بصي يا سندريلا أنا شوفت مرة عند عطار تقريبا" في الازهر السوبي دي عبارة عن مسحوق ز الtang كدا وانتي بتدوبيه مش عارفة بقي في مايه واللا لبن اصلي مش بشربه بس لفت انتباهي انهم عملوه
07-05-1426 هـ, 01:42 مساءً
 
بصى يا موتى
انا واجهتنى المشكلة دى وكنت كل لما اعمل حاجة كان يقول اكل ماما واختى احلى
وكنت مش عارفة اعمل ايه ، قلت ابقى اسألهم وده مش عيب ، بس اكلهم يبعتمد قوى على السمن لانهم من الريف ، فقررت قرار انى اعمل الاكل اللى هما مش بيعرفوا يعملوه
فكنت بتفرج على منى عامر واكلها غريب بالنسبة للريفيين
والحمد لله خرجت نفسى من المنافسة وكسبت ثقته فى الاكل الغريب والجديد
بس حماتى متضايقة لانها شايفة انا ابنها مسكين مش بيأكل اكل كويس
وبعدين قررت ادخل فى الاكل العادى وبصراحة بقيت اسأل اصدقائى وده بجانب الاكلات الغريبة اللى اخذتها من هذا المنتدى الرائع والله هذا المنتدى اتعلمت منه كتير ربنا يبارك فى كل واحدة كتبت وصفة
والحمد لله بس عندى مشكلة ان حماتى مش مبسوطة لانها شايفة انى اكلاتى غريبة وطبعا لما بتشوفنى بتفرج على اى شيف زى اسامه مثلا تقول ايه العك ده
وانا لما لقيت رأيها كده فى اسامه ارتحت شويه لان حسيت ان المشكلة مش فيا بدليل ان اسامه العبقرى مش عاجب
وقلت محدش بيعجب حماته رغم محاولاتى الكثيرة لارضاءها
07-05-1426 هـ, 01:49 مساءً
 

الممبار:-

المقادير:
كيلو ممبار- 3 بصلات- شبت مقطع صغير – بقدونس مقطع صغير - كزبرة خضراء مقطعة صغير- ملح - فلفل – كمون- 3 طماطم كبيرة- 3كوب ارز- شطة ( لو عوزاة حراق )- 2 ملعقة سمن

اولا :طريقة تنظيف الممبار
- اول حاجة تشيلى الدهن بتاع الممبار و تغسلى الممبار جيدا و على الوش التانى و بعدين حطية امامك فى الحوض و ابتدى اجردى فى الممبار بالسكينة كويس قوى بس اوعى يتقطع منك و بعدين خلى ماء الحنفية ينزل جواة كويس و اغسلية تانى كويس قوى ثم ضعي علية كمية مش قليلة من الملح و الخل و سيبية ساعة ثم اشطفيه لحد ما تلاقى كل المخاط اللى كان فية نزل روحى رشة رشة دقيق كمان وادعكية كويس و بعدين ارجعى اغسلية كويس كدة تبقى مطمنة انه نضف تماما و ابدئى بقى تقطعية بالمقاس اللى انتى عوزاة يعنى صغير او يبقى الصباع طويل
.
الحشوة: -
نغسل الارز
نبشر البصل والطماطم و نحطهم على الشبت و البقدونس والكزبرة ونضيف لهم الارز والملح والفلفل والكمون والشطة ونقلبهم جيدا وبعدين نحط السمن
بالقمع- نحشي الممبار لثلثه بس بالخلطةو بعدين ندوس على الممبار بايدنا خفيف علشان توزعى الخلطة و عشان ما يبقاش الممبار مكبوس قوى
-
فى حلة كبيرة نغلى ماء و نضع به ملح و نمسك كل قطعة ممبار و نزلها بالراحة فى الماءالمغلى نلاحظ انها تنكمش و تتقفل من الطرفين و يترك على النار حتى ينضج
-
يصفي من ماء السلق و يحمر في الزيت و بالهنا والشفا
ملحوظة :

كلنا عارفين طبعا ان الممبار دة اللى هو الامعاء الغليظة
لكن السجق اللى هو الامعاء الدقيقة
08-05-1426 هـ, 12:24 مساءً
 
احب اهنيكي يا دوندن على الملف المتميز جدا ده لدرجة اني نفسي والله يتثبت لانه فعلا لا يقل جمالا ومجهودا عن الملفات المثبته وموضوع الصور اظن انه مش مهم اوي قد ما الوصف والتفاعل مع المشاركات ما هو مهم طلب عاجل الى المشرفات يا ريت تثبتو لنا الموضوع وجزاكم الله خيرا جميعا
08-05-1426 هـ, 12:29 مساءً
 
يا صباح الفل عليكم طبعا بما ان الاجازات بدأت فاصبح مشكلة للى مشترك فى الدى اس ال ان الكل بيقعد علية مرة واحدة فبالتالى للاسف يا بيبقى تقيل قوى ودة اللى حصل عندى امبارح يا بيقطع

وعلى فكرة يا عواطف راى كثير من الحموات ان اى اكل من ال t.vبيبقى كلة عك .والله ياريتهم ياكلوا وهما ساكتين و حامدين؟؟
08-05-1426 هـ, 12:33 مساءً
 


الساعة الآن 10:52 .