كوردن بلو
المقادير

نص كيلو صدور فراخ مخلية ( او حسب العدد المطلوب)
كوب و نص دقيق _ 2 معلقة كبيرة نشا (كورن فلاور )
كوب و نص بقسماط _2 بيضة مضروبة بالشوكة
ملح _ فلفل _شرائح جبنة شيدر او جبنة موزاريلا
زيت للتحمير _ زيتون اسود او اخضر
الطريقة

تفتح صدور الدجاج بالطول بالسكينة بس ما تفصليهاش عن بعض يعنى تبقى ممسوكة من جنب واحد
تفرد و توضع بين قطعتين من ورق البلاستك و تدق بالمدق بتاع البوفتيك حتى تصبح رفيعة.
تتبل بالملح و الفلفل. تفرد كل شريحة دجاج على طبق مسطح. نضع شريحة جبن على نصف شريحة الدجاج ثم زيتون اسود ثم شريحة جبن أخرى.
يقفل نصف شريحة الدجاج الآخر فوقهم يعنى كانك حشينى سندويتش و يضغط عليه عشان نتاكد انه اتقفل كويس
. تكررنفس العملية مع باقي شرائح الدجاج.
يوضع البيض المخفوق فى طبق. و نخلط الدقيق و النشا فى طبق لوحدهم و يوضع البقسماط فى طبق أخر. تمزج كل شريحة دجاج بالدقيق مع الضغط باليد لتلصق جيدا. ثم نضعه فى البيض المخفوق ثم فى البقسماط مع الضغط جيدا باليد. رصى بقى الدجاج بعد ما خلص و حطية حوالى نص ساعة فى الثلاجة .
يسخن الزيت فى مقلاية كبيرة ثم يحمر الدجاج (الكوردون بلو) على الجانبين حتى يصبح ذهبى اللون. و بالهنا و الشفا

ملحوظة ليكى حرية الاختيار فى الحشو يعنى ممكن شريحة سلامى مع الجبنة و الزيتون وممكن بصل و فلفل رومى مع الجبنة و ممكن شرائح سوسبس
28-04-1426 هـ, 01:16 مساءً
 
الله يخليكى يادون على ذوقك وسرعه استجابتك
28-04-1426 هـ, 01:31 مساءً
 
ربنا يديكى الصحة يا دوندن
والله بدعيلك ، والنهارده الصبح زوجى قالى انا عايز بسبوسة النهارده
شوفتى بقى بسبوستك جميلة ازاى
مجهود كبير ، بس انتى قدها ان شاء الله
28-04-1426 هـ, 01:53 مساءً
 
شيرين بالعكس انا حسة انى اتاخرت عليكى بس و الله عشان الكمبيوتر فقط المهم اعملى صينية العجة وان شا الله حتعجبك و من غير بيكنج بودر . جربى
بالنسبه لكفتة الارز انا لم اعلق لانى بعملها بنفس طريقة نانى مفيش غير انى بزود الثوم شوية لكن المقدار ميه ميه وعلى فكرة يا شيرين مقدار الارز اللى انتى كتباة انا شايفة انه كتير كدة الكفتة تنفش قوى و تفتح منك فى التحمير عموما بدام انتى مجرباها خلاص بالهنا و الشفا
عواطف الف هنا و شفا حاولى جربى لهم حاجة تانية يمكن يمكن تعجبهم
28-04-1426 هـ, 02:15 مساءً
 
والله يا دون انتى كلك ذوق يا حبيبتى

نسيت اسالك جوزى على حكايه الكمبيوتر لانه مدرس ومهندس كمبيوتر 00هساله واقولك باذن الله

وبالنسبه لطريقه الكفته لا هى مش بتفتح ولا حاجه ماما بتظبط معيارها تمام

هى الكميه بتعملها كبيره شويه لاننا بنمووووت فى الكبابى

والسنه اللى فاتت عزمتنى عليها هى والممبار والبرام والمكرونه بالبشاميل والمحشى والريش
بصراحه بيخرب الرجيم لما بنزل مصر
لان حماتى كمان بتهرينا بط وفته ملوخيه 00
ويلا احنا معاكى فى كل اللى بتكتبيه

الاكل المصرى الاصيل اللى لايعلى عليه
28-04-1426 هـ, 04:34 مساءً
 


الساعة الآن 04:30 .