مين مثلي ابو زوجها يدور لها المشكلة من تحت الارض(ضاقت بي الوسيعه)

قبل يومين كتبت امس كنت كاتب لكم موضوع
ان ابو زوجي يبغاني انام عندهم ببيت حماي وزوجي مسافر وعادي عنده انام ببيت اهلي
واني اروح لهم كل يوم نزور الاهل



البارح تطورت المشكلة
وام زوجي باسلوب غبي قالت لزوجي ان ابوه معصب لاني انام ببيت اهلي وتحجج انه يبغى يشوف بنت وان له ايام ويسافر يبغى يشبع مننا ( من الحب الزايد لنا :mad:)
ويتصل عليي زوجي ويهزاني ليش ماتنامي مع اهلي قلت له ما ارتاح طول اليوم بعبااااية واغراضي كلها ببيت اهلي
وثانيا ابوك يتحكم بنومنايبغينا ننام بساعه محدده ونصحى بساعه محدده واذا تاخرت قال ثقيلة نوم وانتقدني وان صحيت بدري قال ايش مجلسك هالحزة وماعجبه وضعي

وبنتك كل يوم يشوفوها واسال امك من الساعه 3 العصر اتصل عليها وين بتروحو انا وياكم
وضل يقول ماتجي لي مشكلة الا من تحت راسك وانتي بتخربي ابوي عليي وانتي وانتي ولازم تحترميني وتطيعيني قلت له انت راضي من البداية شلون تغير كلامك
والله الموضوع سخيف قلت له لو يدخل طرف ثالث بيضحك علينا قال كلمي امك وخليها تكلمني

قلت له لا مابغى امي تدخل لان ابوك حاط صورة بنظرة ان كل امهات الزوجات يحرضو بناتهم على ازواجهم
قال لا عادي ابغيك تكلميها
وكلمت امي بلسالفه وقلت لها كلمية قالت الموضوع بايخ مابغى اتدخل فيه بعدين قالت بمزح صحيح قولي له امي زعلانه عليك مابتكلمك لانك ماجيت سلمت عليها لما جت من السفر

ورحت اكلمة الا يقول لي يعني انتي وامك تبغي تسويها وحده بوحده وصار يهزا فيني وقال خلاص مابيك لاتشوفي ابوي ولا يشوفك وضلي ببيت اهلك وصك الجوال

شرايكم بلمشكلة السخيفة والي عاطيها اكبر من حجمها
وعلموني شسوي
الحين انا قلت مابدق عليه ويولي مو كل شي ينتقد ابوه فيني يسويها مشكله وطبعا كلمت ام زوجي وقلت لها يرضيك الي يصير فيني بسبب ابوي(ابو زوجي)وهي لانها ذايقة المر قالت ماعليه احل لك الموضوع واكلمهم قلت لها لا تبيني لهم ان انا متكلمة قال لا تخافي

طبعا والله يابنات انو ابو زوجي انسان معقد ان مالقى احد يتهاوش معاه في اليوم يتهاوش مع نفسه يتهاوش مع ام زوجي واولاده وبناته ويحرجهم قدام الناس الفاظة وسخه ما ينادي الا ياحمارة وياكلبه و......

ومن بداية زواجنا وهو مايعجبة شي فيني مع اني من عائلة الكل يشهد لها وابوي من اعلام الرجال بمدينتنا والكل يتمنى يناسبنا واخلاقنا الكل يشهد عليها >مو تفاخر بس هاذا اسلوب ابو زوجي


بالله عليكم ادعو لي يفرج همي وعلموني شسوي