بسم الله الرحمن الرحيم


السمبوسه بالفرن




عجينة السمبوسه أستخدمي سمبوسه فيهآ زيت تحسين فيهآ زيت
مثل أبو يمن او دلتآ بالزيت



الحشوة

لحمة مفرومه أسلقه في مويه بمجرد ماتغلي اول غليه اشيلها واصفيها عشان الزنخه تروح

ارجعها بالقدر واحمسها مع بصل مفرومه وزيت وفلفل اسود وملح ومكعب ماجي وكمون مطحون وكزبره مطحونه بس << دائما السمبوسه لاتحطين فيها بهار واجد يخترب طعمها

اخلطيها لين تستوي اللحممه
ثم أضيفي عليها كزبره مطحونه حزمة كامله << تعطيها نكهه
وفي ناس يحطون بصل اخضر مفروم << يمي يمي << البصل تذكرني برمضان


اخلطي الحشوة

ثم احشي السمبوسه

وجيبي صينيه فرن وادهنيها بزيت زيت خفيف نفس حق الكيك وصفي السمبوسه ودخليها الفرن


وبعد كذا

طلعيها وادهنيها بزيت من فوق ودخليها الفرن من فوق ولعي عليها لين تتحمر << الزيت تخليها تلمممع



وبالعافيه



--------------------------





كيكه لذيذه جدا


الكيكه سهله انا استخدمت الكرتون الجاهز حق بيتي كويكر بالكاكاو

خلطته نفس المقادير اللي بالعلبه بس اضفت عليه 3 ملاعق كبيره كاكاو مر <<< يعزز نكهة الكاكاو


وخلطتها وصبيتها بصينيه بايركس


دخلتها الفرن لين استوت

ثم سويت لي صوص عباره عن : نص علبة حليب نستله في قدر مع 4 ملاعق وسط كاكاو مره مع ربع اصبع زبدة حطيتهم على النار لين تجانسو ا مع بعض
بعدها صبيته على الكيكه بعد ماستوت

واستمتعي بالطعم الرآآآآآآآآآآآآ آيق


------------------------------------------

صينيه الشاورما




صينيه الشاورما أخذتها من النت بس حرفت من عندي أشيآء وهذي الصوره من النت



دجاج تبلته ب4 ملاعق زبادي - ثوم - بصله مفرومه - نص حبة طماطم - نعناع 4 ملاعق - بهاراتك المحببه

بهرتها ليله كامله خليتها بالخلطه


بعد كذا


جبتها وحطيتها على النار وحمستها لين استوت وحطيت عليها ملح

جبت بصل ابيض شرايح وفلفل اخضر شرايح وطماطم شرايح حمرتهم ع النار خفيف بس

خلطتهم مع الدجاج وحطيتهم بصينيه بايركس
وقليت بطاطس وحطيته معاهم


سويت لي صوص عباره عن
علبة قشطة ملعقتين طحينيه - ملعقتين كاتشب - ملعقة شطة سومطره - ملعقة خل الببلسمك - ملعقة خردل - رشة ملح وفلفل اسود


خلطتهم بالخلاط وصبيتهم على الشاورما


ودخلتها الفرن تحمير خفيف وبالعافيه



----------------------------------


حلى بآسكن روبنز بس ماعندي له صوره

كيكه اي كيكه كندك تفتفتينه وتخلطينه مع ملعقة قشطة ورصيته بصينيه بايركس

خلطت بالخلاط 1 ظرف كريم كراميل مع العسل حقه - ا ظرف دريم ويب - 1 علبة قشطة - بيالة حليب بودره - بيالة ماء بآآآآآآرد اخلطيهم بالخلاط ثم صبيهم على الكيك وزينيهم بأي شيء
جالكسي مبشور او حلاو ملون اي شيء تبغينه

----------------------------------------


الكريمه على طريقتي الخاصه << لذيذه

تسويت الكريم كراميل على طريقة الكرتون بعد مايغلي حطيه بالخلاط وحطي عليه علبة قشطة وظرف دريم ويب ومقدار علبة القشطة ماء واخلطيهم لين يتجانسون ثم صبيهم ع البوادي حقتك


طبعا كل علبة قشة وظرف دريم ويب حق علبة كريم كراميل وحده


-----------------------------------------



سلطة البطاطس والدوريتوس


بطاطس مسلوقة ثم تهرسينها مع ملح وشوي زبده


تحطينه بالصحن حق التقديم
وتقطعين خس ومخلل خيار مفروم وحطيه ع البطاطس ثم حطي زيتون اخضر وطمام مفرووووم مره
وحطي عليها الديريتوس ورشي فوقه اي صوص تحبين انا رشيت كاتشب وخردل مخفف بمويه



--------------------------------------------



تارت التفاح




اطبقة الاولى علبة بسكوت داجستيف مطحون مع اصبع زبدة تخلطينهم وتدخلينهم الفرن لين تتحمر شوي

الطبقة الثانيه علبة حليب نستله و12 حبة جبن كيري تخلطينهم بالخلاط وصبيهم ع البسكوت ودخليهم الفرن شوي


اخر شيء

التفاح

تفاح أخضر مقطع

4 ملاعق سكر بني تحطينهم بالنار تذوبينهم وملعقة زبده لين تذوب حطي عليها التفاح مع ربع كاس ماء وملعقة وسط نشآ حركيها على النار ششوي بس لين تثقل شوي بس تصير مثل الصوص مايكون ثقيل مره انتبهي وحطي مقدار ملعقة وسط على كل حب تارت


وقدميه بالهنا والشفا




بكذا انتهت اطباقي


ادعولي بالزوج الصالح وبالذريه الصالحه وان ربي يشفيني بكل مرض أبتليت فيه وان ربي يرزقني الوظيفه اللي تسعد امي قبل ماتسعدني ويستفيد منها كل فقير محتاج قبل ما استفيد منها انا

يآرب أرزقني الزوج الصآلح وارزقني بالذرية الصالحه

الأسك مي

اي سؤال أسألوني من هذا الرابط

لان الرسايل الخاصة مقدر اكلمكم منها

http://ask.fm/qamooora
روعه الاكلات
لاتحرمينا جديدك يالغلا
ماشاء الله
تسلم الايادي
الوزن: 88
الهدف الأول: 85
الهدف الثاني: 82
الهدف الثالث: 79
الحلم/70
ماااااشاااء الله

سلمت يداك
روعه (ياحي ياقيوم ارزق حنان الزوج الغني التقي والوظيفه التي تنفعها بالدنيا والآخره0)


الساعة الآن 06:12 .