جبت لكم طبقي الجميييل
مقلوبة بدون رز <<<<< يمديكم ع الحركات :icon28:
هذي قصة الطبق زوجي يحب المقلوبه خضارها اكثر من الرز وانا احبها متوازنة مافيها شي يغطي على شي
وينتي تبي رز بدون خضار ولاحتى نتوفة ابدا ابدا
عاد قلت مالي الا اسوي شي يرضي الاذواق <<<<عادلة بسم الله علي
هذي الطريقة والخطوات
الخضار
بذنجان +زهرة +فلفل رومي+جزر +بطاطس+بصل جوانج
دجاجة مقطعة ارباع بدون جلد
البهارات
بصحن خلطت كركم +بهار مشكل+ خردل بودرة +كمون +فلفل اسود +كزبرة +بابريكا
ونبدا بسم الله
صفصفت حلقات البذنجان بالفرن ورشية عليهم زيت وخليتهم
شوحة بصل جوانج بشوي زيت ماخليته يذبل بس نقلب شوي وطلعت ريحتة الشهية وبعدين حطيتة بقاع البايركس
بنفس المقلاة
احط البطاطس والجزر وازيد الزيت شوووي وارش عليه ملح وشوي من البهار الي جهزناة
واقلبها الى ان تاخذ تحميرة حلوووة بس ما ابيها تنضج
افرك الدجاجات بالبهار نفسة
واحطها بنفس المقلاة اصفهم وارش عليهم كم حبة هيل وعود قرفة علشان الزفرة وشوفي ريحة الهيل كيف تجننن مع البهارات
واغطي المقلاة علشان تنزل شوي موية الدجاج ومايلزق الدجاج ويتشوة خخخخخخ
بعد عشر دقايق اقلبيهم واغطي المقلاة يعني خليهم يستون نص او ثلاث ارباع استوى
فوق البصل صفي حلقات البذنجان << نسيت اصورها وبعدها البطاطس والجزر شوفوا كيف صار شكلة ولونة من البهار والتشويح
بعدها صفي الدجاج بعد ماتطلعين الدجاج من المقلاة شوحي الفلفل الرومي شووووي وحطية فوق الدجاج
اخر شي الزهرة اقليها بس لاتحمر لانها بتكمل تحمير بالفرن
خليها مثل كذا
ملحيها قبل تحطينها ورشيها بالبهار الي جهزناة فوق
وغطيها بقصدير ودخليها الفرن على حرارة 150 او اقل وخليها ساعة تقريبا
وهنا شوفوا كيف تحمرت الزهرة تمام
قدمتها مع رز ابيض طبخته مع كم حبة هيل وعود قرفة ولا احلى
وش رايكم ؟؟؟
جربوها مررررررة لذيذة ماشاء الله