السمك المقلى

المقـــــــــــــادير :
كيلو سـمك بلطى أو اى نوع من اللى بتحبى تقلية طبعا حيتنضف كويس و تتفتح بطنة وتتشال هى و الخياشيم و الزعانف الجانبية و الزيل ينظف جيداًوتغسلية من برة و الداخل كويس
تحضير خلطة الحشو
ثوم مدقوق ناعم ..
عصير ليمون ..
ملح و فلفل و كمون
الطـريقـة
1- نضـع الملح والفلفل و الكمون وعصير الليمون والثوم في إنـاء ويخلط الجميع جـيداً ..
2- نتبل السـمك جيداً من الداخل والخـارج بخليط التتبيل السـابق ونضـعه في إناء ثم نُغطي الإنـاء ونضـعه في الثلاجة ويترك لمدة نص ساعـة على الأقل
3- نضع سمكة سمكة فى الدقيق من الناحيتين وننطر الدقيق الزيادة و نقليها فى الزيت
الساخن جدا و الغزيرلحد ما تستوى و تحمر من الناحيتين
ثمّ يوضـع في مصفى للتخلّص من الزيت و بالهنا و الشفا ..
15-05-1426 هـ, 03:50 صباحاً
 
دون ازيك يا قمر
انا احيانا بعمل الارز بالكراميل بيكون لونه حلو وطعمه مميز يعنى بحرق السكر لوحده وبعدين اضيف الماء المناسب للرز ولما يغلى كويس اضيف الرز واكمل التسويه العاديه مع اضافه الملح والبهار
انا اتعقدت من الكرنب الى هنا قوليلى انت كونتى بتعملى فيه ايه اقصد الورق
15-05-1426 هـ, 03:52 صباحاً
 
ام حبيبة الارز اللى بالكراميل كتبناة وطعمه بيبقى جميل فعلا بس انا دايما اعمل مع السمك الارز البنى

وبالنسبة للكرنب معاكى حق لان اللى عندك دة الكرنب البط هو اسمه كدة و الله كنت بضطر احشية برضة لما يكون نفسنا فية و كنت بحاول اقرص علية فى السلق لكن كان بيبقى برضة ناشف ومكنتش بقطع الورقة صغيرة كنت بخليها متوسطة عشان اعرف اقفل على الارز و ما يطلعش منها
15-05-1426 هـ, 04:01 صباحاً
 
ابلة دون
اشكرك على الرد وان شاء الله هجرب وابقى اقوللكم
بالنسبة للوصفات الخيرة الخط طالع صغير اوي اوي مش عارفه كلكم شايفينه كده ولا انا بس
هبه
ايه رايك لو نقسم الحكاية يعني بما اني وصلت لصفحة 48 اكمل 10 صفحات كمان وانتي اللي بعدهم واي حد عايز يشارك يكمل معانا بس نتفق طبعا عشان ما نكررش حاجة لو اوكي انا هبتدي من 49 لغاية 59 وانتي العشرة اللي بعدهم ماشي
15-05-1426 هـ, 09:50 صباحاً
 
بونبوناية حاولى تانى تبعتى اللى عملتى وانا حنسقة و حظبط الكتابة و الالوان وكلة و شكرا لتعبك
هبة حكتبلك لسة السمك المحشى و المشوى و كانا عندنا قبل كدة نوعين ناقصك حاجة تانى بتحبى الكابوريا اكتبهالك ؟
15-05-1426 هـ, 01:16 مساءً
 


الساعة الآن 08:29 .