عندي اقتراح
طمع بقي اذا عشقت اعشق قمر واذا استغلييت استغل Don
ممكن مثلا ايه الأكله اللي ممكن نجهزها (وازاي هاااه للتوضيح) من قبلها ونحطها في التلاجه

استغلال علي اصوله بس انا عارفة اد علاوتك عندي اد ما انا عالية عندي
مش عاملة الصفحة دي علشاني ادلع بقي ..حقي ولا افرط فيهشي

ربنا يباركلك في اولادك وبنوتك تبقي عروسة زي القمر يارب
10-04-1426 هـ, 02:50 مساءً
 
صباح الفل عليكم كلك م والله اخجلتم تواضعنا الف بوسة لكل واحدة لوحدها احنا زى ما اتفقنا حستمر فى الاكلات الحلوة و اهم حاجة السريعة لكم فى اول الزواج او للى بتشتغل و عايزة تطبخ بسرعة قبل ما جوزها يرجع اتفقنا؟؟؟؟؟؟؟؟ لكن اللى حتطلب حاجة مخصوص او مثلا خطيبها بيحبها و نفسها تتعلمها عشان خطره برضة حكتبها لها على طول . بصوا انا دلوقتى حكتب المكرونة بالبشاميل بالتفصيل و حكتب صينية سمك خفيفة وسريعة واى طلب و السى فود اسئلى على طول وبعدين حكتب لكم شوية حاجات و افكار تحطيها فى الفريزر عشان تسحبى منها على طول على السوى طريقتى فى البسبوسة ل enna بالرغم ان فيه طريقة زى الفل مكتوبه هنا لكن حاضر عشان ماتقولش انى طنشتها سامعه يا ايناااااا ؟؟؟؟؟؟
هودهودا خليكى معانا واحدة واحدة حتستعيدى نشاطك تانى و تنفسينا كمان
10-04-1426 هـ, 03:57 مساءً
 
( الحمام المحشى ) ( مطلوب)حمام بعدد افراد الاسرة او حسب الرغبة) .
كوب أرز _ أو حسب عدد الحمام
ملعقة صغيرة فلفل أسود
ملعقة صغيرة ملح _ بهارات _ ملعقة كبيرة كمون .
الكبد والقوانص بتاعة الحمام (بعد تقطيعهم لقطع صغيرة)
بصلة كبيرة أو بصلتين متوسطتي الحجم
ورق لورا _ 2 فص حبهان _ 2 فص مستكة _ 2 ملعقة كبيرة سمنة
(سمن و زيت للتحمير )

الطريقة:
- قومي بخلط البصل مع الملح والبهار والكمون والفلفل الأسود
- قومي بإضافة الكبد والقوانص المقطعين إلى الخليط
-اغسلي الأرز
- ضعي الخليط كله على الأرز مع السمنة و اخلطية كويس
- أبدأي بحشو الحمام واحدة واحدة
من الأسفل ومن عند الرقبة فوق (بشرط انك ما تمليش الحمامة بالحشو لأن الأرز يينفش وبيذيد فى الماء اثناء السلق
- اقفلى الحمام المحشي بوضع الرجلين فى الفتحة اللى تحت او خيطية بابرة و فتلة)
- ضعي الحمام في ماءمغلى وبصلة صغيرة وأوراق اللورا و ملح و كمون. مع ملاحظة ان تكون الحلة كبيرة عشان لو الحلة صغيرة على الحمام ممكن رجلين الحمام يقطع الحمام اللى جنبه على النار
-بعد ما يستوى نص سوا بنشيلة من الشوربة و نشوحة فى حلة تانية فيها ملعقة سمنة و الحبهان و المستكة ثم نصب عليهم الشوربه لحد ما الحمام يستوى
-بعد السوى تشيلية بالراحة فى طبق لحد ما يبرد
-ثم تحمرية فى مقلاية بها زيت و سمن
و بالهناء و الشفا
10-04-1426 هـ, 05:35 مساءً
 
-حبدء شوية شوية فى الحاجات اللى تحطيها فى الفريزرتنفعك تطلعى منها وتطبخى على طول اللحوم
بالنسبة للحمة المفرومة ممكن تعصجيها و حقولك ازاى ؟؟ وبعد ماتبرد تعبيها فى اكياس نايلون و تحطيها فى الفريزر ( عشان الصوانى _ المكرونة و الكوسة و المسقعة والخرشوف و البطاطس المحشية......الخ) يعنى الكيس الواحد يعمل صينية واحدة
- أو يتبل بالبصل و الثوم و الخضرة و التوابل و تشكلية زى ما انتى عايزة (مثل الكفتة) اما كور لداوود باشا او صوابع للشوى او صينية او بانية وذلك بعد عمل الكفتة تر صصيها جنب بعض فى طبق فل و تحطى الطبق فى كيس نايلون
-،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
-بانسبة البفتيك و الفراخ البانيه نتبلها و نحطها في أكياس في الفريزر ولما نخرجها اما نضعها على طول فى بيض و بقسماط و نحمرها او نحطها زى ماهيا فى صينية وتبقى صينية لحمة بالبصل او فراخ بالبصل .
-،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
-الفراخ المخلية من العظم ممكن تحشيها مثلا بالخضروات و تلفيها فى ورقة فويل و تحطيها فى الفريزر ولما تخرجيها على السوى على طول .
الحمام

ينظف جيدا و يتبل و يوضع فى طبق فويل فى الفريزر و لما تطلعية تعملية صينية كولبست.
السمــــــــــك

تنظف جيدا و تتبل و توضع في الأكياس ثم توضع في الفريزر حتى الاستعمال تخرجية و تحطية فى الدقيق و تقلية فى الذبت.
-اما السمك البانية مثل( فيلية البلطى او قشر البياض) تتبلية بس و تحطية فى كيس نايلون .ولما يطلع تحطية فى بيض و بقسماط
10-04-1426 هـ, 06:44 مساءً
 
حمام محشى مرة واحدة ده احنا هنبقى 100 مية
10-04-1426 هـ, 06:50 مساءً
 


الساعة الآن 01:18 .