المقلوبه
فرخه مقطعه 4 قطع ومسلوقه نص سلق ومنزوعه الجلد .. أو أكثر
قطع من اللحم سواء بتلو أو ضاني أو شمبري نصف مسلوقه
1 كيلو بدنجان مقطع ومقلي
نصف كيلو طماطم حمراء مقشره ومقطعه حلقات
10 عدد من البصل الصغير القاورمه مقشر أو أكثر حسب الرغبه ..
بصله كبيره + راس توم مضروبين في الكبه ومعهم
( ملح - فلفل أسود - بهارات - رشة قرفه )
كوب حمص شامي مسلوق
4 كوب رز مغسول ومنقوع في ماء لمدة نصف ساعه
ملعقة صلصة طماطم + 3 كوب شوربه لتسوية المقلوبه
الطريقه
طريقتي في سلق الدجاج أو اللحمه ..
بأضع في حله نقطة زيت أسيح فيها فصين مستكه ثم أضيف ماء مغلي
وبعدها أحط أرباع الدجاج أو قطع اللحم ومعهم الملح المناسب..
وبعد نزع الريم الذي سيظهر علي سطح الشوربه أضع بصله مقطعه وحبهان ( أفضله ناعم )
أغطي الحله وأتركها علي النار إلي أن تستوي نص سلق
أفرم البصله والتوم مع البهارات في الكبه .. وأوزعها بين الطبقات وقت رص المقلوبه
لرص حلة المقلوبه ... أول حاجه أحط رشة رز بسيطه في قاع الحله ..
وبعدها علي طول حلقات طماطم وبدنجان ..
ثم قطع أرباع الدجاجه بالعضم وبدون جلد .. أو اللحم .. وأتبلهم بشوية من البصل بالبهارات
وبين اللحوم البصل القاورمه والحمص
بعد ذلك باقي البدنجان ثم الطماطم
آخر حاجه أفرد الرز
أسقي المقلوبه بالشوربه وأن تكون ساخنه وعليها ملعقة صلصه وفلفل أسود ورشة قرفه وبهاروملعقة سمن وأ ضبط الملح .. وأن تكون مقياسها حوال ثلاث أرباع كمية الأرز.. ..
ده علشان الطماطم والبصل فيهم ميه كتير ..
أتركها في الأول علي نارعاليه وأحكم عليها الغطاء .. وبعد أن تتشرب قليلا أهدئ النار وأضع الشياطه .. حتي تمام سواها
أقلبه في سرفيس بمقاس مناسب بالطريقه كما شرحتها don
يرعي في رص المقلوبه عدم الظغط باليد لترك فراغات للتهويه لتساعد علي تسويتها
صباح الفل يانانى و تسلم الايادى بس انتى لية بتنقعى الارز ؟ وخصوصا لو كان ارز مصرى ؟؟ يعنى انا لما بعملها بالارز المصرى بعمل بية على طول بدون نقع . لكن لو بعملة بالارز الطويل الحبة سواء امريكى او اى نوع بنقعه فعلا الا ول لمدة نص ساعة اصل الارز بتاعنا بيستوى على طول





الطرب ( منديل الخروف )

المقادير:

-
منديل خروف

كيلو لحم مفروم

بصلة

معلقة بقدونس مفروم

-
ملح- فلفل –بهارات
1/4 كوب سمن

الطريقة:

-
يقطع المنديل قطع متساوية بالسكينة على شكل مربعات او مستطيلات

-
يفرم البصلً ويخلط مع اللحم المفروم والبقدونس والملح و الفلفل والبهارات

-
يوضع مقدارمن الحشو في وسط كل قطعة من المنديل ثم تلف زى ما بنلف محشى الكرنب على شكل صوابع تخينة
نرصص الطرب على الشواية او فى الفرن على الرف الشبك

وبالهنا والشفا





الياخنى
1/2 كيلو لحم ضانى او بتلو او كندوز صغير (نقطعهم قطع متوسطة مش كبيرة )

1/2 كيلو بصل قاورمة ( الصغير اللى عامل زى البلى )

2 معلقة كبيرة سمن

3 معالق كبيرة حمص الشام

عصير طماطم

الطريقة :

ينقع الحمص فى ماء من بليل او ممكن نسلقة نص سلق مع شوية ملح و كمون

نضع السمن فى حلة على النار ثم نضع البصل القاورمة صحيح زى ماهو لحد ما يصفر

ثم نضع علية قطع اللحمة

ثم نضع الحمص على اللحمة و نقلب المقدار كلة و نضيف الملح و الفلفل

و عصير الطماطم حوالى نص كوباية

نسيبة على النار و نزودلة شوية فى شوية ماء لحد ما يستوى نص سوى

نطفى النار و نضع المقدار فى صينية او طاجن فرن و ندخلة الفرن لحد ما اللحمة و الحمص يستووا و طبعا نبقى بنبص علية عشان ازا احتاج شوية ماء على ما يستوى نحط له

نطلعة من الفرن و بالهنا و الشفا
ملحوظة : البصل بنستخدمه زى ماهو صحيح مش بنبشره ولا اى حاجة





انا كتبت الاكل ومستنياكم بس الظاهر ان كله لسة نايم عموما حدخل اطبخ على ما تظهروا







الساعة الآن 11:34 .