زي ماشفتو العنوان الصنف ده دايما تلاقيه بيباع في النوادي للاطفال وبسعر غالي وانا دايما بعمله لاولادي ولما تصفحت منتدانا مالقيتش حد من الاخوات نزلته فقلت انزله لعيونكم ( اسمه كورن دوج )
بسم الله الرحمن الرحيم
القادير :
كيس هوت دوج -دقيق -2 بيضة -ملعقة صغيرة ملح
1-احضري بولة واضربي البيض ومعاه حوالي 2ملعقة كبار اواكثر من الدقيق لحد لما تبقي عجينة غليظة اضيفي الملح خففي العجينة بقليل من الماء بحيث تكون سمك العجينة اخف بسيط من سمك عجينة الكيك
2- احضري اعواد خشب اللي بتستخدميها في الشيش طاووكوخليها للاخر فسي الهوت دوج ولو قلايتك صغيرة اقسميها 2 انا قسمتها 2 يكون افضل
هاتي قلاية فيها زيت يكفي لتغطية الهوت دوج وابداي امسكي العود الخشبي يميليهلاسقاط العجينة الزيادة
واسقطي في الزيت المغلي
3-اقليه لحد الاحمرار وطلعيه علي ورق نشاف واتركيه جانبا
4-هاتي اي نوع جبنة تقبل الذوبان شيدر او شرايح او جبنة مطبوخة وحطيها في وعاء ومعها شوية لبن صغيرة
زي الصورة وحطيها علي نار هادئة لحد لما الجبنة تذوب وان كان عندك جبنة سايلة استخدميها مباشرة
5-اعملي خطوط مائلةبالجبنة عن طريق سن المعلقة ثم خطوط عكسها بالكاتشب
لوماعرفتيش تتحكمي في الخطوط اعمليها بكيس مخروم
وده شكلها النهائي
وده شكلها من قرب
وصدقوني ح يحبوها الاولاد والكبار كمان منتظرة اعرف رايكم ويهمني راي اولادكم بارك لكم الله فيهم
منتظرة اشوف الردود الحلوة (اوعو ماحدش )
شكلها روووووووعه
يسلمو ياعسل