السلام عليكم ورحمة الله وبركاته ,,
كيف الحبايب والعيال عساكم جميعا بخير ,,
موضوع ومن زمان في خاطري انزله بس انسى او انشغل
لكن هالمره طفح الكيل ويوم شفت بعيني اليوم ان هالامر زاد عن حده قلت لازم انزل موضوع واشوف اراء صاحبات العقل من حريم وبنات حواء ,,
بالله عليكم لو وحده جتك بموضوع نزلتيه للبيع وبسعر حطيتيه انتي تجي وحده تخرب عليك وتشكك فيك وانك نصابه وطماعه ومن هالكلام وانتي تحاولين تبررين او تحطين السعر اللي بنظرك يناسب البيعه وهالوحده ناشبه لك في موضوعك الا تبين انها فاهمه وحريصه على العضوات عشان يجهوون وتجيب كلام مادري من وين وكانها جالسه معك او ارسلتي لها خاص تعلمينها بالتفاصيل وانك موصادقه ,,
او تقل ادبها على صاحبه الموضوع وتصير مشاده بينها وبين صاحبه الموضوع عشان تبين وجهه نظرها مادري جهلها باسلوب البيع والشراء واسلوب التخاطب مع الاخرين وبخسها لسلعه الانسانه ,,
ونست
((ولاتبخسوا الناس اشياءهم))
يمكن شاريته غالي حتى لو هديه احتاجت فلووس والله اعلم بالنفوس,,
طبعا نتكلم هنا اللي صادقه وحتى اللي مو صادقه تبين تشترين حياك كلميها خاص ماتبين تشترين اطلعي باحترامك محد حلف عليك او جابرك وربي عيب مسلمين ونعرف حقوقنا وواجباتنا تجاه بعض ونعامل بعض بالشكل هذا عشان دنيا وبيع وشراء ,,
حرام جالسه تخربين عليها بموضوعها وعارفين كلنا ان الرزق بيد الله وان الارزاق موزعه بس الاسلوب هذا مايرتضيه مسلم على نفسه فابالكم على المسلمين نست او تناست كلام رسولنا الكريم
"حب لاخيك ماتحبه لنفسك "
واللي يقهرني لاطولت بالكلام داخل بالموضوع وتسب وتشتم وتوصل للنيات وللاشياء ماتنقال عيب وربي
صارت لي اكثر من مره وبصراحه عصبت واستفزني اسلوبها وبعدين فكرت بنفسي ليه اسايرها اخليها لربها هو حسيبها خصوصا اسلوب التشكيك والاستهزاء وغير ان مابيني وبينها معرفه على اي اساس تحاسبني
"المسلم من سلم المسلمون من يد ولسانه "
وقوله تعالي
((مايلفظ من قول الا لديه رقيب عتيد))
لمتى نشوف مثل هالعينات اللي مادري وش اصنفها
حقد او تخريب او فضاوه او شوفه نفسه او جهل او تملق او لفت انتباه لشي في نفسها,,!
(( ربنا لاتجعل في قلوبنا غلا للذين امنوا ))
او
" كلن يرى الناس بعين طبعه "
هذا السبب الاساسي للموضوع شفته بعيني بقسم المزاد اليوم ببعض مواضيع الاجهزه خصوصا
يضايقيني جدا اللي تسوي نفسها فاهمه كل شي وانها تبي تسوي خير للي ماتفهم بمثل هالامور ياقلبي العالم تفتحت وتعرف تقرا وتكتب مو منتظرتك تنقذينها ولو طاحت ببراثن الاحتيال هذا نصيبها ومصيرها بتتعلم منك او من غيرك او تجاربها المتكرره
وصاحبه الاحتيال والغش
الحساب يوم الحساب عند رب الحساب
بلغي الاداره عنها وهي ببتصرف معاها وانتي اتركيها وشوفي مصالحك الشخصيه وخليك انتي المحترمه التقيه النقيه واتركي سجلك بعد وفاتك نظيف وسليم من اي تشوهات لاتستدعي شي تافه مثل امور دنيويه وخلي احترامك يفرض على الجميع بدون تدخلات ماتصب في صالحك وصالح الجميع قد تخطين في قولك وتدخلين في نيتها وانتي لاتعلمين عن نيتها وتكون صادقه وتدعي عليك بدعوه تندمين عليها طول عمرك باب السماء مفتوح لدعوه المظلوم
اياكم والظلم ( دعوة المظلوم ليس بينها وبين الله حجاب)
عن أبي ذر الغفاري رضي الله عنه عن النبي - صلى الله عليه وسلم - فيما يرويه عن ربه عز وجل أنه قال : ( يا عبادي إني حرمت الظلم على نفسي وجعلته بينكم محرما فلا تظالموا ، يا عبادي) الخ
ليش تجنين على نفسك بشي ماكان له داعي ابدا
"من تدخل فيما لايعنيه لقي مالايرضيه"
عندك كلمه لها وجهيها وانصحيها بالخاص واذا متاكده ان اللي تقولينه او تسوينه صحيح 100% كلمي الاداره مو بالعام لان واضح الوحده اللي تحط كلام بالعام وش معناته
"رحمة الله الشافعي في قوله"
تعهدني بنصحك في إنفراد
وجنبي النصيحة في الجماعه
فإن النصح بين الناس نوعا
من التوبيخ لا أرضى إستماعه
فإن خالفتني وعصيت أمري
فلا تجزع إذ لم تلق طاعه
ماعجبك سعرها بضاعتها غاليه اتبعي هالمقوله
جاء في الأثر أن الناس في زمن الخليفة الثاني عمر بن الخطاب -رضي الله عنه - جاءوا إليه وقالوا :
نشتكي إليك غلاء اللحم فسعره لنا ،فقال: أرخصوه أنتم ؟ فقالوا :نحن نشتكي غلاء السعر واللحم
عند الجزارين ونحن أصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه
وهو ليس في أيدينا ؟ فقال قولته الرائعة :اتركوه لهم..
حسيتيها تغش وتحتال وقلبك يعورك قولي حسبي الله ونعم الوكيل او الله لايهنيك زر الخف من فوق
او كمال قال رسول الله صلى الله عليه وسلم
((من كان يؤمن بالله واليوم الاخر فليقل خيرا او ليصمت ))
كبروا عقولكم واتقوا الله في انفسكم ودعوا الخلق للخالق
وحَاسبي نفسك قبل ان تُحاسبي ,,
وصلى الله علي نبينا محمد وعلى اله وصحبه ومن اتبعهم باحسان الى يوم الدين ,,
وهذا غيض من فيض واترك لكم المايك قصدي الكي بورد
لكم :26::26: ,,
نور.حياتي @norhyaty_1
محررة
وش رايكم باللي يحصل بقسم المستعمل والمزاد بكل امانه ((للنقاش)) فضلا بدون تجريح
55
5K
يلزم عليك تسجيل الدخول أولًا لكتابة تعليق.
الصفحة الأخيرة
الله يجزاك الجنه