الترماسو ( بطريقة سهلة جدا وحلوة جدا)

1/2 كيلو بسكوت سفويار ( بيتباع فى محلات الحلويات و بعض افران العيش الفينو )

2 علبة قشطة

1 علبة حليب مكثف محلى لان فية مش محلى (بيبقى مكتوب على العلبة )

2 معلقة كبيرة نسكافية (gold ) _ معلقتين سكر

بشر شيكولاتة

الطريقة :

فى حوالى ربع كوب او نص كوب ماء نزوب النسكافية و السكر .

نضع القشطة على الحليب المركز (حتكون زى الكريمة) و نخلطهم مع بعض بالمعلقة .

بالراحة خالص تمسكى بسكوتة بسكوتة و تنزلى عليها بالمعلقة خط او سرسوب خفيف من النسكافية على ضهر كل بسكوتة

و ترصصى البسكوت جنب بعض فى طبق بايركس ثم نضع راقة من خليط الكريمة و القشطة

ثم نكرر نفس الطريقة من البسكوت و نرصصة بنفس الطريقة الاولى

ثم نغطى طبقة البسكوت التانية بطبقة من الكريمة و القشطة

ثم نرش بشر الشيكولاتة ثم نضعها فى الثلاجة لمدة 24 ساعة يعنى يوم كامل و بالهنا و الشفا .

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
05-05-1426 هـ, 08:43 مساءً
 
تسلم الايادى يا احلى دون
اينا
بشكرك على اهتمامك وردك الجميل ربنا يخلى لك عمر وعلى
05-05-1426 هـ, 09:00 مساءً
 
تسلمى يا ام حبيبة . انتى فين يا اينا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ما اعتقدش انك مشغولة فى المطبخ
05-05-1426 هـ, 09:09 مساءً
 
صينية الفراخ بالزبادى

فرخة نظيفة و مغسولة و مفتوحة من الظهر بالسكينة بالطول

ملح ، فلفل ، بهارات ، عصير ليمونة ، 3 فص ثوم مهروس ، معلقة خل ابيض ، 2 زبادى صغير جهينة او اى نوع عندك ( ولوعندك بودرة ثوم ، و بودرة بصل يبقى تمام تحطى ربع معلقة من كل نوع )

معلقة زيت كبيرة

الطريقة :

اضربى الزبادى خفيف بالشوكة و حطى عليه كل المقادير

ضعى كل الخليط على الفرخة و ادعكيها بيهم كويس

ياريت لو تسبيها من بليل عادى فى الثلاجة او ممكن تسيبيها ساعتين بس وممكن تعمليها على طول

( انا كل قصدى انها كل ما ما بتشرب من التتبيلة كل ما بتبقى احلى )

ممكن تشويها على الشواية و ممكن تحطيها فى صينية فى الفرن و بالهنا و الشفا
05-05-1426 هـ, 09:29 مساءً
 


عندي سؤال يا دون بالنسبة للترميسو
كتبتي نضع القشطة على الكريمة
أي كريمة تقصدين
هل تقصدين بالكريمة الحليب المركز أم ماذا
06-05-1426 هـ, 12:34 صباحاً
 


الساعة الآن 09:38 .