعطيك العافيه "..ربي ينور دربك وجزاك ربي كل خير ".. من فتره وانا ابيهآآ ".. يعطيك العافيه "..
اللهم امين مشكورة حبيبتي على الدعوه الحلوه
ويعافيك ربي
حاضرين للحلوين
ويعافيك ربي
حاضرين للحلوين
مشكوره اختي
بس ماضنتي اسويه تعبت من الخلطات اصبت بحااله من الملل <<لعن اووم اللغه حقتي
بس ماضنتي اسويه تعبت من الخلطات اصبت بحااله من الملل <<لعن اووم اللغه حقتي
الصفحة الأخيرة