أهلا mooty
أنا كنت سايبه الدونات تكتبها دون
هأقول لك طريقه حلوه إتعلمتها من واحده ألمانيه

500 جرام دقيق + ملعقة خميره
2 صفار بيضه + ذرة ملح
2 ملعقه كبيره سكر
2 ملعقه كبيره زبده ( 50 جرام )
ربع لتر لبن دافئ
الطريقه
إدعكي الخميره بالسكر إلي أن تسيل
ضيفي اللبن الدافي عليها وأتركيها تخمر لدقائق
أفركي الزبده في الدقيق
ربي البيض مع ذرة الملح بالشوكه
ضيفي البيض والخميره بالحليب علي الدقيق وإعجني جيدا
غطي العجينه وأتركيها تخمر
أفردي العجينه وقطعيها دوائر بكوب صغير
ممكن داخل بعض الدوائر تعملي تفريغ دائره أصغر ..
بعد التشكيل أتركيهم نصف ساعه للتخمير مره أخري
أقلي الدونات في الزيت الغزير
ممكن حشو عدد من الدونات بالمربي بالحقن بماكينة تشكيل البتي فور
يرش سكر بودره علي عدد من الدونات
ممكن تسييح شيكولاته وعمل رسم وتسييل خطوط منها علي عدد من الدونات
ملحوظه
ممكن إستعمال البيكنج بودر بدل الخميره البيره
ممكن عمل الدونات ببيضه كامله بدل من 2 صفار بيضه
جربي يا mooty الطريقه دي سهله ولذيذه
16-05-1426 هـ, 01:56 صباحاً
 
رواء الإسلام
ألف شكر للمعلومه .. ليه لأ ..
هأعمل السمك بطريقتك وأكيد حلوه ما دمتي شكرتي فيها
والله أنا إستفدت كتير من عالم حواء .. كل شويه معلومات حلوه
مش عارفه أجرب إيه ولا إيه .. حاجه تحير
بالنسبه للبهارات دايما فيه أسامي توابل أنا كاتباها كده وأشتريها من العطار بالإسم المكتوب معايا وبس .. أنا عارفه بإن الخلنجان له مذاق الجنزبيل .. ماتقوليش يعني إيه جنزبيل؟؟ .. مش هأعرف أشرح لك .. وزر الورد عارفه إنه بيستعمل مع الحنه .. ليه ؟؟ ما أعرفش ..
وعرق الدهب يعني دار فلفل إللي هوه الكحل .. مضبوط .. الحمد لله
16-05-1426 هـ, 02:23 صباحاً
 
اقتباس مشاركة  (ناني5)
ملحوظه
ممكن إستعمال البيكنج بودر بدل الخميره البيره
ممكن عمل الدونات ببيضه كامله بدل من 2 صفار بيضه
جربي يا mooty الطريقه دي سهله ولذيذه
بالنسبة يا نانى لموضوع الخميرة دة انا سمعت من شيف فى ال t.v للدونات بيفضل وضع بيكنج بودر فى حالة القلى فى الزيت ووضع الخميرة فى حالة وضعة فى الفرن بس مجربتهاش بالرغم ان انا بقلية فى الزيت و بحطله خميرة فورية و بينفش و بيطلع هايل وتسلم ايديكى يا نانى
16-05-1426 هـ, 03:18 صباحاً
 
السمك المشوى
سمك بورى او دنيس -2 معلقة كبيرة زيت -معلقة كبيرة بقدونس مغسول و مفروم -ملح - فلفل - كمون --ثوم - عصير ليمون - ردة
الطريقة ( 1-الشوى بالردة )

ينظف السمك و يغسل و يتبل بالملح والفلفل و الكمون و عصير الليمون
نغطى السمك بالردة . نضع قطعة من الصاج على عين البوتجاز من فوق و نضع عليها السمك ونقلبه على الناحيتين لحد ما يستوى و حتلاقى لون الردة بقى اسود
الطريقة (2- ان يوضع فى صينية )

نضع السمك فى صينية فيها زيت وفصوص ثوم و حلقات ليمون .مع دهن السمك بالزيت
نضع الصينية فى فرن متوسط الحرارة الى ان يستوى و تقدمية وهو ساخن مع الليمون و البقدونس
الطريقة (3- بلفة فى الورق الالومنيوم )

ندهن كل سمكة بالزيت
نحط كل سمكة لوحدها فى ورقة الومنيوم ونلفها تماما بحيث مايكنش باين منها حاجة
نرصص السمك فى صينية وندخلها الفرن بدرجة حرارة متوسطة
تقريبا نص ساعة و حيكون استوى
نطلعة و بالراحة نفك الورق الالومنيوم ويقدم ساخن مع الليمون و بالهنا والشفا
16-05-1426 هـ, 03:46 صباحاً
 
الجمبرى بالارز ( المدفونة)

نص كيلو جمبرى صغير -بصلة كبيرة - 5 فصوص ثوم - 4 معالق كبيرة صلصة - 2 حزمة بقدونس - 2 حزمة كسبرة خضراء - من 2 الى 3 كوب ارز - زيت
الطريقة
نغسل الارز _ نفرم البصل _ نفرم الثوم _ نقطع البقدونس و الكسبرة الخضراء بعد غسلهم
نشوح البصلة المفرومة فى الزيت وبعدين نحط عليها الارز ونقلبهم مع بعض
نضع علبهم الصلصة ونقلب برضة كويس
نحط الماء على الارز و الملح و الفلفل و نسوية بالطريقة العادية بتاعتنا
فى حلة تانية نضع معلقة زيت و نشوح فيها الثوم المفروم و بعدين نحط علية الجمبرى المقشر و المغسول
و نشوحة تقليبتين مع الثوم و بعدين نحط الخضرة المقطعة مع الملح والفلفل و نقلب لحد ما يستوى الجمبرى
حيكون الارز استوى عندنا و طفينا علية
عند التقديم نجيب طبق غويط و نحط الاول طبقة جمبرى و بعدين نحط طبقة ارز وبعدين طبقة حمبرى و بعدين طبقة ارز و هكزا
على ان تكون اخر طبقة هى طبقة الارز و يضغط علية ثم يقلب فى طبق التقديم و بالهنا و الشفا
16-05-1426 هـ, 04:06 صباحاً
 


الساعة الآن 05:28 .