Analysis Services
ميرسي يا دون و هو فعلا بيحب الجزر جدا
09-05-1426 هـ, 03:45 مساءً
 
الفروت سلاط (سلطة الفواكة )
فراولة - موز - تفاح -برتقال بسرة -سكر - كريم شانتية - ايس كريم
الطريقة
اغسلى الفراولة كويس و شيلى العنق الاخضر بتاعها .
ازا كانت الوحدات صغيرة خليها زى ما هيا و ازا كانت كبيرة
قطعيها نصين او حلقات
رشى عليها سكر كتير و اركنيها على جنب حتلاقيها بتنزل العصير الاحمر بتاعها كتير
قشرى الموز و قطعية شرائح مدورة وحطية على طول مع الفراوله علشان ما يسودش
قشرى البرتقالة و قطعيها مكعبات و حطيها عليهم
براحتك ممكن تقشرى التفاح وممكن لا و تقطعية برضة مكعبات و تحطية معاهم و تقلبى كلة مع بعض
ممكن افتح علبة كومبوت اناناس او كريز او خوخ و اقطعهم برضة قطع و اضيفهم على الفاكهة بتاعتى
اضعهم فى الثلاجة يسقعوا و الفاكهة حتنزل مايتها وحيتجانسوا مع بعض
عند التقديم ازا كانت المناسبة عيد ميلاد مثلا اصبه فى طبق غويط
و اجملة بوردات الكريمة و اجمل فى كل وردة كريزة صحيحة
وازا كان عادى للضيوف اصبه فى كاسات و اجمل بنفس الطريقة
او ممكن اضع معلقة كبيرة كريمة على كل كاس و اقلب و اخلط الكريمة بالفاكهة
و بعدين بالمعلقة المخصوص بتاعة الايس كريم اعمل كرة (بولة ) ايس كريم على وش الكاس
و ممكن ارش رشة مكسرات مفرومة حسب الرغبة و بالهنا و الشفا
ملحوظة : ازا قطعتى الموز قبل وضعة على الفراولة بفترة اعصرى علية نص ليمونة عشان ما يسودش
ازا اضفتى للمكونات علبة كمبوت ممكن تحطى من العصير اللى فى العلبة على الفاكهة و تقلبى كويس
09-05-1426 هـ, 04:27 مساءً
 
يا دون بالنسبة للفرت سلات انا بعصر على الفاكهة كلها ليمون وده بيحافظ عليها مدة اطول و كمان بضيفلها معلقتين زبادي بيديها طعم حلو اوي و ممكن تحليها بالعسل بدل السكر علشان تبقى الفايدة اكبر
09-05-1426 هـ, 06:44 مساءً
 
السلام عليكم ورحمة الله وبركاته
الاخت don والاخت نانى جزاكم الله خير على مايقدم فى هذا الملف واتمنى لكم التقدم دائما
واتمنى الموافقه على تثبيته لان به مجهود كبير وهذا طلب عاجل للمشرفات تمنياتى بالتوفيق
اسمحوا لى عضوه جديده
09-05-1426 هـ, 08:25 مساءً
 
ايه يا ست الكل اذا حضرت الشياطين ذهبت الملائكة فينك وحشنى اكلك يا شيف دينا
09-05-1426 هـ, 11:42 مساءً
 


الساعة الآن 07:49 .