أشكر من كل قلبي .
yaaaariiit
السلام عليكم
بودرة البصل ...... بودرة الثوم ( عبارة عن ثوم وبصل مجففين وممكن تجديهم مبشورين وممكن مطحونين ...بتحطى منهم على على صلصة البيتزا وممكن العجين ومعظم الوجبات الجاهزة)
- قهوة اسبرسو (انا معرفش غير القهوة من عند مطاحن البن او النسكافيه ).....اللى يفيدك فيها ياريت يفدنى معاكى !!!!!
4- بهارات مخلوطة إيطالية مكوناتها ايه و- بهارات التاكو....بهارات التاكو فى أول صفحة والبهارات الإيطالية فى الصفحة رقم 3.....حتلاقيهم فى موضوع مون جيرل الله يكرمها هى وأم دانة....
فهرس الوجبات السريعة


او بتتباع فين .(حتلاقى كل الأشياء اللى بتسألى عليها عند فتح الله ..عندك ماركة أيزيس(حتلاقى ملح بالبهارات وتوابل إيطالية وريحان ...وغيرهم ماركة نظيفة الصراحة )
5- صلصة الشواء Liquid Smoke....الله أعلم .
6- بابريكا (بودرة فلفل احمر حلو)انا اعرف الشطه فقط لكن طعمها مش حلو .....الله أعلم
7- corn syrup هل له مسمى تانى معروف...تقريبا والله أعلم السائل اللى بيكون مع الذرة المعلبة على ما أعتقد ولو المعلومة غلط حد يصحح لى .
8- بقدونس مجفف..شأنه شأن النعناع المجفف والزعتر وخلافه

10- اوريجانو...هو عبارة عن زعتر ولكن لا بودرة ولا سليم وهذا كلام العطار ...
11- خلاصة الموز او الفراوله طبعا ( نكهة مركزة للموز او الفراوله)....دى عبارة عن روح يعنى رائحة وطعم مركزين بتضيفى القليل منهم على المكونات حسب الصنف اللى بتطبقيه وحتلاقيه عن المتخصصين فى بيع المستلزمات بتاعت الحلويات زى مطير وخليل الحلوانى وممكن تلاقى فى كارفور ناحية الألوان الصناعية ....
معلش اختكم جاهله في عالم الطبخ. ......كلنا بنتعلم من بعض مفيش واحدة نزله من بطن الوالدة وهى لا بسة مريلة المطبخ وماسكة فوطة المواعين ؟؟!!!!
أتمنى أن أكون قد أفدتك ...
أختك هبهوبة
السلام عليكم
الكسترد يا ستى عبارة عن بودرة صفراء بتحتوى على نشا ذرة و فانيليا وروائح وألوان...وأحلى ماركة تاج الملوك أو دريم سواء فى الكسترد أو الجلى أو الكريم كراميل ..
والفرق بينه وبين الكريم كراميل بأنه يتميز بكثرة النشا بينما الكريم كراميل يعتمد على كثرة البيض ....أما أحلى كسترد بيتى على الأطلاق بتاع أسامة السيد وهو لذيذ جدا...
المقادير
واحد ونصف كوب حليب
نصف كوب سكر
نصف ملعقة صغيرة فانيليا
واحد ونصف ملعقة كبيرة نشا
صفار بيضة
الطريقة
يُوضع كوب وربع من الحليب في وعاء على نار متوسطة ويضاف إليه السكر ويقلَّب حتى يذاب تماما وتضاف إلى خليط الفانليا.
- عندما يبدأ الحليب في الغليان تخفض درجة الحرارة.
- يُذاب النشا في الكمية المتبقية من الحليب.
- يُضاف خليط النشا تدريجيا للحليب ويقلب باستمرار حتى يصل لدرجة الغليان مرة أخرى.
- تُخفض الحرارة لأقل من متوسطة حتى تنضج تماماً.
- يُوضع الخليط جانبا ثم يخفق صفار البيض ويضاف إلى الخليط مع الاستمرار في التقليب حتى يندمج تماماً.
- يُترك الكسترد حتى يبرد ويمكن تغطيته بورق زبد بعد دهنه بقليل من الزبد وتكون ملاصقة للكسترد حتى لا تتكون قشرة على سطح الكسترد.
ويستعمل هذا الكسترد في حشو الفطائر ويمكن إضافة كمية اكبر من النشا ليكون كثيفاً وبالتالي يمكن تحميره بعد تقطيعه ووضعه في قليل من الدقيق وتحميره في قليل من الزبد الساخن....لذيذ لو جربتيه مرة حتعمليه أكتر من مرة( حلوة الدعاية دى )..ز
أختك هبهوبة
اشكرك جدا يا هبهوبه .
ماهما كده اهل اسكندريه .
عسلاات وعنهم اصل .


الساعة الآن 11:24 .