السلام عليكم ورحمة الله وبركاته
خواتي ساعدوني وش اسوي في زوجي خلاص معاد اقدراتحمل
تزوجت ولي الحين سبع شهور بدأ الزواج بغش كذب علينا وغشنا
قال انه متزوج وحده وكبيره اكبر منه هذا الكلام صحيح بس اللي خباه وماعلمنا عليه
انه متزوج وحده ثانيه بعد وجايب منها ولد وملت منه وانحاشت لبيت اهلها
وقالت ماراح ارجع لين تنفذ شروطي كلها وخلاها عند اهلها ولاهمه لاهي ولا ولده
وانا ماعرفت بهالكلام الا بعد ماتزوجته بعد ماطاح الفاس في الراس
عرفت بهالشي وقلتله ليه ماقلتلي انك متزوج ثانيه قال موضوع مايستاهل وانتم ماسألتوني
وابوي الله يرحمه توفى ولادرى عن السالفه توفى وهو مخدوع بهالشخص يحسبه رجال وشاريني
وهو عكس كذا يبي يأدب زوجته الثانيه بزواجه بالثالثه
وبعد مسكني في بيتها وبعفشها وحتى والله بمفرش السرير حقها وربي ماظلمته
وصبرت وسكت ومرت الشهور وهو شوي شوي يطلع على حقيقته
مايعطيني مصروف وبخيل لدرجة ان بعض ملابسه اذا كانت قصيره مايوديها الخياط لا يخليني انا اللي افك خبنتها
واطولها وانا لا عندي مكينه ولاشي كله من البخل وملابسه الداخليه مايخليني اكويها يقول لاتكوينها
بس سر وصرفيه على المكوى
وانا الحين عند اهلي من شهر علشان زواج اختي واخوي
ومن يوم مارحت لايتصل ولايسأل بس انا اللي اتصل عليه وأسأل ومره اتصلت عليه
ورد وقال وش بغيتي انا مشغول وقفلت وبعدها ارسلت له وقلت ليه مااتصل عليك الا ابي شي
وبعدها اتصل وهو زعلان ويقول وش هالاسلوب ليه انا عبرتك ورديت عليكي وانا مشغول وسمعني كلمتين وقفل
وبعد كم يوم ارسلتله كول مي ومااتصل وبعدها بكم يوم ارسلتله رساله وقلتله وقت ماتفضى دق علي وبعدها
بكم ساعه ارسل يقول انا الحين فاضي دقي علي وارسلتله انا ماعندي رصيد ادق
واتصل وهو زعلان ومعصب على الاخر ويقول ليه مااتصلتي انتي قلتله ماعندي شحن قال مايمديك تشحنين
وتكلميني اصلا اللي عندك كله من خيري وقلتله طيب اذا ماعندي احد يجيب لي شحن وش اسوي
قال اصلا انتي ماعندك اسلوب للتخاطب انتي تنقصك اشياء كثيره توي ادري عنها
وانا نزلت لمعقوليتك ورديت عليكي ومن يومها لحد الحين له اسبوع وشوي لااتصل ولا سأل ولاحتى ارسل لي مصروف ولاشي مهمشني وهو يدري ان عندنا زواج
لاخوي واكيد راح احتاج مصروف
والله قاهرني ماكأني زوجته يقول انتي ماعليكي غير تقولين السمع والطاعه وابشر على كل شي طيب اذا كان غلطان وكلامه يهيني ويذلني اقول بعد السمع والطاعه
تكفون قولولي وش اسوي وربي ماينفع معه النقاش ولاشي اذا جيت اناقشه يقول انتي تجادلين ماتناقشين
وربي تعبت منه ودي اطلب الطلاق وافتك منه ومن اسلوبه ومعاملته لي وكذبه علينا وغشه
بس اخاف يخليني معلقه زي زوجته الثانيه لحد الان ماطلقها وهي طالبه الطلاق
انا ابي اتطلق والحق نفسي لاني الحمدلله ماحملت منه ولاابي احمل منه
تكفون قولولي شوركم وش اسوي وادعولي تكفون
يلزم عليك تسجيل الدخول أولًا لكتابة تعليق.
جود الجودي1
•
استخيري ,,,,مدام انك ناويه تطلبي الطلاق منه ,, وربي يفرج همك
الله يعينك كله كوووم وانه بخيل كوووووم شوفي حبيبتي رايي اذا انك حاسه انو مافيه امل يتغير بصراحه لوانا بطلب الطلاق والحمدلله ماحملتي وبعدين مافكرتي ليه الزوجات اللي قبل طلبوا الطلاق لاتكلينها انتي وفيه محاكم مو علا كيفه يعلقك الحقي عمرك
ببسي
•
يا قلبي استخيري مره ومرتين وثلاث واستشيري اهلك
حسبي الله عليه هالغشااااش >>
البخل والشك والضرب هذي الاشياء الي تدمر العلاقه الزوجيه
ربي يوفقك ويرشدك للطريق الصح فديتــك
ورددي _ حسبي الله لا اله الا هو عليه توكلت وهو رب العرش العظيييييم
حسبي الله عليه هالغشااااش >>
البخل والشك والضرب هذي الاشياء الي تدمر العلاقه الزوجيه
ربي يوفقك ويرشدك للطريق الصح فديتــك
ورددي _ حسبي الله لا اله الا هو عليه توكلت وهو رب العرش العظيييييم
الصفحة الأخيرة