لاترجعين الابشقه خااااصه لك
استغرب من الناس الي تعيش عند اهل زوجها وين الخصوصيه
بصراحه هالحركه ابد مي عندنا

الله يفرج همك ويحنن قلب زوجك عليك

كنت طالبه بشقه قبل الزواج لاكن بعد الملكه ولما رحت اودي اغراضي انصدمت انه بالبيت عندهم
ويللاسف الشرط ماكان مكتوب بالعقد..!

اسأل الله ان يفرج همك

فيه واحد من الاثنين .. يا انكم تحطون مطبخ تحضيري في شقتك وتسوون لكم باب خارجي ..
وبكذا تصير لكم خصوصيتكم .. وبين فتره وفتره انزلي انتي ومعك بنوتتك سلمي عليهم
وياحبذا لو معك طبق خفيف .. و خليك ضيفه خفيفه اجلسي معهم شويه وارجعي لشقتك
شوفي امور زوجك وطلباته .. و مارسي طقوسك .. او اطلعي تمشي وعيشي حيانك طبيعي ..
ربي بنتك على كيفك بدون لا احد يهاوشها ..

وملاحظه مهمه جداً ، لاتنزلين لهم بنتك الا وهي شبعانه اكل ومزاجها كويس ..
واذا بدأت تزعجهم وتنكد عليهم اخذي بنتك واطلعي شقتك ..
ولاتلومين ام زوجك ترى فعلاً الكبار مايتحملون ازعاج الاطفال ..
خلاص هم ماقصروا اصبروا على ازعاج اولادهم .. بعد فوق كذا ازعاج احفادهم !!
معليش تفهمي هالشيء ..

الحل الثاني انكم تطلعون من البيت وتروحون شقه .. واذا قال ماتم هالحل فهذا ليس بمستغرب
لان البيت مافيه رجال مع الام والخوات .. فاصبري وتحملي وعالاقل الحل الاول ارى انه مفيد
ويحل مشكلتك ..


الله يشرح صدوركم ويهدي بالكم .. وترى رايي يحتمل الخطا والصواب ..
ويارب يفيدونك ناس اكثر حكمه مني ..
واحتسبي الاجر في كل شي وطولي بالك .. وتذكري ان الله وعد الصابرين وقال :
( انما يوفى الصابرون اجرهم بغير حساب )
ونصيحه لا تحنين على راس زوجك بمشاكلك مع امه و خواته
مهما كان مثل ما انتي زوجته ومايرضى عليك هم بعد اهله ومايرضى عليهم
اشتكي لربك .. واطلبي العون من الله ..

والله يصلح شأنكم ..