قلب ام متحطم

السلام عليكم
والله مدري من فين ابدا والا وش اقووول مررررررره نفسيتي تعبت كرهت الطلعاات كرهت اجتمع مع النااس في كل مرره اطلع اتفشل واحس ودي لو تنشق الارض وتبلعني من الفشيله ماعااد لي وجه


مدري شسوي وقلت ماال الا انتوا اخواتي وفيه اللي اكبر مني وتنصحني ويمكن وحده مررت بتجربتي ولقت حل
مصيبتي هي ولدي الله يهديه
مشااغب مررررره شقي شقي شقي عنيييييد يحب يضاارب يحب يقهرني ويرفع ضغطي
عمره 4 سنواات
لاحظت انه يحب اذا طلعت او جوني نااس يشوف نفسه ويستعرض قداام الناس ويسوي نفسه قوي اما لو كنا بالبيت لوحدنا اش زينه مافي زيه لدرجة يجي لوحده يبوسني منة دون ما اطلب منه
واذا جلس عند النااس من دوني مثلا امي او ام زوجي يااحلاته يهبل واذا جيت ينقلب فرعوون يصير وااحد ثااني
توني كنت عند اهل زوجي هو رااح قبلي ولم جيت انا شوفوا الصيااح والعنااد اللي سواه ااااااااااااه بس فشلني قدام ام زوجي و عمتي يراكض على الكنب ويضرب بنات عماته وعيالهم تخيلوا حتى يرد على عماته وهاوشهم ويرد على جدته ويهاوشها وهم ما يصدقوون كل شوي يدقوني بالكلام والله تعبت منه كل هذا وانا احاول اهديه ما في فايده قمت خذته وجيت البيت وانا والله دموعي على خدي ما اقدر اشوف ولدي كذا احس فيه حاله نفسيه انفجرت فيه بكا وضرب ماعمري ضربته زي كذا وحبسته في الغرفه وللحين وهو يصيح
كمان نسيت شي لسانه طويل واذا قلت ليش تسوي كذا يرد علي ويقول طيب ليش .... اي يشي اهم حاجه ما يجاوبني يرد على سؤالي بسؤال ااااااااااااه ودي انه يتغير والله دايم ادعيله وما استخدم الضرب كثيير بس خلا ص وجهي طاااحمن الفشيله
البارح جتني صديقتي لها فتره مازارتني بالبيت والله كان هاادي ويتفرج تلفزيون لما شافها جاات قاام يستعرض ويستهبل ويقول كلام ماله دااعي ويضربني قدامها والله تفشلت خلاص تعبت


الله يخليكم لو دعوه له يمكن ربي يستجيب الله يسعدكم ادعوله وردوا علي محتاجه احد يسااعدني