المعتصمة بالله

متشكرة لتعبك معايا

بس انا ما اقصدش دي خالص

انا اقصد رز السمك العادي ما فيه خضار بس يكون لونه بني
هو ده اللي اقصده

اانا عمري ما جربت السمك مع الخضار اعتقد صعب شوية

ويارب حد يفيدني ازاي اعمل الرز يكون لونه بني مش ابيض للسمك

انا بعمل الرز ده على طول وطعمه بيكون روعة وعلى فكرة مفيش أسهل منه
والطريقة يا ستى باختصار تجيبى بصلة كبيرة بس مش أوى او بصلة متوسطة بس تكون كبيرة شوية
وبعدين تبشريها بطريقتك المعتادة
وبعدين تجيبى الحلة اللى هتطبخى فيها الرز وتحطى فيها كمية زيت مناسبة وتنتظرى حتى يسخن الزيت
وبعديت تحطى البصل المبشور فى الزيت وتحمريه لحد ما يبقى لونه غامق نوعا ما
يعنى بيكون لونه تقريبا بنى
في اللحظة دى تضيفى 3 أكواب من الماء والملح وتسيبيه يغلى دقيقتين
طبعا الرز بيكون مغسول ومتصفى من الماء وبيكون حوالى 3 أكواب
بتحطى الرز في الحلة وتستنى لما ينشف وتهدى النار وتحطى تحته شياطة
وبالهنا والشفا

ملاحظات

1- أحيانا اضيف نص ملعقة صغيرة بهارات سمك أو كارى بتدى طعم جديد
2- نسبة الماء الى الرز انتى تحدديها حسب مزاجك فى الرز يعنى انا بحبه شوية طرى لو بتحبيه مفلفل قللى الماء