السلام عليكم بلييز تكفون ابي طريقة الفلافل بس ابيها سهله وحلوه مثل حقت المطاعم وابي من خواتي السعوديااات طريقة الكبسه السعوووديه وربي يجزاكم خير زوجي ميت عليها وانا ماعرف اضبطهااا الله يخليكم قولولي سرهاااااا {{{ اللهم ارحم ابوي واغفرله وافسح له ضيق المضاجع واغفر له مااغترفا من الذنوووبي والقبائح,,,,, اللهم لاتذرني فردا وانت خير الوارثين}}}

سر الكبسه السعوديه هي البهارات العدله مثل الليمون الاسود والدارسين والقرنفل والهيل
مو شرط تحطينها كلها اختاري نوعين تكفي ولا تكثرين على شوي
وحطي مع مويه الكبسه ملعقه مويه الكادي
وللرز الابيض حطي مع مويه الرز جبنه وحده مثلث بعدين كبي الرز
وبس
[color="Purple"]اللهم لك الحمد على نعمك علي [/COLOR
أنا هنديه ينفع ههههههههههههه
>> أمزح لاتصدقين



الكبسة السعوديه الأصيله
احمسي بصل مع شوية زيت وحطي اللحم أو الدجاج وقلي لحد مايفتح لونه
بعدين حطي قطع طماطم وقلبي
حطي بهارات عدله .. دارسين ولومي ( اعملي فيه فتحات تقريباً فتحتين)
وملح وخليه يطبخ لين يستوي
بعدين طلعي اللحمه أو الدجاجه وحطيها بصينية الفرن
والرز غسليه ونقعيه تقريباً ربع ساعه
بعدين حطيه على المرق مع بهار عدل ( قرنفل / هيل / اللومي الأسودي اللي طبختيه / فلفل حار / عصرة ليمون / قرفة / ملح )
وخليه يطبخ لما تطلع فقاعات وتبدي تشوفي سطح الرز قصري عليه جداً لحد ماتنشف مويته
وحطي على الوجه كشنه ..
عباره عن بصل محموس مع بهارات وفلفل أسود بس لاتتركيه يذبل .. بس تشويحه بسطيه ثم حطيه على الرز خليه يموت معاه

وفي هالوقت تكوني خذتي شويه من مرقة الدجاج مو شوية كركم وشوية صلصله وشوية بهار وشوية زيت وشوية ليمون خلطيهم وادهني بهم الدجاجه وحمريها من فوق


وانتسبيه >> هذي اثبات إني سعوديه ^^
" ربي لا تذرني فرداً وأنت خير الوارثين "

انا عندي لك طريقة كبسة لذيذه متخرش الميه على قولت خواتنا المصريات

وكبستي سعوديه اصليه لونها

زي هالصوره



واسمها مضغوط والمضغوط اي رجال سعودي يموت فيه

من دون تحمير الدجاج
(( القدر استخدمي قدر الضغط ))
المقادير
اول خطوه قبل الطبخ
رز على حسب الحاجه ويفضل الهندي البسمتي
مثل الوليمة ابو كاس مثلا انتي وزوجك كاسين رز
اغسلي الرز وانقعيه في مويه دافيه من قبل طبخ الدجاج

دجاجه منظفه وجاهزه للطبخ بالجلد طبعا
2 بصله متوسطه مكعبات
2 طماطم مكعبات
4 فص ثوم مو رأس لا فصوص .. مهروس
2 جزر دوائر
1 فلفل رومي مكعبات
2 قرن فلفل حار لا تقطعينه

2 باكت مكعب من ماجي
يعني يطلع 4 مكعبات صغيره
نص معجون الطماطم

البهارات المطحونه
( ملعقة اكل كمون ـ ملعقة اكل فلفل اسود ـ ملعقتين اكل كزبرة ناشفة مطحونه )

البهارات الصحيحه ( غير مطحونه )
( 7 حبات هيل ـ 7 حبات مسمار او عويدي ـ 3 اعواد قرفة او دارسين ـ 3 حبات ليمون اسود ناشف
ومثقوب بالسكين ـ ورق غار 3 ورقات ـ زنجبيل )

الطريقه

على النار ضعي قدر الضغط واتركيه حتى يسخن
صبي مقدار بيالة الشاي الخليجيه مو كوب الشاي لا بيالة
من الزيت النباتي
ضعي البصل وحركيه قليلا
وبعدين الفلفل الرومي والحار
والجزر والطماطم
والماجي والبهارات المطحونه والصحيحه
ومعجون الطمطم
ونص كاس ماء
وقلبي المكونات حتى تتجانس
وضعي الدجاج
واعملي فيه ثقوب بالسكينه
وقلبيه مع المكونات بدون وضع الماء
وقلبيه حتى يتجانس الدجاج والخلطه الثقيله
بعدين صبي ماء حار حتى يتغطي الدجاج فقط
انتبهي لا تكثرين الماء حتى لا ينزع النكهه
ضعي الملح وسكري الغطاء وخليها 20 دقيقه فقط
افتحي عليه وشيلي الدجاج في حافظه او صينيه او قدر اخر
وغطيه
صفي المرق اللي فالقدر علشان يصير الرز صافي
وبعدين ضعي الرز فالقدر وصبي المرقه عليه
اذا احتاج زيادة ماء زيدي بس ماء حار
المرق يكون فوق الرز مباشره بمقدار 2 سم بس
وغطي عليه كويس
وخليه على نار صغيره جدا
واتركيه 15 دقيقه

وقت التحضير في صحن
ضعي الرز
وفوقه الدجاج
وليمون على الجوانب
وانصحك بسلطه الزبادي بالخيار
مع الكبسه

وهذي هي الكبسه السعوديه الاصليه الحمراء اللي يموتون فيها
الرجال وانا اسويها من زمان بهذي الطريقه والكل تعجبه
لا اله الا الله عليه توكلت وهو رب العرش العظيم استغفر الله واتوب اليه سبحانك الله والحمدلله والله اكبر
ياسلام عليكم ياحلوات كفيتو ووفيتوو


الساعة الآن 05:35 .