تسلم ايديكى يا نانى مية مية وياريت لو طريقة الفايش واعتقد مش اى حد يعرفه او اى حد بيحبة لكن هو جميل جدا و طعمه مميز و ماما بتتنشأ على اى حد جاى من الصعيد عشان يجيبلها بس انا حديها طريقتك وانا واثقة انها حتنفزها على طول و تدعيلك





مرسى جدا ليكم يا دون انت و نانى بجد اكلات تححححفة
نانى و دون ياريت كل واحد يقول طريقته فى الكعك و سبب انه ممكن يبوظ أو يجمد
ادخلوا هنا " منتدى العروض التجارية للمصريين"
بنات مصر تعالوا نجدد أيامنا الحلوة
ولدتك أمك يا ابن آدم باكياً و الناس حولك يضحكون سرورا
فاجهد لنفسك أن تكون إذا بكوا يوم موتك ضاحكاً مسروراً
الكعك
1 كيلو دقيق
نصف كيلو سمنه
2 ملعقة سمسم
ملعقه كبيره خميره بيره
ثلاث أرباع كوب ماء دافئ للعجن
ذرة ملح

ننخل الدقيق في طبق غويط للعجن ..
نعمل حفره في النص نضع فيها السمسم
نقدح السمنه علي النار لغاية ما تكون ساخنه جدا
نحطها علي السمسم ونقلب بملعقه خشب هيكون صعب طبعا نمسك بإيدينا لأنها سخنه جدا
لماتبرد نبس أو نفرك خليط الكعك بين الإيدين كويس قوي ..حتي ينعم ويتشبع بالسمنه
-نخمر الخميره مع ملعقه صغيره سكر في الماء الدافئ ( ثلاث أرباع الكوب )
بعد أن تعلو وترتفع الخميره .. نعجن بيها الكعك .. ونغطيها لتخمر حوالي ساعه
نشكل الكعك كور صغيره ونحشيها إما بالعجميه أوالملبن أوأي نوع مكسرات مفضل .. أو حتي بدون حشو وننقشها بالمنقاش أو القوالب الخاصه بالكعك..
نخبزها ........................ ولما تبرد نرش عليها سكر بودره

waswosa عشان الكعك يكون ناعم لا زم نبسه كويس وماء العجن مايكونش كتير
بمعني........... ممكن تعجني كيلو الدقيق بنص كوب ميه لغاية كبايه .. ومش أكتر
كل ما الميه تزيد الكعك ينشف ..
العجميه
1 كوب عسل نحل
1 ملعقه كبيره سمن
2 ملعقه كبيره سمسم
2 ملعقه كبيره دقيق
نحمر الدقيق في السمنه.....ثم نضع السمسم ليتحمر معه
نضيف العسل ونتركه يغلي إلي أن يتقل شويه .. نرفعه عن النار
نضع أي نوع مكسرات مفضله ( بندق - جوز - فسدق )
وهو دافئ نبرمه ليسهل تقطيعه و إستخدامه في الحشو
إلي مامة don
الفايش
1 كيلو دقيق
ربع كيلو سمن
1 كوب لبن حليب
1 ملعقه صغيره محلب
1 ملعقه صغيره كركم
1 ملعقه كبيره حمص مطحون
1 ملعقه كبيره خميره بيره
الطريقه
نخمر ملعقة كبيره حمص مطحون ناعم مع نصف كوب لبن دافئ لمدة 24 ساعة
نعجن الدقيق باللبن المتخمر بالحمص وعليه محلب وكركم وخميره البيره ( بعد إذابتها بملعقه صغيره سكر وربع كوب ماء)
لازم تكون العجينه يابسه جدا وناشفه
نضيف السمنه للعجينه ونكمل العجن ..
بعد أن تخمر العجينه .. نشكلها في صينية الخبز كالرغيف الفينو لكن بعرض رغيفين
نتركها تخمر تاني ونخبزها ... بعد كده نقطعها شرايح رفيعه بالعرض
نحمصها في الفرن .... وبالهنا


الساعة الآن 07:14 .