السلام عليكم

شلونكم يا احلى خوات


اليوم غداى خفيف لطيف

عباره عن صينيه سمك مع البطاط بالفرن الكهربائي

+

عيش مشخول

+

سلطه خضراء

+

اجار منجا الجمل

+

مرق عدس لوووووووول ادري داش عرض بس احبه


التفاصيل والصور







1- صينيه السمك ( ننظف السمك ونملحه بعدين نغسله ونتبله ب ( عصير ليمونه + فص ثوم مفروم + قفشه زيت + بهارات + قفشه خل ابيض + ملح ) نفرك السمك عدل بالخلطه من برا ومن داخل ونخليه نص ساعه ) بعدين نيب البايركس ونحط زيت شويه ونصف البطاطا الشرايح فوقه ليمون شرايح ونسدح السمجه فوقهم ونصب كوب ماى بالبايركس على جنب مو فوق السمجه ونغطيها بقصدير وندخلها الفرن ربع ساعه بعدين نشيل القصدير ونحمرها من فوق
وبس خلصنا

2- العيش مشخول عادى

3 - مرق العدس ( نحمس شويه بصل بعدين نضيف له نص كوب عدل مغسلينه ومنقعينه ونحمس شويه بعدين نحط ماى حار عليه وشويه معجون طماط وبهارات واخر شى نملحه قبل لا يخلص )

4 - اجار المنجا جاهز من الجمعيه

5 - السلطة الخضراء ( طماط - خيار - خس - ملح - زيت زيتون وليمون - بقدونس )

وبث هذا غداى خفيف وسريع ويشبع من قلب
ماشاء الله تبارك الله...غداء يفتح النفس..
عليكم بالعاااافيه
تسلم الأيادي ياقمررررررر
ماشاء الله تسلم الأيادي
يــــــــــــــ ـــــــــــــــ ـــــ احفظ زوجي وارزقنا الذريه الصالحه ـــــــــــــــ ــــــارب
الله يعطيك العافيه


الساعة الآن 07:23 .