اقتباس مشاركة  (Hodhoda)
انا دلوقتى باعمل تلخيص كدة مقسم sweet و food
اللى بدأ من الاول ياريت يبعت لى التلخيص بتاعه واضمه على اللى عندى وابعته للجميع

بس كنت عاوزة اسالك سؤاليا دون
تفتكرى لو دخلت المطبخ ومعايا الورق ده (بدون سابق تجربة اطلاقاااااااا) هاطلع فى الاخر باكلة ولا هاطلع بالورق محروق. هههههههههههه
بالنسبة للتلخيص استنى يا هودهودا لان بونبوناية و هبة خلاص لخصوة و بونبوناية قسمتة اقسام و بعتوهولى خلاص وانا دلوقتى بنسقة و اوضبة و اول ما اخلصة حبعتهولكم على طول
اما بالنسبة للورق دة سؤال تسئلية بزمتك ؟؟؟طبعا حتطلعى بالورق محروق و انا عارفة ان حيدعا عليا فى الاخر . واظرف ما فى الموضوع انك بتضحكى .
16-05-1426 هـ, 02:17 مساءً
 
أهلا دون
سألت بالتليفون عطار كبير .. مش نور الشريف طبعا
قال الدار سيني مش القرفه .. والخلنجان خشب غير الحبهان .. والجلجلان هوه السمسم
ودار الفلفل زي الفلفل أسود لكن أكبر شويه .. أنا كنت متأكده من المعلومه
ياريت نسأل فيها نور الشريف ..
16-05-1426 هـ, 02:31 مساءً
 
ضحكتينى يا نانى
طب الاكوام اللى انتى قولتيها دى انا مش فاهماها
يعنى بالجرام ولا بالقطعة ولا بالكبشة ولا ايه
اصل العطار بتاعنا مش نور الشريف ده حسن يوسف
16-05-1426 هـ, 02:45 مساءً
 
إضحكي يا عواطف .. حلو إن فيه حاجه تضحك
أنا كتبت إنها أوزان يا عواطف
نقول متلا علشان نعمل كيلو بهارات نحتاج الي
100 جرام جوزة الطيب
400 جرام فلفل أسود
100 جرام دار سيني
100 جرام قرفه
100 جرام خلنجان
100 جرام زهر فلفل
30 جرام قرنفل
70 جرام زر ورد
طبعا الكميه كبيره الكيلو ممكن تعملي نصه
أو إعملي زيي أنا بأعمل الكيلو ويتقسم علي الحبايب
علي فكره كنت مره قريت بأن جوزة الطيب فيه فتوي إنها حرام
المرات الأخيره لغيتها من البهار .. تصدقي إنها عامله فرق .. البهار بيها أحلى
16-05-1426 هـ, 03:45 مساءً
 
عارفه يا نانى ان البهارات بتخلى طعم الاكل رهيب
بس بصراحة انا حاسة انك ماشاء الله عليكى استاذة بجد والله
انا هروح بالمقادير للعطار فى الاجازة ونعمل خلطتك السرية

دون ، ازيك واخبارك ايه فى الملف ربنا يقويك على تكملته وان شاء الله يشرف
انا عملت طاجن الارز باللحمة وكان جميل بس احمر شويه من تحت (اتلسع)
نجرب تانى وشكرا يا قمر
16-05-1426 هـ, 04:12 مساءً
 


الساعة الآن 09:32 .