السلام عليكم
اخواتي مالي الا الله ثم انتم
اهل زوجي بيجون عندي اسبوعين اول مره
وانا مااعرف اطبخ
انا لي ثلاث سنوات متزوجه
وزوجي على قد حاله من تزوجت يقول عادي اكل اي شي
بس اللحين عائله كامله بتجي وش اسوي ما اعرف ادبرهم
وش افطرهم او وش اغديهم ووش اعشيهم ووضعنا المالي سئ
تكفووووون يابنات وش اسوي
من قالي البارح انهم جايين وانا مانمت من التفكير
وبعدين ما عندي اثاث يواجه كل ماقلت لزوجي بنغير الاثاث قال ماعندي شي منين اجيب
كنب ماعندي اثاثي مره قديم قبل عادي انا لانه محد يجينا بس اللحين وش اسوي
وبيجي معهم حريم عيالهم ثنتين وبيوتهم ما شاء الله تفتح النفس
لكن احنا الله العالم بحالنا...مره طفشانه بنات ساعدوني

اهل زوجك اكيد انهم عارفين بوضعكم المااادي ولا راح
يكلفون عليكم ...
الفطور يكون اشياء خفيفه مو لازم تتملفي حتى الغداء ممكن كبسه وسلطه ودقوس
والعشاء سوي من اشياء ومكونات تكون متوفره عندك في البيت ..


والله يعينك
حبيبتي بالنسبه لبيتك
وربي ان الزين بالنظاااااافه
البيت خليه نظيف ومبخر وبس

اما الاكل
ابدي فرزني لانك ماراح تلحقين

الفطور نووواشف

الغداء كبسه وسلطات وببسي

العشاء نوعي مرره ايدام

ومره صواني ومكرونه
يعني هنا المنتدى مشالله مليان

وقبل تنامين صلحي حلى بارد وحطيه بالثلاجه لقهوة العصر او المغرب

اوو اكيد انكم بتطلعون تتمشون

وهنا فيه حلويااات كثييييره ومرررره سهله
فيه حلى اسمه السينابون الكذاب اخذته من المنتدى روووعه وسهل ويخلص بعشر دقايق


وموفقه ياعسسل
ربي إجعل حياتي أجمل من كل التوقعات
اذا اهل زوجك الحمدلله مو مشكلة ولا تنحرجين لانهم عارفين حالة ولدهم
ولا تسرفين ولا تتعبين والجود من الموجود
اعتقد ان اهله عارفين حالة ولدهم الماديه بعدين الاكل عادي الجود من الموجود لاتكلفين على زوجك


الساعة الآن 05:54 .