بقسماط بالسمسم
5 كوب دقيق
كوب ونصف ماء أو لبن أو خليط منهم دافئ
ملعقه صغيره ملح
خميره بيره + ملعقه سكر
ربع كوب زيت
سمسم مغسول وناشف
الطريقه
ندعك الخميره مع السكر إلي أن تسيل
ونضع عليها نصف كوب ماء دافئ ونتركها تخمر
بأعجن البقسماط بطريقه سهله
أضع في الخلاط الخميره والماء أو اللبن المذكور في المقدار والزيت والملح وأخلط جيدا
أضع حوالي من 1 كوب إلي 2 كوب دقيق في الخلاط
وأخلط ( علي حسب مقدرة الخلاط في اللف )خلط جيد حتي ينعم
أسكب الخليط في طبق غويط .. وأكمل العجن بباقي الدقيق حتي تتكون عجينه متماسكه
نتركها تخمر حتي يتضاعف حجمها
أشكلها إما ببرمها أصابع طويله أو أصل الأطراف مكونه كعكه
أدهن الوجه ببيضه + ملعقه كبيره لبن بودره مخفوقين
أرش السمسم علي وجه الكعك أو أدحرج أصابع البقسماط علي السمسم
مهم ترك البقسماط يخمر تانية ويتضاعف مرة أخري
أخبز في فرن متوسط الحراره .. حتي يتحمص البقسماط
17-05-1426 هـ, 07:25 مساءً
 
بسكويت اليانسون بالسمسم
نص كيلو دقيق + ملعقه كبيره بيكنج بودر
1كوب سكر
1 كوب خليط سمنه علي زيت
3 بيض
2 ملعقه كبيره يانسون
سمسم مغسول وناشف
الطريقه
نمزج في الخلاط السمن والزيت + السكر + البيض ... مزج جيد
نسكب الخليط في طبق غويط ونضيف اليانسون ونقلب جيدا
نعجن بالدقيق المخلوط بالبيكنج بودر عجينه متماسكه
نفرد العجينه باليد بسماكه أقل من 2 سم في صينيه مدهونه بالزيت
نرش السمسم علي وجه البسكويت ونضغط عليه باليد
نترك العجينه حوالي نص ساعه لترتاح ونسخن الفرن
نخبز في فرن متوسط الحراره
عند تمام السواء نخرج الصينيه ونقطعها أصابع رفيعه
نعيد الصينيه لفرن دافئ حتي ينشف البسكويت
17-05-1426 هـ, 08:09 مساءً
 
السلام عليكم
دون ونانى
ربنا يكرمك ويجزيكم كل خير
امس انا عملت خبز الصاج بس عملت شويه اضافات وكانت النتيجهرائعه والاولاد عجبهم جدااا
انا عجنته بلبن فقط
واضفت له سكر
واضفت ليه سمن قليل
ومرققتوش جدا
وسويته زى ما نانى قالت
قلبت صينيه المونيوم على النار
وهلى نار متوسطه سوينه
والاولاد حبوه جدااا وعجبهم
17-05-1426 هـ, 08:43 مساءً
 
ألف شكر يا don...... حلو إنك نزلتي لي التشيز كيك
الصينيه إللي عندي بتتفتح مقاسها 20 .. المقدار إللي كاتباه كتير عليها ؟؟
البسكويت لما يتفرد في الصينيه .. المفروض يكون إرتفاعه قد إيه .. تقريبا 1 سم ؟؟
لما أخفق البيض والسكر والجبنه مش بيحتاجوا معاهم دقيق ؟؟ ..
في التشيز كيك إللي بأعمله بأحط حوال 2 ملعقه كبيره دقيق
حلوه قوي فكرة الزواق إللي عاملاها .. بس لازم كمبوت أناناس
ينفع أعمل بنفسي كمبوت تفاح أو خوخ أو مشمش .. الموجود وفيه كما ن بطيخ
حاجه تانيه لازم بودرة جيلي .. عندي جيلي أناناس .. ينفع ؟؟
اقول حاجه كمان ينفع أعمل الجيلي فراوله .. وأحط معاه وحدات فراوله
17-05-1426 هـ, 10:28 مساءً
 
أهلا أم باسل
جميلن عملتي خبز الصاج والأجمل إنه عجب الأولاد ربنا يسعدك بيهم
وحلو إنك تعملي إضافه من عندك ..ألف هنا وشفا
18-05-1426 هـ, 12:16 صباحاً
 


الساعة الآن 10:33 .