اقتباس مشاركة  (ناني5)
ألف شكر يا don...... حلو إنك نزلتي لي التشيز كيك
الصينيه إللي عندي بتتفتح مقاسها 20 .. المقدار إللي كاتباه كتير عليها ؟؟
البسكويت لما يتفرد في الصينيه .. المفروض يكون إرتفاعه قد إيه .. تقريبا 1 سم ؟؟
لما أخفق البيض والسكر والجبنه مش بيحتاجوا معاهم دقيق ؟؟ ..
في التشيز كيك إللي بأعمله بأحط حوال 2 ملعقه كبيره دقيق
حلوه قوي فكرة الزواق إللي عاملاها .. بس لازم كمبوت أناناس
ينفع أعمل بنفسي كمبوت تفاح أو خوخ أو مشمش .. الموجود وفيه كما ن بطيخ
حاجه تانيه لازم بودرة جيلي .. عندي جيلي أناناس .. ينفع ؟؟
اقول حاجه كمان ينفع أعمل الجيلي فراوله .. وأحط معاه وحدات فراوله
بالنسبة للدقيق يا نانى لأ ماتحطيلهاش دقيق خالص لانها بتدخل الفرن انا بحط الدقيق للى بعملها على البارد
و بالنسبة للصينية هى مقاس 20 حتكون صغيرة شوية لكن مقاس 22 حتكون مناسبة و ممكن تعمليها فى المقاس اللى عندك لكن حتكون تخينة شوية
و بالنسبة لللارتفاع البسكوت بيكون 1 سم
و بالنسبة للجيلى لازم يكون بودرة لانى بدوبة فى العصير بدل الماء
و لو كنتى عاوزة تستخدمى فراولة مثلا بدل الاناناس يبقى تستخدمى الجيلى برضة فراولة





نانى لو سمحتى انتى قولتى ان فى طريقه الكسكسى بتستعملى الكبه بس تطلعو حبوب ولا فيه حاجه كمان
أهلا أم باسل
أيوه الكبه بتطلع الكسكسي حبوب .. وممكن خلاط الطعام المالتي ينفع .. وممكن المولينكس بتاع الملوخيه .. أو أي جهاز شبيه له في الإستعمال .. إللييستعمل في تفتيت التوم والبصل
لعب واشكال و مكعبات جيلى
( تبقى خارج الثلاجة لمدة 3 أيام من غير ما تسيح )

3 باكو جيلى احمر

4 كوب ماء ( 2كوب بارد + 2 كوب مغلى )

4 أكياس جيلاتين بودرة – خلة أسنان خشب

الطريقة :
اضع ال 3 أكياس جيلى فى ال2 كوب ماء مغلى و اقلبهم بالمعلقة
اضع اكياس الجيلاتين على الماء بالجيلى
واضع عليهم ال2 كوب الماء الباردين و اقلبهم بالمعلقة حتى يزوب الجميع تماما
اصب الخليط فى صينية او طبق بايركس طويل
او بدل الصينية اصب الخليط فى القوالب اللى زى قوالب الثلج اللى على هيئة لعب
(وردة –قلب –قمر – سمكة )
مع ملاحظة انك لازم تشيلى الرغاوى اللى بتظهر على وجة الجيلى تماما
اضعة فى الثلاجة ليجمد تماما
اخرجة و اقطعة بالسكينة مربعات او مستطيلات او دوائر او اشكال بقطاعة البسكوت او ممكن تقطيعه على هيئة حروف و تكوين اسم و وضعة على التورتة
اغرز خلة فى منتصف كل قطعة ليحمل منه
اضعة عادى خارج الثلاجة ممكن عمل هدا الصنف فى اعياد الميلاد و المناسبات





ياخسارة فاتني حاجات كتير اوي....وتحميل الجهاز عندي بطئئئئئئئئئئئئئئئ مش هعرف اقرا كل اللي فاتني
ياتري يادون انت بتعملي تلخيص لملف الاكلات دة حاليا ولا ايه؟؟؟؟
اصلي محتاجاه ضروري لاني عاوزة اختار كام حاجة جديدة اجربهم واتقنهم وابقي مميزة بيهم
تنصحيني ابدأ بايه؟؟؟؟؟؟؟؟ بس حاجات سهلة الله يخليكي حلو وحادق قوليلي الاسماء وانا هدور بقي اعمل ايه
فيه عندي طريقة حلوة للجلاش زي السمبوسة ولها حشوة خاصة وبتبقي خفيفة وجميلة اوي يمكن تكوني ذكرتيها لانك ماشاءالله عليكي موسوعة
لو مكنتيش قلتيها قبل كدة وحد حابب يعرفها هقولهالكم....بعد اذنك طبعا
لازم نستازن من صاحبة البيت قبل ماندخل مطبخها ونعك براحتنا


الساعة الآن 10:34 .