السلام عليكم

كيفكم يا حريييييييييم ويا بناااااااات حواء

اول مرة كل سنه وانتو طيبين
والله يكتبلنا صيامه وقيامة
ويبلغنا رمضان واحنا بصحه وعافيه يارب


طبعا شربه الحب عندنا في الحجاز شي اسااااسي مع افطور

لكن كل بيت لهم طريقه فيها

انا امي كانت تنقع الحب من الليل
وتاني يوم تغسل لحمه الشربه
وتحطها بقدر الضغط
وتغطيها مويه وعلى النار بس ما تسكر الغطاء
الا بعد ما تشيل الريم
وتحط الحب مع اللحم والملح صفايه البهارات
كل البهارات فيها عدله مو مطحونه
( فلفل اسود وقرنفل وقرفه وشيبه وكمون وهيل وكزبرة ناشفه )
وتغطي القدر نص ساعه او زياده خمس او10 دقايق

وبعدين تخلي اللحم على طرف
ومعاه كميه من الحب المطبوخ
وبخلاط العصير ( الخلاط الكاس ) تحط كميه من الحب ومن المرق وتخلط
وتصفي لين تخلط كل الكميه الا عندها وتصفيها
ترجعها على اللحم وشويه الحب اللي شالتهم وتصب عليهم
لبن شرب وعلى النار تخليها نص ساعه تقريبا

وينفع لبن الزبادي بدل الشرب بس ينخلط مع الشربه في الخلاط


والله اتعودت على شربه اهلي ومرررررررررة تعبت بعد زواجي

زوجي يبغا زي طريقت اهله وانا ابغاها زي طريقه اهلي
خخخخخخخخخخخخخخخ

اهل زوجي يسووها باللبن بس مو مطحونه الحب بكبارة
وكمان عليها هرد تجي صفراء






يالله كل وحده تقول عاداتهم بشربه الحب
وخلينا نجرب
17-08-1432 هـ, 03:51 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا نفس طريقة امك الله يحفظلك هيا بس احنا نحط طماطم وفي الاخير ندق ثوم وفصين هيل ونضيفه للشوربه ونتركها تغلي 10 دقائق وبس
17-08-1432 هـ, 03:55 صباحاً
 
هلابك اختي مدمنة زنجبيل

حلووووووووو اخيرا لقيت احد زينا خخخخخخخخخخخخ

اهل زوجي يقولو شربتكم غريبه خخخخخخخخخ

اسعدني مرورك وبجرب احط عليها طماطم الواحد ينوع
مشكورة ياعسل
17-08-1432 هـ, 03:59 صباحاً
 
نفس طريقه امى الله يحفضها وحتى انا نفس طريقه اهل زوجى يحطون لبن وعلى كباره الحب بس امي تحط بندوره ولا تكثر البهارات العدله لاني احبها بطريقه امممممى وبس
17-08-1432 هـ, 04:05 صباحاً
 
ههههههههههههه
كلنا بطريقه امي وبس
حتى زوجي معلق على الكلمممممممممة خخخخخخ
17-08-1432 هـ, 04:07 صباحاً
 


الساعة الآن 07:33 .