الأيام دي المشمش موجود بكثره والحمد لله
وفيه عدة طرق لتجفيفه وحفظه
التجفيف بالسكر المعقود
- 2 كيلو مشمش جامد
- كيلو ونص سكر
- نص ملعقه صغيره ملح ليمون
أثقب كل حبة مشمش بدبوس شعر 5 ثقوب
أغلي نصف كيلو سكر مع كوب ماء حتي يعقد معي ..
أسقط المشمش بالتدريج ( يعني 5 أو 6 حبات مشمش في المره ) وأقلبه بشويش حتي يطري ويكون لونه علي دهبي .. ولو حطيت عدد كبير من المشمش ممكن مايحافظش علي شكله
أرفعه وأضعه في طبق مفرود .. حتي أنتهي من كل المقدار.. وأتركه يبرد .. وأنزع النواة من المشمش بدبوس شعر
أضيف باقي السكر ( كيلو ) إلي الشربات علي النار وملح الليمون واتركه يعقد
أعيد المشمش مرة أخري الي السكر .. وأغليه أربع أو خمس غليات حتي يمتص المشمش الشربات ..
أضعه في صواني .. مع شرباته في الهواء لمدة 5 أيام ألي 7 أيام مع تقليب المشمش كل يوم
عندما يجمد الشربات علي المشمش يكون جاهزا للحفظ في برطمانات لوقت الحاجه إليه
ممكن تقديمه بهذا الشكل أو دهانه بالجيلاتين
ممكن تنشيفه في فرن دافئ جدا .. بدلا من الهواء والشمس .. يعني ممكن نولع الفرن ونطفيه كذا مره لغاية المشمش ما ينشف السكر عليه..
المشمش الجاهز له طريقه مختلفه تماما لأنهم لازم يشبعوه بغازثاني أكسيد الكبريت لمنع تأكسد المشمش حتي يحافظ علي لونه وما يسودش .. والإمكانيات صعبه في البيت بالتأكيد
01-05-1426 هـ, 02:05 صباحاً
 
برضة يا نانى عايزين البورجر و تسلم ايديكى
01-05-1426 هـ, 02:22 صباحاً
 
البرجر (burger)
1 كيلو لحمه مفرومه
1 كوب فول صويا منقوع 3 ساعات
2 بصله كبيره مبشوره
ملعقه كبيره توم مفروم
4 ملاعق كبيره نشا
ملح - فلفل أسود - بهار
ملعقه كبيره سماق (اختياري)
اول حاجه نجيب طبق غويط نحط فيه اللحمه المفرومه وبعدها نفرم التوم والبصل في الكبه ونتبلهم بالملح والفلفل والبهار ونخليهم ناعمين خالص ونحطهم علي اللحمه
ونخلط بالكبه فول الصويا بعد ما يكون منقوع في ميه حوالي 3 ساعات وعاصرينه كويس قوي .. ونضيفه علي اللحمه ..ونعجن ونعجن.. ونضبط العجينه بإستعمال النشا حيت تتكون لدينا عجينه متماسكه
نقسم العجينه لكور .. نضعها بين كيسين نايلون ونضغط عليها إما بطبق صغير أو بغطاء علبه
نشوي قطع البيرحر في مقلايه تيفال وعلي نار هاديه
يوجد في محلات الأدوات المنزليه قالب لتشكيل البرجر
لحفظ البرجر في الفريزر يجب وضع بلاستيك بين القطع
01-05-1426 هـ, 03:28 صباحاً
 
أها don البدنجان لأ الباذنجان إللي إنت عاملاه طبعا جميل .. بأعمله بطريقتك.. لكن أوقات بحب أقليه مش أسلقه .... وممكن كمان بأقلي البدنجان الكبير وهو سليم زي ما هوه وبقشرته وأشرحه وأحشيه بطريقتك ..ليه طعم خطير .. يا ريت تجربيه
01-05-1426 هـ, 03:47 صباحاً
 
البصارة

المقادير
نص كيلو فول مدشوش
3 حزمة بقدونس_ حزمة كسبرة خضراء
1 بصلة كبيرة او بصلتين متوسطين
1 رأس ثوم
ملح، فلفل أسود
كمون، نعناع ناشف

للتقلية :

ثوم، كسبرة ناشفة ، عصير ليمونتين ،زيت

الطريقة
نغسل الخضرة كويس و نخرطها بالسكينة
نسلق الفول والبقدونس والكزبرة مع البصل والثوم مع بعض فى ماء حتى يستوي تماماً ويتهري. وممكن تسوى فى حلة الضغط ( البرستو )
وممكن لو عازت ماء نضيف لها
نستنى لما تبرد شوية و
نضربها فى الخلاط ونرجعها على النار تانى .
نحط لها بقى الملح والفلفل الأسود والكمون والنعناع ونسيبها لحد ماتغلى
نكون عملنا التقلية
نضع الزيت على النار حوالى 3 معالق ثم اضع الثوم المهروس لحد ما يصفر ثم اضع الكزبرة الناعمة الناشفة. بعد ماتجهز خدى منها شوية و حطيها فى البصارة قبل ما تغرفيها فى الاطباق مع تقليبة ثم اضع عصير ليمونة كبيرة او ليمونتين و اطفى النار على طول .
بعد مانغرف البصارة فى الاطباق نضع باقى مقدار التقلية على وش الاطباق طبق وبالهناء والشفاء،
01-05-1426 هـ, 04:04 صباحاً
 


الساعة الآن 06:43 .