Analysis Services
  • «
  • <
  • 1
  • 2
  • 3
  • 4
  • >
  • »
والله انا انام بعد الفجر واقوم على اذن الظهر وبعدها اقراء قرآن ساعه او ساعه ونص وبعدين اروح المطبخ اشوف وش اسوي فطور وارجع على التلفزيون اشوف فتاوي مره استفيد منها في رمضان وبعد العصر المطبخ وبعد المغرب انام شوي احيانا مو دايم واصلي العشاء والتراويح وانظف اي شي عندي في البيت وراجع اقراء قرآن لين الساعه 12 وارجع اشوف مسابقات ثقافيه تعجبني في رمضان واجلس ساعه عالنت اشوف عالم حواء ههههه واسوي السحور وبس سلامتك صح مقصره بس ان شاء السنه هذي احاول اكثر من ناحية الطاعات ويارب بلغنا وياك رمضان صيامه وقيامه
20-08-1432 هـ, 08:30 صباحاً
 
يارب مايجي رمضان الا يتعدل نومي ونومكم
انا شغلي كله بالليل برمضان يعني لف سمبوسه وازين صلصة البيتزا وحشوات الفطاير والحلا حتى العصائر ازينها بالسحور وادخلها الثلاجه
واذا قمت الظهر اصلي واعجن عجينتي
اقرا ماتيسر من القران وانام للعصر اقوم اصلي اسوي حبتين فطايروحبتين بيتزا والباقي خلية نحل
والشوربه اكون حاطتها على نار هادئه من صلاة العصر
واذا قمت مكسله الله يخليلنا البف باستري
كان الله في عوننا اخواتي وكتب لنا الاجر
20-08-1432 هـ, 09:05 صباحاً
 
الصباح الوردي زهاا الروح
عنجد حلوو نظامكم ماشاء الله لا قوة الا بالله
ي رب اسير مثلكم ي رب
نومي ثقيل عمااا
20-08-1432 هـ, 09:08 صباحاً
 
ربي يكون في عونا انا العام كنت اسوي حشوة سمبوسه بااليل والحلا والعصير ومرات الفطاير انام بعد الفجر واصحى 2 الظهر واسوي الشوربه واقراء قران لين العصر على الساعه خمسه ونص ابداسوي القهوه والشاي واحط السفر5 واجهز الفناجيل والكسات والاكوب طبعا بس انا وزوجي وبعد الفطور اقراء قران واتمددعلى السرير ربع ساعه بعدها نتقهوى اما السنه هذي انا حامل واكون باالسابع فا قررت اشري وافرزن واسوي سمبوسه وافرزن لان وربي تعب ومع اجواء الدمام اهههههه بس ري يعين ادعيلي
20-08-1432 هـ, 10:15 صباحاً
 
يختي فليها وعلى ربك خليها
انصدمت من موضوعك .. حتى لو أحد رد مو حلو حطي في بالك دليت >> حذف
والمشرفات مايقصرون


بالنسبه للدوام قصدي النظام >> مالقيتي إلا أنا هههههههه
نصحي الساعه 2 الظهر
ونخوش المطبخ >> أجل وين
نكون مطلعين لحمة الشوربه نجهز أغراضها >> يمكن شوربه من دون لحمه ^^
ونسويها نسوي كميه كبيره تكفينا يومين .. وبعدين الشوربه مايضرها لو تسوت بدري
ونعجن اللقيمات >> لقيمات أمي تتخمر ساعتين >> مدري وش زودها
ونعجن فطاير ..ونطلع السمبوسه من الثلاجه
بعدين نصلي العصر
نرجع المطبخ .. وطراخ طريخ ..
نكمل الفطاير أو البيتزا .. ع فكره آخرة رمضان مانعجن .. نجيب هذي الفطاير الجاهزة اللي مو محشيه زي دوائر هرفي .. وزي المفرود الصغير وزي التوتيلا ونبدع بالحشوات
ناخذ راحه لين قبل المغرب بنص ساعه .. نقلي السمبوسه .. ( نحمصها في شوي زيت أو في الفرن )
ونقلي اللقيمات ( اللقيمات مو كل يوم .. بس تقريباً السمبوسه يومياً )
وعلى الأذان .. يصير الفطور
لقيمات أو أصابع العروس مثلاُ .. سمبوسه .. فطاير مشكله .. أو منتو .. شوربة .. وعصير ( مانحب نخربط كثير )
بعدها نصلي المغرب
ونطلع نرتب المطبخ وناخذ راحه .. اللي عند التلفزيون واللي يتجهز للتروايح واللي نايم
على الساعه عشرة نجيب شاهي وباقي الفطور
وبعد مانخلص
اللي يبي يطلع واللي يبي ينام واللي يبي يقرا قرآن

الساعه 12 لين الوحده تقريباً عند التلفزيون ونلف سمبوسه ونجهز لفطور بكرا بإذن الله

قبل الفجر بساعين نسوي السحور .. في الغالب كبسه
واللي يبي خفايف بسوي لنفسه
ونغسل المواعين
ونقعد سهرانين لين ثمينه الصبح .. حتى نصحي اللي بيروح للدوام
وبس على فراشنا لين الظهر من بكرا




وبس ياحلو .. سهليها تسهل .. عقديها تتعقد .. ولو مالقيتيها سهله أجيك بالبلوتوث ألف أنا وأنتي سمبوسا ههههههههه


اكتشفت إن الحرص على التلفزيون هو سبب الخراب الأول ..
شهر رمضان شهر عباده .. لو ماصليتي تروايح وقيام .. لاتخربينه بالمسلسلات اللي كلها موسيقى
وربي ماعرف وش يقولون من كثر الخلفيات الموسيقيه
الله يهدينا ويهديهم
20-08-1432 هـ, 10:27 صباحاً
 


الساعة الآن 12:43 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏