أما أنا فالصراحة ولدت عندهم خمس ولادات وخلالها ما شفت الا كل خير والحمد لله رب

العالمين عناية ورعاية وكل شيء ، وانا احين قي حملي السادس بعد أعالج عندهم

بس بصراحه أقولها تغيرت رعايتهم واااااااااااااااااااااااااايد عن الأول وقل الاهتمام عن الأول

بالأول كنا ما نطلع من المستشفى بعد العلاج الا وكامل الفحوصات انت عارفة نتيجتها وماخذة

علاج عشانها ، وأحين لأ انت روحي واذا فيه شيء احنا بنتصل فيج وكل مرة جذيه، والله اني

أحس اني أدفع فلوس على الفاضي ، لكن شو أسوي خلاص تعوت على المستشفى وما أرتاح

أربي الا فيه والله الحافظ........

الله يقوم كل الحوامل بسلامة يااا رب امين
:)

أنا أختي وبنااات عمي وايد يرتاحون لمستشفى الواحة وخاصة شامة كل وحدة منهن تبا تربي يطلبنها والغرف الحمدلله زينة ....

شكراااااااااااااااا على الردود ... الصراحه ما توقعت اني بفتح الموضوع بحصل كل هالردود...
المهم انا جربت مستشفى الواحه ...الي خلاني اتعقد منه الزحمه اول ما رحت وقت الولاده ما حصلت غرفة فاضيه للولاده ( يعني وين اروح ؟؟؟) قعدت في الجمعيه لين فضولي غرفه ولاده ورحت فيها .... العنايه لا بأس فيها بس انا اساسا انصدمت من الولاده ما تخيلت ان االالم لهذي الدرجه ..بس ما يقصرن فيج يهمزنج ويغسللن ويهج بماي بارد ... بعدها انتقلت لغرفه من الغرف الكبار وكانت نظيفه وحسيت انه فيه عنايه من ناحية النظافه والاهتمام بالام لانهم يرسلون لي الممرضه عدة مرات في اليوم وحتى الدكتور ياني وشاف البيبي وتطمن عليه ...
واذكر اني حاولت اعطي الممرضه فلوس واصريت عليها بس ما رضت قالت ممنوع ناخذ فلوس ...
المهم اخر مره رحت مستشفى الواحه كانت ربيعتي مربي حصلت الممرضات سألتهن عن المستشفى يقولون استوى فيه تطوير ... قالن لي في 7 اخصائيات توليد جدد .. وبالنسبه للفحوصات الامر تغير ماصار فيه انتظار ... تسوين الفحص وتروحين واذا طلعت النتيجه سالبه يتصلون فيج ... سوو تعديل في الغرف وطبعا رفعو الاسعار ...
هذي معلوماتي عن الواحه ...
بالنسبه لتوام ما اعرف شي عنه لاني ما جربته بس شفت الغرف الخاصه الصراحه شي مرتب
ونظيف بس سمعت انه ما في علاج .. يعني بعد الولاده ما تحصل الاهتمام الكافي ..والله يعلم ..

المهم افكر الشهر الياي ابدأ مرجعاتي بس وين اروح ....الله يعلم ,,
احتمال كبير ارجع الواحه لانه صار مألوف بالنسبه اليه .. واعرف الطاقم الي فيه ..
اذا رحت توام لازم ابدأ من الصفر ,,,

ام مهره بيني وبينج 6 ايام تقريبا متى بتبدين تراجعين ...؟؟؟ وكم موعد الولاده عندج ...؟؟؟
بنشوف منو اللي بتربي قبل .... انا عطوني 31 _10 ووووووو 28 _10