بونبونايه بصى انا بحط الكل على بعضه اذا عايزه تقسميهم وتدينى جزء ما فيش مانع يا بنبونه على الاطلاق وانا بعثت لدون لغايه ما عملت ومش عارفه اكمل ولا ايه بقى بيتهيالى انا وصلت لصفحه 47 اعمل ايه بقى دلوقتى؟؟

pious heart طبعا دوره الخياطه تجنن والله يا بنتى طول ما انا بتفرج بدعى لصاحبتها بصى بقى ما دمتى غاويه لازم نصاحب واقولك ...... احسن دون تيجى دلوقتى واحنا خارجين عن الاكل قصدى النص
15-05-1426 هـ, 01:49 صباحاً
 
شوربــــــــــــــــــــــة فواكـــــــــــــــــــهالبحـــــــــــــــــــــر
(sea food)

المقادير
1/2 كوب من قطع الكاليمارى
1/2 كوب جمبرى
1/2 كوب لحم كابوريا
1/2 كوب من قطع السمك
بصلة مبشورة
ملح - فلفل أسود - مستكة - حبهان - ورق لورا
حوالى 5 كوبايات ماء- زيت نباتى
الطريقة
:
-
نضع معلقة من الزيت على النار و نضع فيه البصلة المبشورة و المستكة و الفلفل الأسود نقلب دقيقتان بدون أن يتغير لون البصل
-نضع الماء و الحبهان و ورق اللورا و الملح و نتركها تغلى على نار هادئةربع ساعة

- نضع قطع الكاليمارى ثم الجمبرى ثم لحمالكابوريا ثم قطع السمك بنفس الترتيب اللى انا كتباة و بين كل حاجة بنحطها و الثانية خمس دقائق (لأختلاف سوى كل حاجة عن الأخرى) و نطفىء النار بعد و ضع قطع السمك ب3دقائق فقط حتى لا تتفتت و تقدم ساخنة و عليها عصير الليمون و بالهنا و الشفا
15-05-1426 هـ, 02:36 صباحاً
 
السمـــــــــــــــــــــــــــــــــك فى الفرن
المقادير

سمك بورى كبير

4
فلفل أخضر رومى مقطع حلقات

بصلتين كبيرتين حلقات

نصف رأس ثوم مقشرة و مفرومة

ملح- فلفل- كمون- شطة ( لو عاوزة)
نصف كوب ماء

عصير 4 ليمونات

ربع كوب زيت نباتى

الطريقة

-
ينظف السمك جيداً و تزال الأحشاءوالخياشيم ويقطع بطول السمكة من الجنب

نضع طبقة من حلقات الفلفل و البصل و الليمون فى قاع صينية بايركس

-
يوضع السمك فوقة ثم فوقة طبقة أخرى من الحلقات
- فى طبق اخلطى الزيت و الثوم و عصير الليمون و البهارات و صبيها فوق السمك

-
ضيفىالماء ثم ضعيها فى الفرن خدى بالك السمك بيستوى على طول و بالهنا و الشفا
15-05-1426 هـ, 02:47 صباحاً
 
الــــــــــــــــــرز بالكــــــــــــــــــارى و الجمبرى

المقادير
بصلة كبيرة شرائح
5
فصوصثوم
زيت نباتى
ملح - فلفل
ملعقة كبيرة كارى
2
كوب ا رز
نصف كيلو جمبرى مقشر و مغسول
الطريقة

نحمر البصلة فى الزيت إلى أن يصفر لونها قليلاً ثم نضيف الثوم ثم الجمبرى و البهارات و نقلب إلى أن يصبح الجمبرى برتقالى اللون
و نقلب قليلاً ثم نضع الرز و نقلبهم معاً جيداً إلى أن تختلط كل المقادير مع الرز
نضيف حوالى كوبايتين ماء أو أكثر حسب نوع الرز و نتركه يتشرب الماء ثم نوطى النارو نتركه يستوى حوالى ثلث ساعة بنفس طريقة الارز العادى و بالهنا و الشفا
عند التقديم نضع الارز فى طاجن او سلطانية او طبق غويط ونكبسة كويس وبعدين نقلبه حيبقى شكلة حلو وممكن نجملة بوحدات من الجمبرى المسلوقة بقشرة

15-05-1426 هـ, 02:59 صباحاً
 
ارز السمك (البنى)

2كوب ارز
ملح –يصلة كبيرة-2 معلقة زيت
الطريقة :
نغسل الارز و نقشر البصلة و نقطعها شرائح
نحمر البصلة فى الزيت حتى يصبح لونها بني مش اصفر لأ بنى غامق بس مش محروقة
نطلع البصلة من الزيت و نضربها فى الكبة لحد ماتنعم خالص
فى نفس الحلة ونفس الزيت اللى حمرنا فية البصلة نضع الارز و الملح و الماء و البصلة البنى المضروبة فى الكبة ويقلب جيدا ثم ننتظر حتى يغلىالماء و يتشرب و بعدين نوطى النار عادى زى طريقة الارز العادية ثم يترك لحد ما يستوى و بالهنا و الشفا.
ملحوظة يؤكل هذا الارز مع السمك و مع الصيادية
15-05-1426 هـ, 03:22 صباحاً
 


الساعة الآن 07:57 .