والله اسنتكم كتير الصبح ومحدش دخل المهم تسلم ايديكى يا نانى و نورتى القسم والله اولا بالنسبة للطرب انا بحطله السمن لانى بشوية فالدهن كلة بيتحرق و بينزل و مش بيتبقى الا القليل و بيبقى طعمة حلو لكن لو ححطة فى صينية فى الفرن بلغى السمن تماما

بالنسبة للمهلبية حاولى تسهليها لهم شوية يا نانى يعنى اديهم مثال و احنا كتبنا قبل كدة المهلبية و المهلبية بالجيلى و مهلبية فى الفرن لعلمك يا نانى انا قربت انسى احنا فعلا كاتبين اية قبل كدة حقولك يا نانى انا كنت لسة بفكر انزل شوية بسكوتات لانى تقريبا مكتبتش الا حاجة بسيطة اية رايك ؟؟
يونبونايا و الله حبك لينا و للملف بتاعنا باين قوى من كلامك و انا حسة بيه و بزوقك و بالنسبة للتلخيص انا موافقة و حشترك معاكى بس على ما اعتقد ان فيه حد كان بيلخص على الوورد اول باول ياريت نعرف مين علشان تساعدنا
على فكرة يا نانى انا رولا ما علمتنيش الا المقلوبة و المسخن بس ولكن الياخنى انا اللى بعمله لوحدى بستسهلة مع ارز وخلاص و بتبقى اكلة سريعة و حلوة





أهلا don
كنت متصوره بأني سهلت عمل المهلبيه بنسب الأوزان.. لان دي المقادير إللي بأعملها .. وكنت واخداها من لبان وصاحب مطعم ..وهو بيشتغل بنسب مضبوطه ويحافظ بيها علي الطعم وما يتغيرش يوم عن يوم .. أنا هأشوف الطريقه إللي كتبتيها .. بالتأكيد لا زم تكون حلوه
don اليخني مع الكسكسي أنا إتعلمته من صديقه فلسطينيه .. لأنه معروف عندهم
فكره حلوه تنزيل أصناف للبسكويت ..
إيه رأيك بسكويت الينسون أو جوز الهند أو بسكويت النوشادر
و عندي عجينة بسكويت مشكل بتبقي حلوه ..
السلام عليكم
انا بعتذر عن التاخير
طريقه الفطير المشلتت
1 ك دقيق
ماء للعجن
سنه ملح وزيها سكر
يوضع الماء قليلا قليل على الدقيق المنخول ويقلب باطراف الاصابع حتى يصير عجينه
ونبدا بتفتيغ العجينه
تفتيغ العجينه وهو العامل الاساسى فى نجاحها كفطير
وهوه انك بتعجنى العجينه بايديكى وهى مقبوضه
يعنى تقبض كف ايدك وتعكسى اليمين مع الشمال وتعجنى لمده ربع ساعه بالظبط
وتمسكى قطعه من العجينه وتضغطى عليها بين السبابه والابها م ولو الضغط نتيجته طلعت العجينه رقيقه بدون اى كلكيع فيها خلاص سيبيها ساعه تهدا
اما لو كانت فيها كلاكيع تبقى محتاجه عجن تانى وتكررى تانى لمده ربع ساعه
وبعد ما ترتاح العجينه تقطع على شكل كورات بحجم كوره التنس الى ان يتم تقطيع المقدار كله
وبرده تسيبيها ساعه تهدا
وبعدين تجيبى صينيه كبيره مفلطحه
وتضعى عليها زيت زره وتبتدى براحه يدك تفردى العجينه
الى ان تبقى رقيقه جدااا وتكبر على قد الصينيه
تضعى فيها قطع من الزبد او السمن موش سايح يكون ماسك شويه وتوزعى السمن على كل الدايره وفى المنتصف
ثم تطبقى العجينه يعنى تجيبى اليمين فى النص والشمال فى النص وفوق فى النص وتحتحت فى النص
وتلميها وتحطيها فى حاجه لوحدها على جنب
ثم تجيبى كوره تانيه تفرديها
زى ما عملنا فى الاولى بس من غير سمن
وتحطى الاولى فى وسط التانيه وتلمى الاحرف تانى --الاحرف بتاعه العجينه التانيه تلميها فى المنتصف مثل الولى
وتجمعى الاتنين على بعض
وتجيبى صينيه مدهونه سمن
وتضعى فيها الفطيره
اللى هيه طبقتين
وتضعيها فى الصينيه
وتطبططيها شويه على مقاس الصينيه
وتضعى على وجهها قطع السمن او الزبد وتوضع فى فرن شديد الحراره
وعند احمرار الوجه تخرج ويقدم معها العسل الاسود او الجبن المصرى القديم
ارجو اكون عرفت اوصل ليكم الطريقه
لا يا نانى لازم تكتبيلنا برضة عن المهلبية بدام انتى بتعمليها قوليلنا مثلا على كوبايت اللبن كام المقادير الباقية بالكوباية برضة ؟لعلمك طريقتهم دى هى اللى بتبقى مظبوطة لانك فعلا لما بتروحى تاكلى فى مطعم كل ما بتطلبى الصنف اللى انتى بتحبية من نفس المطعم بيجيلك بنفس الطعم .هى طريقتنا اسهل لكن طريقته هى الاظبط اكيد

الف حمدالله على سلامة الفطير يا ام باسل . على فكرة يا نانى انتى قلتى كتبتى الفطير المشلتت فى المنتدى قبل كدة .صح؟ طب ما تعمليلة copy وتنزلية هنا و يبقى تسلم ايديكى و عنيكى و تسلم ايديكى يا ام باسل





http://acookweb.hawaaworld.com/cook....ok&cookid=1221
طريقة الفطير المشلتت


الساعة الآن 05:54 .