صباح الخيير يا دندون

منورة موضوعك حبيبتى...

ربنا يجزيكى خيييييير

بقولك اية يا دندون
ما تعرفيش حاجة عن البطاطس اللى بالباشامل اللى بتتعمل زى المكرونى اللى بالباشامل..؟؟؟

واكون شاااااااكرة
01-05-1426 هـ, 01:08 مساءً
 
صوا عندي حاجة بالنسبة للمكرونة اللي بالبشاميل ساعات ماما بتعملها بالكبد بتاعة الفراخ المعصجة والله بتبقي رائعة وكل اللي ياكلها يطلبها منها ولو مرة عملتها ياعيني والخبر انتشر مبنلقييش مكان لا في بيتنا ولا في الصينية
01-05-1426 هـ, 01:28 مساءً
 
أهلا هبه .. مرسيه يا حبيبتي وربنا يكرمك
البصاره بطريقة don حلوه قوي .. لكن أنا بأعملها بملوخيه ناشفه . زي مامتك
وطريقتي بأسلق نص كيلو فول مدشوش بس بعد ما أكون ناقعاه حوالي ساعتين عشان يتسلق بسرعه .. وبعد كدة بأعمل له دقه بملعقه كبيره ثوم مع ملعقه كبيره كمون وشوية شطه وده في الكبه وأحط ملح بعد الفول ما يستوي .. وأحط ملوخيه ناشفه وتكون ناعمه .. حوالي أقل من كوب .. أرش وأقلب لغاية ما تعطيني لون حلو للبصاره.. وبعدها بأعمل تقليه ببصله كبيره مبشوره أو مقطعه جوانح مع أقل من نص كوب زيت ذره .. ولما البصله تتحمر بني غامق .. أحط الزيت علي البصاره وأحتفظ بالبصل لتجميل وجه الطبق
يبقي كده البصاره خلصت بس لسه عاوزه تتصفي ..
أستني عليها لما تبرد وأخلطها في الخلاط وأصفيها بمصفاه سلك.. وأرجع أغليها غلوه عشان أضبط القوام بتاعها .. لوكان تقيل أزيد ميه ولو خفيف أغليها شويه .. وأضبط الملح كمان
أفرغها في أطباق وأرش علي الوجه البصل المحمر وبقدونس وممكن صنوبر محمر ..
زي ما قلت قبل كده كل بلد في مصر لها طريقه أكل خاصة بها ..
حتي الأخوات طعم أكلهم يختلف .. يا للا كل واحده تعمل بطريقتها ..
01-05-1426 هـ, 02:38 مساءً
 
عندي طريقة جديدة للبطاطس المحمرة بعملها دايما لما حب اغير و هي عبارة عن اني بجيب البطاطس اقشرها و اسلقها بس مش لحد ما تتهري علشان اعرف اقطعها و بعدين اقطعها حلقات متوسطة السمك و احطها في بيض و بقسماط و بعدين احمرها بتكون حلوة قوي بعدين ممكن تحطلها البهار اللي انتي عايزاه حسب الذوق
01-05-1426 هـ, 03:36 مساءً
 
والله يا بنات انتم عملين مجهود كبير ومميز
ربنا يسعدكم دنيا واخرة
01-05-1426 هـ, 03:38 مساءً
 


الساعة الآن 12:03 .