تجربتي مع آلنيباليات

السلام عليكم ورحمة الله وبركاته بدون مقدمات بدخل بالموضوع. بالطبع كلكم عارفين أزمة الشغالات ومنع الاستقدام.
من أندونسيا وسيرلنكا والفلبين ومشاكلهم وأنا ضد الاستقدام. من أندونسيا ماعلينا. مابي اطلع عن الموضوع الأساسي وهو تجربتي مع الشغالة آلنيبالية وطرحت هالموضوع لأني إشوف أغلب الأخوات يسألون عنهن فحبيت اطرح تجربتي واي وحدة عندها. ت. تجربه معهن تطرحها حتى نأخذ فكرة وبالنهاية اصابع اليد موسوى لكن الطبع يغلب على. الأغلبية للأسف الشديد تجربتي فااااااشلة. استقدمتها بأحدى عشر ألف وخمس مية وبدل ماارتاح تعبت طلعت عجازة وتستغفلني. باقي أسبوع وتكمل ثلاث شهور وأنا مازلت وراها وراها.
ارسلها تسوي شغلة ألقاها جالسة ! اطلب منها تنظف. بمطهر. تكب المطهر وتكمل تنظيف بالماء فقط ! اطلب تغسل الملابس تقعد بالساعات أجيها نائمه على الغسالة. ! و المواعين ماتنظفها بالصابون الكنس أي كلام مآتشيل السلة مثلا وتكنس اللي تحتها ! الطبخ ماعلمتها لأنها.
وسسسسسخه بنفسها وعليها حركات قذرة بطيئة جدا. .أحسها تتعمد وتمسيح. الطاولات أنسو إلا بأمر.
وتتضيع الوقت مآتشبع نوم أبدا أكوووله بشكل مقلق حتى. تنظيفها أي كلام إلا إذا. أنا واقفه عند رأسها وصعب أوقف. عندي استلزامات ووظيفة وأطفال للأسف جبتها تريحني لكنها جابت لي الهم وحرق الأعصاب وناوية أقلعها بعد رمضان لأن نفسيتي تعبت وجابت لي الهلاوس بسبب أنها تغني وتنكر هالشي وإذا مسكتها متلبسة وهاوشتها. تكرر تكرر ماتتوب والرجال مآتستحي منهم إلا إذا شافتني تخاف. وأول ماجاني تترفع ثوبها وعقاب. لها لبستها سروال طويل واشتريت لها لبس الخدم . أكولة درجة أولى انتظر تجاربكم وان شاء الله تكون أفضل من تجربتي وياحياكم الله وعذرا أكتب من جوال