Analysis Services
لو تسمحولي اكتب انا طريقة المقلوبة
المقادير
باذنجان -جزر -قرنبيط - فراخ او لحمة زي ما تحبي- ملح و فلفل و بهار - أرز
الطريقة
تقطعي الباذنجان حلقات و تحطي عليه ملح و توم مهروس لحد ما ينزل المية اللي فيه بعدين تحطيه فى دقيق و تحمريه و الدقيق علشان تقللي الزيت اللي هيمصه و بعدين تقطعي القرنبيط صغير و تحمريه من غير سلق لحد بس ما يحمر شوية و لو عايزة تستغني عن القرنبيط ممكن بس نصيحة بيدي المقلوبة طعم حلو اوي
تسلقي الحمة او الفراخ و معاهم الجزر و الجزر يكون مقسوم من النص و تعمليه بالحجم اللي تحبيه بعد السلق لو فراخ بتنسليها
تجيبي الحلة و ترصي فيها الجزر و فوقه اللحمة او الفراخ و بعدين الباذنجان ثم القرنبيط و تحطي الشوربة و تخليها تغلي اول ما تغلي تحطي الارز و لو كان بسمتي هيدي طعم احلى كتيرو تحطي الملح و الفلفل و البهار و اول ما يغلي توطي عله لحد ما يستوي و بعدين تقلبي الحلة فى طبق كبير و بالهنا و الشفا
ملحوظة معلش انا ماعرفش ادي مقادير لاني باعمل كده حسب الكمية اللي محتاجاها و يا رب اكون شرحت كويس
09-05-1426 هـ, 01:14 مساءً
 
رواء الاسلام
ميرسى حبيبتى على الوصفة
وان شاء الله اجربها..
تسلم ايدك..
09-05-1426 هـ, 01:47 مساءً
 

المقلوبة
المقادير:

كيلو لحمة ضانى او كندوز صغير مقطعة قطع متوسطة
كيلو بزنجان رومى (اللى هو مكبب)
بصلة متوسطة – ملح –فلفل – بهارات
– 3كوب ارز
الطريقة
:
نضع الحلة على النار وفيها ملعقة كبيرة سمن و بصلة متوسطة مبشورة لحد ما تصفر نضع فصين مستكة و فصين حبهان لحد ما ريحتهم تطلع نضع قطع اللحمة ون نقلبها تقليبتين كويس و بعدين تروحى حطة ماء مغطى اللحمة لحد ما تستوى (طبعا تشيلى بالمعلقة الريم اللى بيطلع اللى بتلاقية لونه بنى )و ملح و فلفل و شوية بهارات


قشرى البزنجان و قطعية اما شرائح بالطول او دوائر تخينة و رشى علية رشة ملح (علشان ما يشربش زيت كتير )اقلية فى الزيت و طلعية على مصفاة او على الورق الماص
اغسلى الارز و صفية طبعا من مايته
هاتى الحلة الواسعه اللى حتعملى فيها المقلوبة و ضعى اول طبقة من البزنجان غطى بيها القاع وبعدين حطى فوقها طبقة من الارز و بعدين طبقة لحمة و بعدين رصى البزنجان وبعدين طبقة اللحمة التانية وبعدين باقى الارز
وبعدين تروحى صبة الشوربة بتاعة اللحمة اللى استوت فيها لحد ما تغطى الارز بحوالى 2 سم وخلية على النار لحد ماتغلى
ويبدأ الرز يشرب الشوربة وعندما تقل الشوربة يتركعلى نار هادئة حتى ينضج نفس طريقة سوى الارز العادية بعد ما يستوى. و جة ميعاد الاكل افتحى الغطاء من على الحلة و اضغطى قوى بالمعلقة على وش الارز علشان و انتى بتقلبية ما يبظ منك و ينزل مظبوط فوق بعض و حطى سيرفيس مدور اللى حتقدمى فية المقلوبة على الحلة من فوق و بالراحة خالص اقلبى الحلة من تحت لفوق وسيبيها شوية على الترابيزة على نفس الحال و تفضل الحلة مقلوبة على المقدار ما تشيليهاش شوية بتاع دقائق
عند التقديم شيلى الحلة من فوق السيرفيس حتلاقى شكلها جميل وبالهنا و الشفا
ملحوظة :
ممكن تتعمل بفرخة بدل اللحمه بس تكونى مسوياها 3/4 سوى
وممكن تتعمل من غير فراخ و لا لحملة . وممكن تتعمل بالعصاج
هى اكلة علمتهالى جارتى رولا الفلسطينية جزاها الله كل خير
09-05-1426 هـ, 02:41 مساءً
 
شكرا يا رواء يا حبيبتى وتسلم ايدك معلش انا كنت كتباها لمووتى من الصبح بس كان النت مرخم

على فكرة بمناسبة الجزر الجزر مفيد قوى لابنك يا رواء
09-05-1426 هـ, 02:45 مساءً
 
هيصى يا mooty جالك طريقتين يا سيتى
09-05-1426 هـ, 02:49 مساءً
 


الساعة الآن 02:47 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏