رفع

وين العقوق في الموضوع ؟ الكلمه اللي قلتيها كبيره و ما تنطبق على اختك

واذا اختك بكت وقالت لابوك عطني اللبس ما كفاني وطالبت بحقوقها انتي شدخلك ؟

بنت وتطلب من ابوها وتبي تكشخ وتلبس وتدلع نفسها .. وين المشكله ؟

بعدين استغرب من امك كيف انتم كبار وتقضي لكم كأنكم اطفال؟ .. الفلوس اللي عطاكم اياها ابوكم المفروض امك وزعتها بينكم بالتساوي وكل وحده اخذت مصروفها بيدها وشرت اللي تبي .. هذا هو العدل ..






الله يعين المسكينه عليكم شكل ابوك يحبهاو مدلعها واشتغلت الغيره عليها منكم كلكم

فعلا كلمة عاقة كبيرة ولكن ايضا المفروض اختك تكون بعيدة عن مقارنتها بأمها لانه الام مستحيل تتقارن مع بناتها وبصراحة أبوك أخطأ خطأ كبير لما راح لأمك يهاوشها لانه يفترض عقله يكون كبير ويقولها عادي حلال عليك ويراضيها كزوجة واذا هو يبغى يراضي اختك يراضيها بمبلغ اخر بدون احراج للأم

فأعذريني احب اقول لك بان ابوك الغلطان في الموضوع كله ومن ثم اختك الغلطانة

اختك مو قصة تحط راسها براس امك ..لا
اختك حست انه حقها انهضم تصدقين اني الى الان حاز في نفسي انه كانت امي اذا عطاها ابوي فلوس تشري لي 3 او 4 لبسات وتشري لنفسها 10 لبسات وذهب وساعات ما اقول هالكلام حسدا لامي او مقارنه لنفسي فيها لا والله لكن نت احس بالظلم , بس انا كنت اسكت ولا اقول شي احتراما لامي بس ندمت اني ما كنت اطالب بحقوقي واسكت وانحرمت من اشياء كثيره كنت ابغاها يليتني كنت مثل اختك.



وامك وينها من الموضوع كله يعني ليش امك يوم شافت اختك حاز بخاطرها انها ما شرت كل اللي تبي ما قالت لاختك وش تبين ووش ناقصك وتفهمت بنتها ليش اختك اضطرت تشتكي لابوك .. يا قلبي انتي مكبره الموضوع وشكل اختك حساسه ويبيلها مداراه وبعدين معها حق 5 لبسات ما تكفي

أختك لا تعتبر عاقة إذا كان هذا هو السبب فقط
هذه السن محتاجة أحد يفهمها ويحتويها ولا يشد عليها
ولا يهضم لها أو لأي أحد حق من حقوقه
بتقولين ماهضمنا حقها أنا أقول قد يكون حسب فهمها هي
لدرجة قالت أنكم ظلمتوها وشكت لوالدك وكبرت الموقف بينكم

هنا يجب منذ البداية ومن قبل والدك الفصل بين المبلغ الذي لوالدتك والمبلغ الذي
لكم يالبنات ويكون لكل واحده مبلغ معروف لكل واحدة منكم ويكون مع الوالدة
وتكون كل واحدة مقتنعة بذلك وراضية كل الرضى
ولكن أن تكون المسألة عشوائية وبهذه الطريقة قد تجعل لكل واحد منكم رأي

بالنسبة لأختك حاولو أن تعرفو ماذا تريد الآن ولبوه لها وبعد ذلك
أعرفوا شخصيتها وأعرفو ا كيف تتعاملون معها لأن أكيد كل واحدة منكم
لها شخصيتها التي تختلف عن الأخرى من ناحية الرضى والإقتناع والمسامحة
والتغاضي وغيرها من الصفات