السلام عليكم

لايفوتكم يابنات هالعرض
اشتريت الاسبوع الماضي قطعة قماش فخمه وغاليه من منصر العيسائي بمبلغ 4000ريال لونها اخضر تفاحي ومعه لون توتي القطعه مميزه بالمره عرضها المنصر اسبوع واحد وانتهت من عنده على طول
وفصلتها عند مشغل الرياض الحديث بمبلغ 2000ريال بموديل رووووعه وحلو
راح يضيفون له قماش حرير وسلاسل وقطع جلد

الخلاصه
انا راح البس الفستان في زواج اختي بشهر 5 وطبعا احنا زواجاتنا منا وفينا يعني تلبسين الفستان مررره وحده ولا ودك تكررينه ولو القطعه والموديل ما اعجبتني مره مادفعت هالمبلغ لأن كل وحده فينا تحب تتميز
لكن متحسفه ارميه بالدولاب بعدين وماراح استفيد منه
فكرت ابيعه على طول بما انه موديل من موديلات هالصيف والوان هذا الصيف

الفستان لسا بالمشغل فاللي تبي تشتري مني الفستان وتلبسه بعد تاريخ 15 /5 تراسلني عالخاص
وبامكانها تروح المشغل وتشوف الموديل والقماش والعينات وتتأكد من خامته واسعاره

االي ودها تشتري الفستان تراسلني عالخااااص
ورجاء رجاء للجادات فقط


وعلى فكره اختي العروس نفس الشيء اخذت فستان زواجها من منصر بقيمة 10000 وفصلته ب5000 وودها تبيعه على طول بعد ماتلبسه فاللي تحب تشوفه وتشتريه تراسلني لكن للجادات فقط

عل فكره انا بالرياض

تحياتي
ومشكورين
06-04-1426 هـ, 01:17 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم اختي الغاليه اذا ممكن بس تقوليلي بكم ناويه تبيعيه وكم قياساته وياليت لو تحطين صورته ومشكوره
06-04-1426 هـ, 01:25 صباحاً
 
ابي صورة الفستان والقياس والسعر
06-04-1426 هـ, 01:32 صباحاً
 
أنا بعد بليز طرشيلي صور الفستان والمقاس والسعر
06-04-1426 هـ, 02:15 صباحاً
 
مرحبا اخواتي

قلت لكم الفستانين لسا بالمشغل مااقدر اصورهم لكن اللي تبي تروح للمشغل اكلم المشغل واوصيهم يطلعون الفستان لها علشان تشوف القمش والالوان وتشوف التصميم

بالنسبه للقياسات انا مقاسي بالملابس العاديه 42 بعض الملابسMوبعضهاL

وبالنسبه لفستاني ماحددت السعر اول اشوف البنات وكم يبون يدفعون لكن ما اتوقع ابيعه اقل من 3000 ريال

اما فستان العروس نفس الشيء اتوقع انها ماراح تبيعه اقل من نصف السعر
وانتم عارفين الوان وموديلات هالصيف يعني جديده ولاتقولين قديم ومستعمل

واللي تبيه وجاده تراسلني عالخاص

تحياتي للكل
06-04-1426 هـ, 03:59 صباحاً
 


الساعة الآن 10:45 .