اذا انتي تاخذينها من عند اهلك فالعلة منك مو من القهوة القهوةلازم تطول على النار اذا شفتيها فارت قصري على النار مرة وخلي القهوة تطبخ لمدة مابين ربع الى ثلث ساعة واذا انتهت المدة زليها في دلة القهوة او الترمس اللي تحطينه فيه مع هيل او محوج وجربي ماتخسري احسن انواع القهوة هو بن هرري رقم واحد لااحد يلعب عليكم وادعي لي بصلاح عيالي
18-08-1432 هـ, 08:41 مساءً
 
يمكن حمست القهوه ماهي زينه

احمسي القهوه بنفسك بالبيت لا تودينها عند الحماس

حطي القهوه بعد ماتنظفينها من الحصى والحب الخربان

حطيها في صااااااج كبير وحطي عليها شويت عويدي وهيل

ثم شغلي الفرن من تحت بس وخفظي عليها اخر شي

وخليها بالفرن تاخذ ثلاث ساعات مرات ومرات اربع ساعات بالفرن على حسب كمية القهوه الي تحمسينها
وكل نص ساعه حركيها

واذا خلصت حطيها بالصحن حق الغداااااا وخليها تبرد واذا بردت شيليها او وديها عند الطحان يطحنها

واذا جيتي تسوينها خليها تغلي ربع ساعه او نص ساعه حلاة القهوه بغليانها

وحطي ملعقه صغير هيل بالزمزميه ونص ملعقه صغير عويدي

وملعقه صغيره من خلطة القصيم هالخلطه رهييييييييييييبه

كلن على حسب رغبته بكمية الهيل

بس سر القهوه حمستها اضبطي الحمسه اول شي ولاتودينها عند الحماس احمسيها بنفسك
18-08-1432 هـ, 08:48 مساءً
 
يمكن ماتخلينها تطبخ كتير
18-08-1432 هـ, 09:06 مساءً
 
والله انا قهوتي ماشاءلله مره عاجبه زوجي والطريقه اسوي القهوه عادي ااخلي المويه تغلي بعدين احط البن وخلي ريحتها بالعماره كلها. ههههههه يعني تطول والسر هينا الهيل احطه بثلاجه وطبعاًاكون طاحنه معا قرنفل وبس والله شوقتيني لها بروح اسويها خخخخخخ 
18-08-1432 هـ, 09:27 مساءً
 
اقتباس مشاركة  (فلونه2009)
شوفي ياطويلة العمر تصليح القهوه امر سهللللللللل بس اهم شي الطريقه اشتريلك قهوه الخير بن هرري افضل قهوه واحمسيها انتي بنفسك لاتحرقينها ولاتخلينها فاتحه مره يعني خلي لونها وسط (اشتري حماسه خاصه بالقهوه موجوده بالسوق)
وخليها تبرد شوي بعدين اطحنيها بكذا خلصنا من القهوه باقي الطريقه جيبي المفوح وحطي نصه ماء وتقريبا فنجان الى فنجان ونص وخليها تطبخ 5 دقايق الى عشر دقايق وجيبي ترمس القهوه وحطي ملعقة هيل وشوي مبيض كوفي ميت والمنكهات عاد اللي تحبين مسمار زنجبيل زعفران كلن وحسب رغبته وصبيها بالترمس وبكذا تكوووووون جاهزه وبالف عافيه

ونصيحه اذا تبينها تضبط لاتشرين القهوه الجاهزه ولا الهيل الجاهز انتي اشتريهم واطحنيهم بنفسك وترى الوضع سهههههههههل واي خدمه انا حاضره



ماشاءلله عليك هاذى طريقه صح نفس طريقتى
18-08-1432 هـ, 09:38 مساءً
 


الساعة الآن 06:47 .