حبيبتي أم العلاء
شايفاكي طالبه من دون وصفة الكفته والكباب المشويين تبع الحاتي
إيه رأيك أقول لك أنا طريقتي
شوفي بقي يا أم العلاء علشان تعملي الكباب وتضمنيه حلووطري ده راجع لنوع اللحمه والتتبيله وطريقة الشوي أو التسويه
بالنسبه للحمه لو ضاني أو شمبري بأحب أسلقها نص ساق وبعدين أشيلها من الشوربه وأتبلها وأشويها علي الفحم .. ولو بتلو لباني أتبلها وأشويها علي طول
تتبيلة الشوي ( أفضل التتبيل قبل الشوي بوقت كافي أقله 6 ساعات )
بصل جوانح أو ترنشات - فلفل أسود - بهار - شوية خل صغيرين - قطع من الليه
الملح أفضل وضعه بعد الشوي
كل دول أدعكهم كويس وأضعهم علي اللحمه وأسيبها للتتبيل
وقت الشوي تتشك في أسياخ ده لو كان الشوي علي الفحم مباشرة ومعها قطع من الليه
أما لو كان الشوي علي الشوايه الغاز أوالكهرباء أوحتي في مقلايه علي البوتاجاز أعطي ريحة شوي الحاتي بتوليع فحمه أو أكتر وبعد شوي اللحمه أضعها قي حله وأتبلها بالملح و في وسطها طبق صغير به ملعقة زيت أو سمنه أحط فيها الفحم وهو والع وأقفل علي طول بإحكام .. دخانها سيعطيني ريحة الحاتي .. وبالهنا
عمل الكفته
1 كيلو لحم مفروم وعليه حوالي 100 جرام ليه وممكن أكتر شويه
2 بصله كبيره مفرومه ناعم
ملعقة كبيره ثوم مفروم ناعم
ملح - فلفل أسود - بهار
1 كوب بقدونس مفروم
كوب بقسماط ناعم
أخلط جميع المكونات وأعيد فرمها مع بعضها
اشكلها في الأسياخ أوبشكل أصابع مجوفه من الداخل بتشكيلها علي يد ملعقه خشبيه
وأعمل نفس طريقة اللحمه وقت الشي
02-05-1426 هـ, 03:01 مساءً
 
ربنا يخليكي يا دون ومرسي علي الوصفة جيت أعملهالوا سافر تاني ادعولي يارب الاقيه علشان اعمله اي أكله

يوم السبت ***** الله هجبلكوا برضه وصفة من مامتي حبيبتي حلوة جدا"
02-05-1426 هـ, 04:10 مساءً
 
الله لا يحرمني منكي حبيبتي ناني
أن شاء الله عم باجربها وتكون اللي بدي إياها
تسلمي و تسلم يداتك
02-05-1426 هـ, 11:04 مساءً
 
تسلم ايدك بس انت سبتى المبتدءات و دخلتى على المحترفات
03-05-1426 هـ, 12:40 صباحاً
 
اخيرا شوفناكى يا waswosa ماهو الملف ماشاءالله كبر فالظاهر ان المبتدآت اتعلموا فبدئوا يطلبوا الحاجات الاكبر و دلوقتى بقينا بنشتغل بالطلب لكن انتى يا ستى متمكنة
03-05-1426 هـ, 01:09 صباحاً
 


الساعة الآن 10:32 .