صباح الفل يا شباب
اخبارك ايه يا دوندن انا فى الاجازة عملت كفته داوود باشا وكانت تحفة
شكرا يا دون

نانى انت عاملة ايه واخبار البهارات ايه ، اروح عند حسن يوسف ولا لأ
بصى يا ست الكل ، انا عملت الكسكسى ومش قادرة اقولك جماله ، انت فكيتى العقدة الكبيرة
وجوزى عجبه جدا وتخيلى قالى ايه ، ده احلى كسكسى اكلته ومش بس كده ده طلب ان اعمله تانى انا كان هيغمى عليا من الفرحة وفعلا عملته يومين ورا بعض
ثانى يوم وانا فى المطبخ وبعمل الكسكسى للمرة الثانية والبخار طالع من المصفى قدامى دعيت لكى زى الساحر لما يكون قدامه البخور يعنى ان شاء الله دعوة مستجابة
دون انا كنت طلبت منك الكسكسى علشان الخلاط بس انا عملته بالخلاط بتاع الملوخية فبلاش تتعبتى نفسك وتكتبيه تانى .
ربنا يخليكم لينا
صباح الخير يا دندون

والله عندك حق فى كلامك...

بس تعالى هنا انتى رايحة فيييين ,,, وكمان يوميين مش يوم واحد؟؟؟؟

على العموم ها توحشينا موووووووووووت..

نانى

انتى فيين,،

ها ها تعملولنا اية النهاردة ؟؟

************MoOnty**********
دندون
تعرفى اى اكلة بالخرشووف
لاحسن انا ما اعرفش لى حاجة خالص عنة غيير شكلة ،،
وهل طعمة بيبقى حلو ولا لا؟؟؟؟؟؟

************MoOnty**********
أهلا mooty
شايفاكي بتسألي don علي الخرشوف .. إيه رأيك أقول لك أنا حاجات ودون تكمل
الخرشوف معروف من أيام القدماء المصريين وهو من الخضروات الغنيه بالفيتامينات والأملاح المعدنيه .. وموصوف لمرضي الكبد والسكر والإمساك
ونعمل منه .. الشوربه والسلطه والطاجن والمحشي بالعصاج والمطبوخ بالصلصه وبالباشميل مثل الكوسه وسأشرح لك بعض طرق طبخه
شوربة الخرشوف
4 عدد خرشوف مجمد (موسم الخرشوف الطازج إنتهي )
4 كوب شوربه دجاج أو لحم
1 ملعقة دقيق
1 ملغقة زبده
1 كوب كريمه لباني
عصير ليمونه
الطريقه
نذيب الزبده ونقلب الدقيق قليلا بدون أن يتغير لونه
نضيف الشوربه ونتركها تغلي .. ويراعي أن تكون مصفاه جيدا
نضيف الخرشوف بعد تقطيعه مكعبات صغيره .. ونتركه يستوي لدقائق
نضيف الكريمه وبمجرد غلوه واحده و نطفئ النار ونضع عصير الليمونه


الساعة الآن 02:24 .