اخيرا شفناكى يا كهرمانة ؟ بصى انا دلوقتى بوضب فى التلخيص وحيكون جاهز فى خلال يومين و حبعته لكم على طول و ايوة احنا كنا عاملين اصناف جلاش لكن انا مستنية طريقتك انتى اكتبيها لنا من غير استئزان و البيت بيتك يا ست الكل دة حتى عشان تبقى ختمتى معانا انتى تؤمرى يا كهرمانة
18-05-1426 هـ, 01:59 صباحاً
 
ماشي ياجميل

جلاش بالمكرونة:
المقادير:
كيس مكرونة اسباجيتي مسلوقة
لحم مفروم معصجة ومضاف اليها ملح وفلفل وبهار لحمة
لفة جلاش

الطريقة:
نجيب ورق الجلاش نفرشه ونقطعه بحيث القطعة اللي هنحشيها تكون مستطيلة وطويلة نضيف شوية مكرونة وشوية لحمة معصجة ونلف بشكل مثلث بحيث تبقي شكل السمبوسة وندهنها من علي الوجه زيت وندخلها الفرن في صينية
او ممكن نحمرها في الزيت..بس طبعا في الفرن اخف
وبتبقي جميلة جدا وهتعجبكم ان شاءالله
18-05-1426 هـ, 02:49 صباحاً
 
انا دخت علي طريقة همل الجاتوه ياناني
من فضلك موجود في اي صفحة لاني عاوزة اعمله ضروري ضرورييييي

كمان...هل كتبتم طريقة عمل البيتزا المظبوطة قبل كدة؟؟؟؟؟اصلنا بنجيب عجينة العيش الفينو من الفرن ونخلص وبتطلع حقيقي روعة مش العاهات الغريبة الي بتطلع اما بنعملها في البيت
18-05-1426 هـ, 03:13 صباحاً
 
ايه الجمال ده ربنا يخليكى يا دون ويا نانى:
وطبعاً مفيش حاجه ممكن تتقال بعدكواااااااااااااا
18-05-1426 هـ, 07:47 صباحاً
 
مية مية يا كهرمانة فية أمل ما تقلقيش وعلى فكرة انتى لية مش بتخلطى المكرونة بالعصاج مرة واحدة و تريحى دماغك بدل ما تفضلى تاخدى شوية من هنا و شوية من هنا ؟اسهلك يعنى

وعلى فكرة ممكن تعملى بنفس المقادير بتاعتك صينية المكرونة بالجلاش كل الحكاية انك بتدهنى الصينية شوية زيت و تحطى نص مقدار الجلاش و تحطى المكرونة بالعصاج و بعدين باقى الجلاش بس احنا بنقطعها مثلثات زى التورتة و عادة بنعملها فى العزايم
وبانسبة للبيتزا مكتوبة و ما تقلقيش حخلص التلخيص بسرعة و حعملة فهرس
18-05-1426 هـ, 10:34 صباحاً
 


الساعة الآن 09:32 .